[年齡無界限] 就係咁，我最近出席好多喪禮: １４１　天語去左邊

當我一踏入報館，已經聽到珍妮把聲不停問緊野。

「天語係邊啊？你地點拎到個地址架？係未佢地上過黎啊？你有無見過佢地兩個嘅樣啊？佢地點解……」比珍妮問果個人真係比佢問到口啞啞，因為珍妮問完一個問題就即刻問另一個，都無比時間果個人答。

而小段就係旁邊好無耐咁望住珍妮，直到小段見到我後，佢就話：「輝爺咩你咁遲架。」

「我呢Ｄ老人家，咁嘅速度選快架拿。」我答，然後問：「而家咩野情況啊？」

「珍妮今早收到天語個ＭＳＧ，然後就打黎叫我陪佢黎呢度。」小段話，但我呢一刻有個疑問：「點解佢要叫你陪佢去，佢唔自己去？」





「我都有問過佢，佢話如果係真嘅話，佢唔知要點面對，最起馬如果有多個人陪，都會易Ｄ面對。」佢話。

而我又問：「咁點解又問我去唔去？」

小段傻笑咁話：「咁我驚嘛，所以未叫多個人陪我囉。」

我聽到後真係無言。

同小段講左幾句後，就去關心下珍妮果邊嘅情況。





「小姐，天語佢仲未返到，妳不如等下……」「等！！！你仲要我等！！！你知唔知我等左十幾年啊！就係等緊呢一刻咋！」估唔到珍妮會咁激動。

激動到竟然捉起果條隻件衫不停鬧：「你係未要我等啊！你係未存心想浪費阿姐嘅時間啊！」

見到佢地咁，我同小段即刻上次分開佢地，我就拉開呢度個員工，小段就拉開左珍妮。

拉開左個員工嘅我就問果個員工，「天語究竟去左邊啊，你叫佢出黎咁你就唔駛煩啦。」

但個員工就答：「我都想知啊，佢今日有好多線要跟，但係打極佢部電話都無人聽。」





「咁嚴重？」我問。

「係啊，我地搵得仲急過果位小姐啦。」個員工話。