電腦無啦啦多左d唔知咩既檔案係度(上): 第十五節

見我既爭扎唔成功，唯有真係跟呀力上演一場特務片啦…
呢棟樓坐落係平常到唔平常既地方，連肥康間工廠都有電影魅力過呢棟咁既死人野啦，恐怖味都重d，你睇呢度有咩氣氛呢。我地坐完地鐵出左地鐵站只係行十幾分鐘就到左目的地。
「唔~! 呢度計計角度就知係黃大仙既樓黎」我忍唔住輕嘆
面對我咁on9既舉動，呀力無視左
「街市仔，仲慢吞吞做咩!入去啦!」
我攝手攝腳跟住呀力入左大廈入面，棟樓同我屋企差唔多
入lift之後呀力禁左40樓 然後同我講
「一陣出到去係lift口裝一個鏡頭先，然後話比肥康聽，佢會接駁同調校個訊號，係佢果度直播，然後通過耳機同我地講有冇人黎」呀力好似睇戲睇上腦咁款
「over…over…呢度係黃大仙xx樓40樓，肥康收唔收到，肥康收唔收到」呀力左顧右盼睇下側邊有冇人，直頭變左戰地記者咁
「屌，好撚膠，肥康收唔收到」我被迫跟住學呀力咁check下個通訊系統




「肥康呢邊都收到，非常清楚」估唔到肥康都中埋撚毒，成班ff怪
呀力示意我企起樓梯門後面，因為按照我同肥康所講，如果呀樂真係我同肥康既中同，咁樣呀樂就會識得我，而由於呀樂係唔認識呀力既，所以由佢出面打頭陣。


「叮噹!」好傳統既門鈴聲
過左成分鐘都冇人黎應門，呀力比左個手勢我，示意我可以出黎。
我從防煙門後走左出黎，見到呀力已經拎緊佢手上果把萬能匙出黎
「喂!你唔係真係諗住開人地道門呀?犯法嫁喎大佬，比街坊見到報警點算」
「無野既，你係度睇住水先，確保同肥康通訊先」呀力一副踴躍既表情
死喇，佢已經進入狂熱狀態，睇黎都阻止唔到佢




「啪」的一聲，鐵閘應聲而開，三兩下手勢連木門都打開埋
「唔好講咁多入屋先再講」呀力一野捉左我入屋
入左屋後，呀力好快咁就關左道門佢。


呢間屋睇落亦好平常，並無肥康果度咁多電腦主機放左係度，我真係唔明呢度點可以做到歷史控制器既基地…
三房一廳，同普通小康之家差唔多，係廳望出窗既景色又幾正，睇住繁忙人既生活，而自己咁悠閒，感覺會特別暢快。
「呢度應該就係呀樂間房」呀力個聲音從隔離房傳黎
我即刻就跑去呀力果度
呀樂間房有張床，有個書架有個櫃，同埋一張電腦枱，呀力好快咁開著呀樂部電腦黎睇




「街市仔，你幫手係三個房同埋客廳幫手裝鏡頭係牆角果度，你同肥康一路保持連絡同埋調校個清晰度」呀力一路破解登入既密碼一路同我講
我去左呀力個袋拎左幾個針筒鏡頭出黎，分別裝左係三間房同埋客廳果度
「肥康!清唔清呀個畫面?」
「簡直係高清拍攝，要搖撚準備呀!都唔知呀力係邊到班到咁多正野番黎，遲d要好好問下佢先得」肥康係耳機傳黎一陣淫靡到不得了既笑聲。
當我番番入呀樂間房既時候，已經見到呀力係呀樂部電腦搵緊d特別既紀錄
「街市仔你裝哂d鏡頭喇?」
「係呀，仲隱藏得好完美，睇黎我畢業去做私家偵探都有人請，ohyeah」我忍唔住moonwalk左幾野
「係喎，街市仔你睇下書架同櫃裏面有冇d可疑既野?」呀力提議道


「東野桂吾、江戶川亂步…好多推理小說喎，仲有戰國策、三國演義、史記、仲有中國現代史…好多好多書，估唔到呢個呀樂又幾有文化氣息喎衰鬼」我不自覺咁讚一下呀樂既品味。


咦?日記黎嫁喎
一本有個鎖鎖住既書仔係度，睇落好似就係呀樂既日記




我將呢本野比左呀力睇，呀力三兩下手勢又破解左個密碼
我好快咁揭到最後一頁係有野寫既，望下個日子…竟然係我發現無啦啦多左300Mb檔案果一日…
唔通呀樂就係一切事情既幕後黑手?乜野都係佢搞出黎?個檔案唔通係佢SD比我既?
「呢本野可能會有D用喎?我地拎走佢好唔好?」
呀力係佢個袋度又拎左個相機出黎
「唔好拎左佢，如果比呀樂發現就大件事，用相機逐頁影啦，或者逐頁錄影低，肥康果邊都會收到嫁喇」
呀力比完個相機我又係袋裏面拎左隻USB出黎
「我係呀樂msn紀錄果度發現左一d好得意既野，我將佢back up先」
我望住成百幾頁既野日記，逐頁揭逐頁影
不過係影既途中，我見到日記果度多次提及街市仔、肥康同呀雯呢幾個人物，雖然未仔細讀，但已經感到同我地既事件有莫大既密切關係
影相影得好快，呀力亦都將佢覺得有用既資料save左入去usb果度，並且關埋機，而我亦將一切放好番去原位
時間就係咁岩岩好
「呀力，街市仔，好似有人上黎40樓呢層，你地快D走啦」耳機傳黎肥康急切既聲音
我同呀力一個箭步就走左屋，極速地關上門，然後跑左入去防煙門後面…
呢個時候，我地都感覺到有腳步聲既傳黎…




我用手機鏡面黎對住防煙門既出面，透過反射希望睇到來者究竟係何人
...腳步聲就係一門之隔既出面傳黎
手機鏡面亦照出一個我曾經見過既面孔...
就係果個係中六七畢業相裏面中等身材，戴住眼鏡，標準型既模範生look既呀樂...
聽到呀樂拎鎖匙開門，順利入屋之後
我同呀力私私然咁行樓梯落去下一層搭電梯走人