溝女的聖地──補習社: 1

我望住呀楊不停咁㩒手機，完全唔似平時嘅佢。
 
「喂！你㩒完手機未姐，同fd食飯都㩒手機。」我睇唔過眼，忍唔住鬧佢。
 
我唔係因為佢唔尊重我而睇唔過眼，而係點解連呀楊都有人搵，而我都係無人搵…
 
「覆埋呢句，覆埋呢句……」呀楊口中唸唸有詞，隻眼無離開過部手機。
 
「邊個搵你呀？女呀？」我湊個頭埋去，睇下係咪女。
 




「關你咩事姐！」佢即刻鎖左部機，收埋佢。
 
「係咪咁呀？有好嘢都唔益下我。」
 
呀楊見我垂頭喪氣咁嘅款，於心不忍。
 
「嗱！唔好講出去呀，我唔想俾人知住……」佢故作神秘咁。
 
「咩呀？」我不耐煩咁講。
 




「我拍緊拖……」呀楊好細聲咁講，但對我黎講卻係好大衝擊。
 
「下？？？？？？」我好大聲咁『下』左出黎。
 
「噓！細聲啲啦，周圍都係我地學校架！」呀楊佢好似唔見得光咁…
 
「你拍拖有咩好收埋架？」我不明所以。
 
「屌你，啱啱拍左兩日炸，咁快俾人知，過左兩日散左咪好柒？」
 




咁佢又有道理嘅……
 
「點識架？係學校唔見你有同女仔行得咁埋嘅？」
 
「哦～～～～～我知啦！」我頓一頓，續道：「一定係平時扮曬唔識咁收收埋埋啦！」
 
「呀水，你冷靜啲先！我呢啲真毒又邊呃到人呀？」呀楊搖一搖佢隻小手指。
 
「咁係邊度識架？」我好想知答案！我都想識呀！
 
「  補  習  社  ！ 」呀楊緩緩地吐出呢3隻字。
 
對於我呢啲唔會去補習社嘅學生嚟講，的確係幾新鮮。因為我不嬲都係私補……
 
「下？你唔係不嬲同我一樣，都係私補開嘅咩？」我有點訝異。




 
「之前我嗰個補習老師話要出國留學喎，唔同我補，我一時之間搵唔到人補，咪去住補習社先囉……點知…嘻嘻。」呀楊拎部手機出黎，係我面前係咁揚黎揚去。
 
加上佢嗰個得戚嘅笑容，著實叫我感到羨忌。
 
「你補邊間呀？有無介紹？做咩野唔同我講呀！？」我一輪咀咁問佢，因為我太多嘢想問啦。
 
邊間學校，Form幾，身材，點識，點一齊……
 
點解唔係我呀！！！！！！！！！
 
中學生有邊幾個無補過習呀？但補習溝到女嘅人我真係少見。
 
可能我真係見識少啦。
 




「你有所不知啦，可以透過補習社食女嘅人，係高手之中嘅高手。」呀楊佢好似搖身一變，變左另一個人咁。
 
我想像唔到一個係學校溝唔到女嘅人，但講得出呢一番說話。除非背後有高人指點……
 
「我就識一個啦，我都係佢介紹，先溝到呢條女…」佢好似啲講故佬咁，講啲唔講啲。
 
「邊個姐！」我心急到倒瀉咗杯可樂，好彩無整到套校服。
 
服務員嚟清理完之後，就繼續問佢，「邊個姐！」
 
「坦白講，我都唔識佢，我都係打機識返黎，係佢同我講去補習社補仲好既。」佢一邊飲佢杯奶茶一邊講。
 
「網上面嗰個自稱溝女聖手，從來唔會溝學校嘅女，係溝就要溝唔同校嘅！一黎無咁多閒言閒語，二黎食完無人知，乾手淨腳，三黎，溝唔到都無咁柒呀嘛。」
 
「咁你有無見過佢？」我問道。




 
「無呀，佢話唔見仲好，唔洗阻住大家搵食。」呀楊攪拌緊佢嘅凍奶茶，續道，「佢仲話，叫我千祈唔好揀禮拜六日嘅時段黎補，因為咁樣就睇唔到班女女著校服喎。」
 
「一嚟著校服靚啲，大家都係著校服，能夠一分高下嘅只係樣！如果著便服嘅話，除左睇樣，仲要從佢地著衫嘅品味嚟評分，對於新手嚟講，呢個就有啲困難。話等我地經驗多啲先好去揀星期六日嘅堂喎。」
 
「二嚟可以由校服睇出佢地邊間學校，大約推算出佢地咩等級。」
 
「最高級嘅當然係名校兼女校，其次係女校，再之後係名校男女校，最後就係普通男女校。」
 
「三嚟，你得米之後，直接食都係著校服食呀嘛！」