電腦無啦啦多左d唔知咩既檔案係度(上): 第三十一節

係晚飯既時候，呢個大叔既妻兒，兄弟都番左黎，原來呢個大叔叫呀秋，一家人有主要係隔離鎮打工，呀秋就做運輸貿易，所以成日兩邊走，而個小麥田都係主要由老婆婆打理…
食飯期間我聽到呀秋個仔聽日生日
「明天9號就是小娃兒生日，想要什麼生日禮物」老婦逗趣說道
熱熱鬧鬧間，我心頭一震…今朝睇個手機日期好似係2x號，點解聽日係9號?
我連忙問
「今天是1月5日嗎?」
「哈哈，街市仔你迷路迷得當真糊塗了，今天是8月8日，是雙8呢」呀秋拎起左一碗清酒飲
8月8號?咩話? 我明明放緊寒假，8月8號係暑假喎大佬…轉念間…係喎西藏8月都係十幾度…同香港冬天差唔多...唔通我穿越時空?
「我知道這個問題好愚蠢，請問今年是什麼年?」我把口有少少震
「今年是2011年，什麼事了?」




2011?! 唔通番番左去同suki、肥康、呀樂四個人黎西藏呢一年…?
諗諗下，8月8號…我記得日記係寫我地8月10號出發黎西藏
有個念頭瞬間係腦海中出現，會唔會我del file del到去2011月8月8號呢?
所以歷史番番黎8月8號呢一日重新run過…但點解我仲會存在?另一方面，肥康佢地係咪都係呢個世界上面呢?
「沒什麼事，我在想想年紀的事兒罷了」我隨便搵個藉口膚衍呀秋


如果我真係番到黎過去，咁我咪可以搵到bernando呢個始作俑者，亦都可以預先阻止呀樂都唔定…我內心越黎越興奮
當晚半睡半醒咁樣發左幾個短夢就迎黎第二朝…






呀秋果架車係一架好型既吉普車，但用到幾舊同幾多污跡。係香港真係好少見呢種咁既越野車，估唔到可以親身試坐下。
同呀秋家人分別之後，呀秋就車我出發去拉薩，呀秋話我知通常佢每出去一次就會去成個禮拜，做生意冇辦法啦…
沿途既風景都好優美，呀秋哼住西藏味好重既小調，仰起頭黎，我終於體會到咩叫做高聳入雲，一座又一座既山巒起伏，有d高到插左入雲海之中，而且周邊果種遼闊空曠感真係令人有大地在我腳下既感覺。
駛左大約七八個鐘，差唔多到左拉薩範圍裏面，呀秋開始同我講，拉薩係西藏既文化名城，又係度介紹比我聽有咩好景點…
「你看!前面不遠就是沙拉寺了」呀秋指住前方說道
又紅又白既色調，依山海而建既獨特風格建築，比人一種好莊嚴而且神聖不可侵犯既感覺，最高既金頂可以話係最吸引人眼球既標誌
呀秋話比我聽呢個沙拉寺背後既山上有一個天葬台，天葬係藏族都係一個比較傳統同普遍既處理屍體方法，就係比秃鷹食左條屍…呀秋好似越講越恐怖…
到左沙拉寺果陣，我又醒起呀樂既日記裏面提過有個女喇嘛…
我連忙叫停呀秋，同佢講話我想去一去沙拉寺，果度有可能有我既朋友




呀秋好好人咁送左我去沙拉寺，然後拎左張卡片出黎
「如果之後有什麼困難，給我一個電話，這幾天我都會在拉薩，祝你順利回家」
面對咁友善既呀秋，我忍唔住擁抱左佢一下
「謝謝你喇，以後有我能幫忙的地方，請儘管找我，不用客氣」我再同呀秋握左下手
係大陸黎講呀秋呢種人真係好難遇到，係新聞成日都聽到有人去西藏比人打劫，比人劫殺，坐個順風車都可能客死異鄉，所以真係好好彩…