簡介
C Drive上網大法、煮個麵你食、BBQ、唔撚講粗口嘅收數佬、世界級跳樓……鐘意恥笑大台啲嘢一成不變嘅人好多，我自己本身都係。 但你有冇諗過，當呢啲所謂「大台法則」變咗做現實世界嘅常規，你仲笑唔笑得出？ 如果你同我老細一樣，鐘意煲埋哂啲唔洗用腦消化嘅大台膠劇、師奶劇，咁就當然冇問題甚至求之不得……可惜我唔撚係。 落筆前，我都花咗一段幾長嘅時間先明白：曾幾何時，我住嘅係香城；依家，我住嘅只係一個叫香城嘅地方。 歡迎嚟到呢個同大台電視劇一樣咁荒謬嘅世界，我係你嘅講故佬、兼呢個世界嘅終極受害者——John。 （唔好再叫我華生或者Watson。）