我被初戀女友瘋狂報復: 第十話

「我咁大個仔都係第一次被人兜打星嫁!」第二日我返到學校就搵志華佢地呻,點知我得到既回應係...
「抵撚你死!俾我就掩撚左你!」
「偷食行遠啲啦,正所謂係度食就唔好係度痾!」
「千其唔好俾八卦儀知呀,唔係你依世都唔使指以溝女啊!」
唉...其實而家塊面仲有少少紅少少興,但相比起個心...
「喂!唔好講住,我收到風,今日有人告發俾訓導主任聽我地班帶左違禁品,而家要檢查書包呀,快啲收埋啲野先啦!」八卦儀急步走過嚟講,又急步走去第二度。
「吊!邊撚個咁仆街呀?啝啱啱先借左隻遊戲玩...」假如志豪手上有刀,佢一定斬死佢講果個仆街。
「仲講!快啲返課室先啦!」啟明冷靜地講。
返到課室,已經好似打風咁,每個人都摷下自己有無違禁品,有既就各出其謀咁收埋佢,有啲就攝係壁佈板,有啲擺左係垃圾桶用啲紙巾遮住,有啲叫隔離班收埋先...當然身為好學生既我...咦?點解我係櫃桶摸到好似膠袋既野既?我小心翼翼咁抆出嚟,個封面簡直令我目定口呆,我極速將佢塞返入櫃桶。
「冷靜啊,被人摷到我真係死硬...」我心雖然咁同自己講,但我腦海完全只有頭先個封面學生妹心口果兩點,仲有「巨乳」同「中出」依兩個詞語。仆街!邊個擺落嚟嫁?等等先,就算我地男仔互相交流,都會用黑色膠袋交收,唔會咁張揚就咁擺係度,唔通...




「訓導主任行到走廊喇!」仆街!而家唔係做金田一既時候,我要盡快諗辦法收埋佢先喇,係咁唯有出絕招嘞!
「其實你果時點過骨嫁?」返到現實,慧勤疑惑地問我當年既事。
本來我想講俾佢知既,但見佢雙手磨擦緊雙臂,我就除左件褸帔係佢身上,「你又係咁要靚唔要命!」
「唔該...你唔凍咩?」我擰頭,而佢慢慢將身靠過嚟,想為我取暖咁...
「其實都唔係咩特別方法...」
首先將碟係膠套攞出嚟,其實最大鑊係個封面,所以無左個封面佢只不過係隻普通既CDR,跟住我就個封面連膠套攝係...底褲度(始終都驚佢搜身)。到隻碟,好彩我地本數學書夠厚,而且我包書用既唔係透明膠,係雞皮紙,所以攝左咩落去基本上睇唔到,再加上我好似魔術師咁大大方方咁係訓導主任面前掀開,結果順利過骨,呼...
到最後有兩三個同學因為趕唔切收埋就人贓俱獲。
我望過去慧勤果邊,咁啱佢又望我,透過佢既眼神,就好似話俾我聽:「今次你好彩,我係唔會就咁算嫁!」
由於臨近年終試既關係,我,慧勤同羅小柔三個都無主動搵大家,即使有時羅小柔搵我傾計,我都刻意迴避,其實相比起慧勤,我更難面對羅小柔...
「列車即將開出,乘客請勿靠近車門...」睇住又一班火車離開,再望望漆黑既天空,心裡突然浮現一條問題:「我地對上果次咁樣傾計係幾時?」




無任何回應,我望過去,原來佢挨住我膊頭訓著左。可愛而又帶啲楚楚可憐既面容,依一刻我有衝動想錫佢,但費事整醒佢先作罷,而且我地...最後我都係諗返我條問題既答案,無記錯既話,應該係升中四個暑假係渡假屋度...
「喂!佢地兩個係唔係嚟嫁?」志豪唔耐煩咁對住我問。
「吓?我點知啊...我又唔係佢地邊個...」我無奈咁答...
「等左好耐喇...再遲多...啊!有個嚟喇!」
「另一個都嚟喇!好,出發!」搞手啟明發師號令,我地一行八人向住中環碼頭出發,準備搭船去梅窩渡假屋。
中四升班,有人歡喜有人愁,我就僥倖地可以係原校升中四,而志豪則須要出去搵學校升。就係咁,啟明就決定係暑假搞左依次渡假屋宿營作為我地大家分散前既最後回憶...
「對唔住啊,有啲事遲左嚟...」慧勤一臉抱歉向我地道歉。講真,我係有啲出奇佢會出現,始終我同佢都有兩個月左右無理過大家。
「唔緊要,最重要有出現啫,下年我地就唔同班喇。」志華圓滑地講,順帶一提,佢升左去E班理科班,但問題係果班陽盛陰衰,成班淨係得六個女仔,仲要無個佢睇得上,所以之後佢自己都話好後悔,不過依啲都係後話...
「咁我都唔好意思喇...」羅小柔又爭住道歉,或者佢字典裡面無「尷尬」兩個字...
「唔好爭住道歉啦,過嚟影返張相先啦!先生,可唔可以幫我地影張相呀?」啟明問附近個先生。




「好...嚟...3...2...1...笑!」
就係咁,我地八個就開始我地學生時期最後一次旅行...