一個普通女仔既大學故事: 八

自從天台花園事件之後，我同書生都仲好似以前咁會傾下計。

分別係，轉用左Snapchat同埋Whatsapp。

我同書生會用Whatsapp傾閒計，就如一個普通朋友咁。

但每當佢Snapchat send d相黎，有意無意好flirty。佢試過send影完孖煙通既相黎，有時又send d無著上衫既相俾我。搞到有時有frd係格離，我都唔敢開佢既Snapchat。我有無send返flirty野？你話呢？話無你都唔信啦。D低胸相、腳相我係有send俾佢！

【[Snapchat] 來自 書生】凌晨3點。唔知係咩呢？



我打開張相，佢係張床度自拍，寫住：「alone and i m so boring :(」

咁岩我roomate又唔係度，我就叫佢上黎：「我都好悶。上黎陪我hea陣呀。」

唔夠5分鐘，就有人敲門，我去開門俾佢。

「嘩，乜有人住Hall會鎖門架。」書生一入黎就坐係我張床度，當正自己間房咁。話時話，好似係書生第一次上黎我間房。

「係呀，驚半夜有色魔入黎我間房姦左我。」我對住部電腦講。



「果個一定係我，黎姦左你。」書生懶好笑咁講。

「哦。」我都廢時俾反應佢。

「做乜今晚樓下得你一個既？」

「Parsons 搞莊務，Felix返左屋企，呀Wade又唔知去左邊。悶撚死啦。」

「唔搵Carmen？你應該食左佢架喎。」我指上次飲酒同佢挨身挨世個mk妹。



「你又知既。我都無同你講。」

「估到啦。」

「廢時啦，佢都唔好玩。個樣好放好玩得，上到床就成隻死魚咁。最撚憎就係屌死魚。」oh，Carmen話咁快就被人打入冷宮。

我打開Facebook，睇到邪惡既美食圖。

「食屎狗，半夜先黎upload美食圖。好肚餓。」

「去食宵囉？」就係因為書生呢個咁mk提議，我同佢半夜4點飛的落mk掃街。



半夜一條友都無行旺角真係好爽。



呢個時候竟然仲有小販擺檔，好感動呀。我既願望係香港繼續留有佢既本土特色，唔係食Food court，而係可以無乜支拿人既街，開心掃下街，買下平野。

買左幾串串燒，雞蛋仔，生菜魚肉翅，魚蛋，燒賣，牛雜，煎釀三寶。。。掃個街都成舊水。。。

我地一路行一路食。最後坐左係個公園度食野吹水。

書生同我都唔係口才好好既人，但我同佢都算夾，相處好舒服，總可以無所不談。

『佢唔想同我扑野咩？點解成晚掂都唔掂我既？』一路同佢傾，我就係度諗。

好奇怪，佢扑過咁多女，又flirt我，應該都想撩我做Sp呀，點解次次見親佢都唔會主動掂下我既？可能平時唔洗佢出手Ｄ女都會痴埋去掛。

夜媽媽咩人都唔係附近，我好多次有攬住佢既衝動都忍住左。雖然女仔做主動好常見，有少許傳統既我覺得都係男仔主導好（收皮啦，上次明明係我撩佢。。。）



總有一日我會問佢依個問題。



我同佢由旺角行到去尖沙咀海皮，仲買左支啤酒飲。

「天文台話5點48分會日出。個天無乜雲，應該幾靚。」

「嗯。」我拎住支酒隊左幾啖，忍唔住攬住佢。講唔出點解。

飲醉咩？唔係啦先果一支啤酒。我鐘意佢咩？又講唔上。呢D叫性慾？就如男仔摸女仔頭，下意識代表想有更多既身體接觸一樣？

佢由得我攬，輕輕咁攬返我。我輕輕錫左佢一啖。我地都無乜點講野，靜靜咁等待呢個日出。





靜靜咁睇完天漸光，由黑色變紅色，再變個美麗既藍天。今日天氣真好。

朝早6點半，我同佢搭返地鐵返宿。

「哈哈。人地返工，我地就返Hall。」

望住著緊拖鞋，厚厚既黑眼圈，我覺得呢個moment好幸福。

如果唔係住Hall，應該唔會有呢種即興既任性，好青春。

【書生，多謝你陪左我一個晚仲睇埋個日出。好開心】我真心咁send左個msg。

【我都係 :)】