被綠帽後，我不知不覺成為了雜食王: 19

19
經過一晚港菲交流，我心情得到一點轉移焦點，不再想啊詩同janna 太多。兩星期過去，我除了和YoYo 出街和maggie 傾計，外加一次友誼波外就沒找其他人同啊詩。而個菲律賓妹，我就無再理過佢，幾年後，係whatapp 個status 見到佢同鬼佬結左婚。

你問我同YoYo 到底點？ 我都不清楚，我不討厭她。但也不是愛情上的喜歡，和她總欠一些激情。

Y: 賢！呢間餐廳好似好貴，不如我地食打邊爐算。
我： 唔好下下都打邊爐，試下新野～ 呢間餐廳好好食的。
Y: 但用刀叉咁麻煩⋯
其實今餐我想對她好點，想請她食餐好，試下浪漫一番，看會不會有激情產生，可惜結果就⋯ 。
Y: 廁所是不是在後面？


我： 你啊～ 你剛剛商場去完廁所，又急？ 定m 到？
Y: 唔係，我想食支煙先。
我：哦⋯
其實都很沒趣，口味興趣不同步，就算相處多快樂都是感覺都有所缺失。她是好開朗，和好遷就我，事事以我為先。但就是感覺不同步，失一點點激情和愛情悸動⋯

飯後我們散步公園，走了一會找了涼亭坐下。個傻妹本來就超鐘意鬼故，一坐下又要我講鬼故。好在我有一堆貨，她又怕又要聽，愈怕就愈靠過來我身邊。我其實feel 到她好驚，但我又犯賤，又想睇她的怕怕樣。愈講就愈恐怖，她終於怕到抱住我起來。

就在這一刻我們四目交投，她微微臉紅，神情害羞。 你問我有無動心過，當然有。我倆奕忍不住互相擁抱起來。
Y: 我驚炸，唔係咩意思！但你又做咩抱住我？
我：咁我比你突然抱住嚇一嚇，我驚嫁嗎，所以又搵野抱下。


Y: 米抽水（要配合mk 形象，唔好又衝出來米老母個老母。）
我：放心，你本來都無咩可以抽
Y: 你條粉皮。
YoYo 作勢打我，我不避不抗，給她打了一會，我們再四目交投。今次我們再沒有回避，靜靜咁吻下去。