[年齡無界限] 就係咁，我最近出席好多喪禮: １　大家好，我叫輝爺

人嘅一生裡面，都會經歷唔同嘅階段……我講緊嘅唔係生老病死，都唔係果D青春期啊、求戀期。

而係大家到某Ｄ年齡，身邊嘅人好多時都會做同一樣野，發生先後時間唔㑹隔得好耐。

係咩？
畢業影相去旅行；
結婚擺酒渡蜜月；
生仔換片買奶粉；
供書教學陪仔玩。
抱孫、湊孫……如果好命嘅話。




而到最後，就係出席唔同人嘅喪禮。
以及，自己成為主角嘅喪禮。

我叫阿輝，個個都叫我做輝爺，同個名一樣我係個果頭近嘅阿伯，所以如果先前你一直睇篇野時係用後生仔女嘅聲去想像嘅話，ＳＯＲＲＹ，我諗你地用一把阿伯嘅聲音去睇篇野好D。

至於係咩聲？有人話我把聲好似廖啟志拍戲扮阿伯時果種聲，你地就用果把聲啦。