電腦無啦啦多左d唔知咩既檔案係度(上): 第三十四節

既然無事可做，我地最後決定出發去沙拉寺
出左旅館，我地就坐中巴入沙拉寺，巴士係拉薩主要既交通工具，坐佢可以好容易去到唔同既景點，其中5路就係去沙拉寺既
黃昏暮色下，從車裏面可以睇到落日既清暉…
黎到沙拉寺既時候，我立即帶肥康同suki入內
唔估到短短幾個鐘，我已經係度進出左左兩次
我又隨便問一個睇落好似係住持既人，仍然講住好爛既普通話
「大師，請問倉央大師在哪裏?我們找她有點要事」
呢位喇嘛講野既語速好慢，連行動都好慢條斯理，唔通好快圓寂?唔應該咒人死既…
「她…應該在後山那裏」
「後山什麼地方呢?」




「我想是天葬台那邊」
謝過呢位住持，我地向住後山進發
呢個後山其實都幾難行，半山腰果度有一條小路徑，呢個時候天氣又凍凍地，係西藏朝早同入夜既溫差對比起香港真係幾大，搖搖擺擺跌跌撞撞間我地終於拐到去天葬台。
夜幕既籠罩，令周邊起氛更覺詭異。一個光頭既女喇嘛就坐左係天葬台上面，台上面有唔少坑紋，仲有d碎骨同粉末，我諗呢個台依然運作緊…
肥康向我打個眼色，我指一指光頭女喇嘛示意佢就係果個倉央…
肥康一馬當先就走左埋去，我同suki搵長褸頂帽笠住自己就行埋去
「你好呀，我係肥康，你就係倉央大師喇，係咪?」肥康好有禮貌咁打左個招呼
「係呀，我就係倉央，搵我有d咩事呢?」倉央緩緩站起身來
「係咁既，我同朋友都係慕名而來，聽聞倉央大法師係轉世靈童，所以我特意過黎結識結識」肥康磨拳擦掌，一副烚熟狗頭咁款
「你太過獎喇，呢d都係傳聞，名過於實…」倉央隻手微微合十




「實不相瞞大師，我朋友最近用電話比左一段片我，而段片果個人就好似大師你個樣」說著肥康就拎左佢部電話禁段片
倉央一路望一路好似隻手有d震，雙眼睇野好似冇焦點咁呆呆望住
「…歷史既完結，未來再沒有所謂歷不歷史，創制者將會完結整個世界….」倉央口中喃喃有詞
「請問…」肥康打斷倉央既唸諗有詞
「呢一個係我個夢…由細到大我都發左好多次，我對呢一個夢好有深刻既印象」倉央心中好似有d悸動
呢個時候我都出聲，我故意壓低把聲沉聲道
「我都好想知段片既內容係講d咩」
「佢地兩個都係跟我黎西藏玩既朋友」肥康向倉央介紹我同suki
我地企係背光既位置，倉央應該睇唔清我地個樣
倉央又坐番低，只聽到佢係度講




「歷史完結之時，世界會充滿苦難，所有人會一瞬間被岩漿所吞噬，係無間地獄裏面燃燒…」佢開始跟住段片做番果個動作，就好似…走左入段片親身睇住光頭女人咁樣…