一個書生既Player故事: 十一

講真，小學既考試範圍好有限，考咁少野根本唔需要日日咪書已經識，以我地咁既力度去溫習，考試對於我地都係好輕鬆。我地預習讀既野應該都有中一既程度。

一月既期中試入面，我同林敏兒既成績都有明顯既進步，林敏兒由平時全級20名平平既成績升到9名。而我由全班包尾上升到全級第5。都話我係一個讀書材料，只係我平時唔肯讀姐。

我地既關係好似到左一個樽頸位，唔上唔落。對於林敏兒由唔熟悉既陌生人變到朝夕相對既。。同學？已經好滿足，但硬係又好似差d野，悶悶地咁。好似打機打爆左咁，無乜挑戰性。熱情過後就係正常既生活，生活就係咁嫁啦，仲可以點樣？

人類既適應能力好強，好似食抗生素咁，食食下D菌就有抗體唔驚你。林敏兒既抵抗能力高左，要整喊佢難度提升左，我要花多少少心機先諗到點樣整喊佢。例如搵剪刀偷剪佢D頭髮、收埋佢本手冊、用原子筆畫D核突公仔響佢D書度，咁佢就會燥到喊啦。

日復一日，穩定既溫習生活都無乜野好交代，做學生都好悶，並唔係咁多姿多彩嫁咋。



俾我知道邊條撚樣（對唔住，我真係太憤怒）發明科舉依樣戇鳩野，我死左之後一定會落去搵佢算帳！

我發誓入到中學一定唔會努力讀書，我要日日打機、睇電視！



二月開始了。

Miss Chan話一齊坐過既同學就唔可以再坐，幾想繼續同同一個人坐返都唔得，要調位係無一倖免既事。



我調左去班房既左邊同王家欣坐，而林敏兒就係另一面同狗公何諾軒坐。

經過呢個學期既相處，我對我地既關係好有信心，打風都打唔甩，何諾軒呢D小薯仔係點都影響唔到我既地位。

對林敏兒都係好事，調左位唔洗俾我日日虐待佢。好彩冬天D長袖衫遮住左佢既手臂，如果係夏天，我應該俾人召左入校長室照左肺好耐。不過旁人見到D瘀痕一定唔會明白固中既樂趣。

其實日日由朝見到黑仲要傾電話都幾Chur，我鐘意林敏兒無錯，不過有時我都想抖下，有時間做下自己野。所以調位呢件事我係幾欣然接受。

不過林敏兒似乎唔係咁諗，佢比我更不捨：「唉，我唔想調位，調左位就無得日日同你傾計。」



「傻妹，小息同放學咪一樣可以傾。好似而家咁。」我對住電話既另一邊講。

「係既。。咁都係傾少好多嘛。。」

「唔捨得我？係咪覺得我太迷人？」

「嗯。」林敏兒變得愈來愈溫馴，都開始會承認佢對我既喜歡之情。

「少傾d咪會掛住d，又多d野講。」有時拎住個電話又諗唔到野講，又唔知點收線，都幾浪費時間。

「嗯。」嗯咩姐你，成日都係度嗯。

「你唔準同王家欣傾咁多計，淨係可以同我傾，如果唔係我會嬲嫁。」

「哦。。好。。」我滴汗。本來我同王家欣就無乜兩句。你既擔心會唔會有D多餘？