《孤獨的島住了一個人》: 01 神的練習題

01 神的練習題
 
 
慢慢地，神明丁從手上的書中，選出了其中一本黃色簿。
 
「題目就係晒哩本練習簿度。」祂說，露出意味深長的微笑。
 
「基本上，都係情景題。」祂繼續說。
 
「假如有人許願，你作為神，聽到之後會點處理？」




 
「所以……就係要考我點樣去處理？」我問。
 
「冇錯，事實上哩個係神主要既工作。」神明丁說，「每日都要處理世人大大小小既願望。」
 
「雖然神明分為八位，每位神明都有自己處事既風格，但大體都離不開一個原則。」
 
「咩原則？」我問。
 
「記住喇，神幫助人係好間接既！」神明丁說。




 
「一定唔會告知對方自己係神，或者係神派黎。有時會化成一個熱心人，一個貴人。」
 
「有時甚至變成一隻貓，去慰藉寂寞既人。」
 
「總之做法有好多種，但都係間接既。」祂繼續說。
 
「又例如有人祈求身體健康，神唔會直接賜健康比佢，而係教識佢照顧自己身體。」
 
「有人祈求獲得多啲快樂，神就會用各種途徑，讓佢去認識生命中既美，打開佢既心胸。」




 
「而唔係用神力去改變佢個腦既諗法。總之，結果都係一樣，比到佢祈求既野佢。」
 
原來，神的工作是這樣的。
 
「咁今次我要係測試入面，處理既願望係？」我問。
 
「唔洗心急。」神明丁把練習簿遞給我，「裡面係一個個案，你打開黎睇就知道。」
 
我莊重地遞出雙手，接過一本黃色的練習簿。
 
在接過的瞬間，黃色的封面上，冒出「孫正直」的名字。
 
神明丁示意，準備好就可以打開。
 




我深呼吸了一下，翻開了第一頁——
 
「陸傾兒，17歲的少女，願望是可以脫離現有的生活。」第一頁的文字。
 
摸著書頁，覺得紙張的質感很獨特，好像摸著人的心靈一樣，有種活生生的感覺。
 
「哩個世界，有啲人可能係唔值得幫，但如果佢地誠心向神許願，渴望改變既話，咁作為神，你又會點樣去處理呢？」神明丁說，仔細地看著我，「哩個就係你既考題。」
 
「陸傾兒。」我讀出名字，不禁問，「佢究竟係真實存在既人，定只係設計出黎既考題？」
 
發問期間，我的手不自覺地翻到第二頁。
 
然後奇怪的感覺出現了，我整個人，從手開始……好像被筆記簿扯了進去。
 
不，我的身體完全沒有動過，只是我的思緒、我的靈魂……正被第二頁紙吸引。




 
「真唔真實？」神明丁微笑，「唔知呢。」
 
「喂，神明丁，我好暈啊！」我快支撐不住。
 
只見神明丁的嘴巴在動著，三、二、一……
 
「喂……神明……」我再試圖呼喊。
 
「旅途愉快。」祂輕聲道別。
 
隨即失去了意識。
 
過了不知道多少秒，時間的觀念，一下子消失不見。
 




不是很快，也沒有要等很久。
 
耳邊便傳來嘈雜的聲音，是一群年青人在暢談和喧嘩。
 
「各位安靜！」一把中年男聲，喝停了其他聲音。
 
我半睜眼睛，已是站在一個班房之中。
 
「今日，我地要介紹一位新同學。」旁邊的男人介紹，他似乎是班主任。
 
在座大部分人都在看著我，都眼光閃閃的。
 
「孫正直。」班主任說，轉身在黑板寫上了我的名字。