鬼熄機

是咁的，近排暑期無野做，去左睇戲。
套戲叫鬼關燈，係一套鬼片黎。

其實鬼片要係戲院睇先係最恐怖既。

因為係佢播到最得人驚既時候，你唔可以停左佢，加上戲院既光線好黯淡，
同D冰冷既空氣，你只可以任由黑暗既恐懼感不斷滲入自己既內心。

依次睇戲既經驗，令我既拳頭握實晒。





我買左位，係差唔多山頂既位置坐低左。
由於係夜晚場既關係，所以戲院入面無咩人。

我左右兩邊都無人坐。
前面就坐左對情侶，對情侶好似無發現其實我就坐係佢後面既事實，
男既係度對個女方上下其手。我決定無視佢地。

套戲話咁快就開始啦。
第一幕，係個工廠度開始。當時，都係夜晚。
個鬼婆，就行去一間房度。





間房好黑好黑。

但佢望見，入面好似D野係度陏。
鬼婆顯得好不安。

佢伸手入去間房。

「啪。」





Hi AUNTIE。

我聽到個WHATSAPP響。
我開頭心諗無理由間喎，我明明熄左個手機。
跟住決定唔理，繼續睇。

望番個螢幕，間房開左燈，房入面咩都無。

「啪。」黑暗入面好似真係有D野。
唔知個鬼婆係味太驚。

佢繼續係到開燈熄燈開燈熄燈。

「啪。」「啪。」「啪。」「啪。」
只見房入面個黑影愈來愈清晰，同埋行得愈來愈近。





佢醜陋既面目，愈來愈大，愈來愈大。

Hi AUNTIE。
我又聽到個WHATSAPP響。

我肯定依個WHATSAPP並唔係屬於我既，而係前面對情侶個度發出。

我盡量不發出任何聲響，行去個對情侶既正後方。
我輕輕咁掂左女人一下。

「米玩啦。」女人就講。
「味睇緊戲囉。」
「下。」女人驚呼一聲。
「依度除左你同我之外，仲有其他人咩？」女人既聲線顯得好渺小。




男既身體開始係度震下震下。

螢幕上面，隻鬼係個地下室追緊個女主角。
半晌，係一個鬼既鏡頭大特寫。

依個時候，我用一把沙啞既聲音。

「熄……機……啦。」
「成個……電影業…比你地…搞歪晒。」

男同女異口同聲︰「哇有鬼呀。」走到影都唔見左。
剩番我一個係漆黑而冰冷既戲院，我終於可以好好甘欣賞套戲。

隻鬼伸隻手出黎捉住個女仔，我覺得好驚，想轉移一下視線，低頭一望，





我隻腳呢？

我諗起一D野，我之前過馬路，眨左一下眼，就見到一片黑暗。

頭上既螢幕亦隨之變成一片黑暗。

我究竟係d咩？

所以請各位記住睇戲個陣，要記住熄機如果唔係就會引起人地不滿，'
培養睇戲既美德，由你我做起。

完。


植入式作者的話:




小弟平生無咩叻，最叻係道FFd故仔，
如果鍾意我既作品，歡迎黎我既專頁​
https://www.facebook.com/graylittledog/ 
比我一個Like，比我知道你既支持，比我有更大既動力去創作。

想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html