一個書生既Player故事: 十七

【你有 4 個新訊息。】
肥傑：【hey bro. 10點玩彩虹冒險？】
我：【OK. 玩一陣】

敏敏：【媽媽買咗個$30蚊既朱古力西餅俾我，好好食啊～要唔要落黎，我拎件俾你食？>3<】
我：【唔洗啦^^你食埋我果份啦 乖】

王家欣：【7頭 恭喜你呢個呀伯終於買電話B-)】
我：【O_o" ha 】林敏兒都係一個大喇叭。我都未講個號碼俾王家欣知。





來自？：【hi 林書生。估下我係邊個？】

邊個黎嫁？我都無佢號碼。

佢呢個電話成功吸引咗我注意力。

我：【你係？】
？：【我係丁丁呀，今日黎俾紀念冊你果個女仔】哦。今朝果個丁佩嵐。個名真係好MK。


我：【怒我直言，我識得你嫁？】
丁丁：【我無同你講過野...不過，你唔認得我咩？】
我：【唔認得....】我真係唔認得。。。
丁丁：【我同你住同一棟大廈嫁】
我：【有D咁既事？你住幾樓？】
丁丁：【18樓~】
我：【哦...我住28樓haha】
丁丁：【我成日返學都撞到你...我以為你會認得我..sad】
我：【我朝早成日都好眼訓..無留意周圍既野..】
丁丁：【都係既，通常我都係你後面..你見唔到我都好正常】


丁丁：【我同你個好朋友張俊傑同一班嫁。有機會一齊玩啦。】
我：【好呀。都就畢業，好似識得你有D遲。】
丁丁：【而家識都未算遲呀B-)】
我：【多多指教呀鄰居：）】

估唔到我咁薯仔又唔打扮都會有D人氣喎，突然間自我感覺良好。我已經將佢列入為暗戀我既category 入面。係同丁丁sms既同時，我都要應酬下林敏兒呢個大小姐。

敏敏：【今日溫完常識～ 我係常識大師! B-)】可唔可以借我抄，我有一條唔係好sure。。
我：【嘿，算把啦你。我問你一條IQ題，你識答我就叫你大師。】
敏敏：【黎啦！你考我唔到嫁】
我：【話說有架飛機比人騎劫，d乘客會對劫機者講d咩呢？】我是但上網禁左一條IQ題。
敏敏：【先生你冷靜D？】到底呢句說話同劫機有咩關係呢。
我：【唔係。】
敏敏：【我無辜嫁。。】
我：【唔係，你好渣。答案係：Nokia。】


敏敏：【點解？我唔明呀。】
我：【落機呀。蠢。】
敏敏：【好爛呀。。咁都得。。我要上訴。。】
我：【廢時你又話我恰你，問你一條簡單D嫁啦。 巴斯光年殺左條龍之後變左咩？】
敏敏：【呢條我識！殺龍巴斯！】
敏敏：【食飽就好眼訓啦~】
敏敏：【咁耐都唔覆我嫁你】

。。。其實我都係五分鐘無覆你姐，林大小姐。

敏敏：【我訓先啦 早抖啦】Good 朕等左你依句說話好耐！
我：【我都差唔多 早抖啦】

Good 即刻上網同肥傑打舖機先。



其實同時秒回兩條友都幾chur。

有時我會諗，Send sms既意義係乜，咁無聊既野，有無必要keep住秒回呢。

唔send就代表我唔掛住你咩？Hea覆呢咁。。。

Send得多又係咪真係代表我掛住你？可能只係解悶呢。。。

女人既Goodest logic....