一個普通女仔既大學故事: 二十

訓醒已經第2朝下晝3點。

十仔：【Step，你見點呀？起身未？】
Felix：【起身頭痛飲多D熱水，暖下胃同補充身體既水份，個人會舒服Ｄ。】

咩鬼桃花運！一係就唔黎，一黎就打孖上！想點？

我兩個都鐘意。

十仔同Felix兩個都靚仔，一個青春有活力，一個成熟穩重有擔當。



而且兩個人都實實在在咁對我好，會肯抽時間陪我，會介紹我俾佢地班既朋友識，會接受我既缺點，包容我既任性；而唔係好似垃圾Ken咁用把口哄下就算，有時仲特登唔帶錢要我請佢食飯，屌，諗起同呢Ｄ垃圾男人一齊過，簡直就係我人生既污點。

兩人外在條件一樣咁正，你咁樣我好難揀姐。

再諗真Ｄ，兩個人有咩分別。。。

十仔太細路，仲係會做好多花巧野，睇如帶你去睇星星，送驚喜禮物咁，其實無問題既。問題係，佢仲係一個入世未深，初初來到花花世界既小朋友，一定會想玩，會遇到好多誘惑。就算一齊左都無結果，會好快分手。唉，我冇咁多時間去浪費我既青春係一個無結果既人身上啦。

相比之下Felix份人就悶Ｄ。佢而家返緊工，拍拖點都會更認真，加上以我所認識既佢個人一路都好乖好定，唔會周圍撩女仔。同埋，佢唔會俾我落去飲酒，更加唔會俾我有可能醉。



正路睇，同Felix一齊既話點都會耐過十仔。

我知我拖唔到幾耐，一定要盡快作出決擇。

所以我決定打鐵趁熱，同Felix講清楚，試下同佢拍拖！