又愛又恨佢: 第三章
放左個暑假
我同佢都仲係同一班
都有call
但因為我嗰陣仲有男朋友
所以都少左同佢call
佢有時就串我
“睇下你地幾時散”
我都串返佢
“唔抵得我仔也”
佢嗰陣鍾意左個師妹
我就幫佢追喇
成日幫佢諗計
因為我地都識幾個F.1
所以呢就得知
個師妹都鍾意佢
有晚佢就同我講
佢地都一齊左
我就問下點解
原來係師妹叫佢揀一個英文字母
佢就揀到個係同師妹拍拖一個月嘅字母
“恭喜你喎，可以同到佢一齊”
“多謝”
我嗰晚就冇同佢call
唔想阻住佢地
但過左幾日
佢call我有啲嘢想問
“我唔知點解個心有啲...”
“好亂嘛！”
“雖然你知我心啫，都唔洗咁直嘅”
“點也”
“你覺得我宜家同佢表白好冇？”
“好掛，我點知你地啫”
“好，就一於宜家喇”
但我諗唔到
我一句冇心嘅說話
令到佢地完左嗰關係
原因係
佢同師妹正式表白嗰陣
師妹嗰老豆見到...
佢就係咁鬧我
“最衰係你，唔係嘅話就冇事！”
“我都唔想㗎...”
“宜家唔知點解想喊”
“對唔住...”
我同佢嗰晚都乜傾過就收左線...
又過左幾日
報應就降臨左我身上
我同條仔都散左
不過我冇喊
因為我覺得
佢同師妹嘅關係因我而完
我同條仔係因冇feel先散
我冇資格喊...
嗰晚佢都有搵我
“俾你講中左，我同條仔散左lu...”
“你想喊也？”
“我點會也”
嗰晚佢不但冇幸災樂禍
反而就陪我傾到凌晨