電腦無啦啦多左d唔知咩既檔案係度(上): 第二節

肥康既屋企好特別，唔同一般人，事關佢唔係住公屋又唔係住私樓
佢係生活係一間公廠，呢個單位係佢老豆既，但基本上都係用黎租出去比人打war game，夾band，儲物室。 
而肥康佢就霸左幾個單位黎擺佢d電腦野。 
「叮噹!」「肥康!我黎到喇」 
木門應聲而開，第一個畫面映入眼簾既係又多左一批主機.... 
「死肥康咁有米，又係邊到刮多批正野番黎?」 
肥康坐左係屋內既正中央，佢自信咁望過黎 
「哈哈，我依家砌緊部勁野，就黎同天文台果部可以匹敵...」 
「咁你咪可以知道幾時打八號波囉?wow」真係傻的嗎 






肥康面對我既嘲笑並冇在意「你隻hdd呢?拎黎睇下」 
我好快係袋裏面拎隻hdd比佢，三兩下手勢就plug左入去佢其中一部主機果度。 
佢係bios set左d野，然後好正常咁入去window 
「就係c driver 入面，你睇下!原本我得一百Gb左右既野，無啦啦多左300Gb既laxxxx file 」 
肥康皺一皺眉「你肯定多左300Gb野?」 
我望一望個32吋螢光幕 
...剩餘213Gb 共932Gb 
即係多左成六百幾Gb?無理由嫁，點解會翻左一倍嫁? 
果下我有d震驚，望住肥康「Hi，好向左走向右走恐怖，點解會多左一倍野，琴晚仲係多左300Gb野咋喎」 




肥康報以一個叫淡定d既表情比我 
「等我check下係咪有人hack過你部機先啦」 
佢係隔離個櫃搵左隻usb出黎插左入電腦，開左個好似好向左走向右走專業既software 
一開著既時候，見到佢scan一堆file，好似de緊bug咁樣 
「似乎搵到個源頭喇」我用隻手指指住一個file 


咦? 呢個file咪就係我用黎收埋d正圖用既?其中好多wallpaper都有放入去 
肥康好快手咁開左一幅圖個code黎睇 
「呢幅圖容量成500Mb，好有可疑，等我睇睇個編碼先」 




佢飛快咁敲打個鍵盤，呢一刻我終於明白要成為一個鍵盤戰士真係好難。 
「呢隻野好惡，就好似病毒一樣，但佢冇感染到其他既file，而係類似細胞分裂咁樣繁殖」 
我大吃一驚「大佬康，張圖我都係係google搵咋喎，乜咁大獲既咩?」 
「呢層要再研究，睇黎d file有自動保護程式，一般既做法睇黎都係delete唔到」 
「咁我呢隻hdd咪唔要得?」 
「你隻hdd好有趣，你不如放係度幾日，我研究完會搞掂比番你」 
其實我都唔係好需要用電腦，反正肥康搞得掂，於是我就留低左隻hdd係肥康果度...