短篇劇本《少女藏刀》: (二)

第二場

地點： 萬家飯廳
人物： 萬佳宜，萬佳成，萬忠仁，馬意文，李慈

△一家五口坐埋一齊食飯，萬忠仁，李慈已經食緊，其後出現的是萬佳成，馬意文(由廚房行出飯廳)，最後是萬佳宜，一邊食一邊講

馬意文： 仲有兩個禮拜，你同阿森個婚禮搞成點呀？
萬佳宜： 七七八八啦，頭先放工再去搵個wedding planner 傾埋個佈置，所有野就搞掂啦
李慈： 阿宜呀，到時阿娟姨媽同大姑姐佢地全部都黎齊嫁，要搞得好好睇睇，唔好失禮人呀




萬佳宜： (一面天真) 得嫁啦嫲嫲，我同阿森籌備左好耐，無問題既

△萬忠仁啤一啤萬佳成

萬忠仁： 阿成你到時都要去呀！
萬佳成： (不耐煩)得啦….
萬忠仁： 唔得都要得呀！次次你都話得，結果咪又係掛住做你d死人野！咁多份工唔打，篇篇做埋d陰質野，搵埋d明星資料明星相，等人死左用黎做新聞！你睇下間房，貼到成牆都係紙，黑沉沉咁，你係入面死左都冇人知呀！

△萬佳成用鼻呼一啖大氣，表示嬲嬲地，但默不作聲
△及後，電腦發出”叮”一聲，表示打包下載已經完成




▲萬佳成急速食埋碗飯，走番入房

萬忠仁： 呢個衰仔一日到黑呢埋係間房度，淨係識對住部電腦，呢個仔無鬼用嫁！
馬意文： 哎呀唔好嘈啦，難得阿女就黎結婚，就開心d啦
萬佳宜： 係囉阿爸，我同阿森搬左出去住之後，就得番阿哥同阿媽陪你嫁啦
萬忠仁： 我堂堂一個大男人駛鬼人陪！係啦阿媽，你對龍鳳手鐲比左阿宜做嫁妝未？
李慈： 比左啦，阿宜咁乖，嫲嫲梗係鍚曬你啦

△萬佳宜笑容燦爛地說





萬佳宜： 多謝嫲嫲