「奇幻，純愛」《我，總是會愛上妳》: 約會

佢話拍拖…？

慘喇今次，今次真係無得避喇。

拍拖會做D乜架，拖手？攬？可能仲會kiss？慘喇慘喇。

我成個人都好慌張，仲幾乎打瀉杯柚子蜜。

死喇我個腦突然間實哂，乜都諗唔到添。

個腦而家就只係得「拍拖」呢兩個字。

Cherry：「喂你吖。

」

又係咁，又係佢既一句說話拉我返黎。

我：「係！咩事！

」

我好似大聲左少少，我發現有好多人望住我地呢檯。

Cherry好似都意識到呢點，即刻dup低個身細細聲同我講。

Cherry：「作死你呀！咁大聲做乜！

」

我：「呃，sorry我一時無為意就…」

Cherry：「你係咪係度諗衰野呀？

」

佢奸笑咁望住我，搞到我臉都紅哂。

唔知佢係咪見到我塊臉紅左，佢突然就開始笑起上黎。

Cherry：「你睇下你，咩都擺哂上自己塊臉度，一眼就睇穿你啦。」

「玩下你咋，快D埋單走人之後去陪我去行街啦傻佬！我去洗手間吖。」

佢講完之後就自己拎袋行左出去，留低我一個on99咁坐係度。

同佢相處真係少D心血都死得…

不過，出奇地我唔討厭呢份感覺。

我個心仲覺得好䁔。

我完全唔知自己發生咩事，唔通我...

我唔敢多諗，因為我知道自己係咩身份。

我只係急急腳咁埋左張單，離開間餐廳，係廁所外面等佢。

係等佢既期間，我再次陷入沉思，不過今次諗既唔再係拍拖會做D乜，自己到底係咪…之類既問題。

我諗既係魯路修。

而家咁樣諗返成件事，我就對魯路修呢個人抱有相當大既疑問。

由佢決定製造自己既複製人，即係我個一刻開始，佢應該就估到會有咁既情況架啦。

佢同Cherry係夫妻關係，佢搵複製人黎暫代佢的話，佢應該就會估到個位複製人會同Cherry一齊過生活。

啊…點講好呢…

因為Cherry唔會知「魯路修」已經換左人，所以會對呢個「魯路修」好似對真正既「魯路修」咁。

會可能kiss，仲可能會…屌！！我唔敢再諗呀！！

魯路修真係唔care自己老婆同一個同自己一模一樣既男人一齊…？

大佬，你到底想我點做呀…我而家真係好為難呀屌。

Cherry：「咦埋好單嗱？唔好意思呀要你等，行喇我地。」

佢已經係洗手間行出黎，令我不得不中斷沉思。

我：「唔洗唔好意思，洗唔洗我幫你拎個袋？」

Cherry：「拎袋…？

唔洗啦！

我自己拎得啦，行喇行喇。

」

好意居然被拒絕…

佢拒絕左我既好意，開始捉住我隻手係呢個大商場周圍行。

雖然唔想承認，但佢捉住我隻手果一刻，我不自控咁開心起黎。

唉，同女人行街可以有乜行吖，黎黎去去咪又係衫同化妝品。

一個大商場到底要有幾多間衫鋪先滿足…

Cherry佢好似老闆巡鋪咁，每見一間衫鋪都要入去睇下揀下，就算唔買都起碼要入去轉兩個圈先安樂。

只係行左一個鐘，佢已經買左好多袋野，認真痴線。

不過又唔可以完全怪哂佢既，佢買親個d都係試過比我睇，等我話好睇先買。

問題係，佢試親出黎問我好唔好睇，我十次有九次都話好睇。

喂大佬啊，咁事實係好睇吖，唔通要我埋沒良心話唔好睇咩。