《救贖》: 《俯‧看》

生活係現代城市低下，除非你生得特別高。
如果唔係，基本上冇乜機會比你俯看呢個世界。
或者我生得矮啦，日日都要抬頭望人，望到我都厭左，所以特別中意向下望。
仰望同俯看，分別除左向上向下之外，某程度上都暗中分左開心同悲傷。
唔知你有冇試過上網搵過啲CITY嘅相呢？定或者你就係個個攝影師？
我次次睇親呢啲相都好有感覺，係咩感覺？我又講唔出
個種由高影落黎，有雲，有海，有馬路，有建築，有車，有人。
攝影師將個一秒嘅動態變成靜態，所有人同車都變成豆咁細粒。
如果要比較，我會覺得呢啲俯看城市嘅相比起仰望天空嘅相靚得多，有感覺得多。
唔係我覺得天空唔靚，而係我唔中意仰望，如果係水平角度或者俯看嘅話，我都可以接受，唯獨仰望我係覺得厭惡。




有人曾經問過我，如果我得翻三個月命，我最想做啲咩
我答：「掉晒啲電子產品，用自己親眼去睇個世界。」
好想睇下相入面嘅世界，假如我係相入面嘅一份子，我又會唔會知？會唔會想認得到？
呢一啲，全部都係緣份。
而加係到諗，個社會係咪真係咁冇情，下下要去到就死先可以做想做嘅野。
或許你會覺得呢啲係籍口，但係哪有錢，哪有時間？
閒時我都好中意企係窗口望下下面啲人，車，每一個一瞬間。
我呀媽次次見到都會話我成日唔出街，淨係識得係窗口望。
佢唔明白我中意係窗口望多過出街。
或者，我對俯看個種愛唔係人人理解得到。




我咪話過仰望同俯看某程度上暗中分左開心同悲傷。
你一定覺得我係充滿悲傷嘅人。
係，每一次睇我都覺得我得到左釋放。