【英雄系列4】神盜俠侶: 6

6.

毒男轉入西洋菜街，走進百老匯旁既m記

「根據頭先份測驗既第14條，要落手，就先要知道想偷取既目標係邊..」我心想


「我地跟住佢先，睇下佢個銀包響邊，先再決定點落手」我坐低響既位置，道

「駛你講咩，我夠知啦！」misa亦跟住坐:「喂，好肚餓呀，快d跟住去買野食啦」





「你on9架！做乜要請你食野呀」

misa:「比d風度啦！去啦！」

屌，真係公主病上腦


出到去，我跟住果個毒男買餐





佢從背囊既外袋拎出銀包

「唔..唔該..一..一個...巨無霸..餐..飲可樂..響度食...」

呢位毒男口吃地點餐，個m記妹一邊聽一邊笑

睇黎佢應該係自卑型既毒撚


買完餐後，我亦返到座位上





「咁耐架！好肚餓呀！」misa生氣道

「唔駛排隊咩八婆！食雞啦臭雞！」我細聲道:「佢個銀包，擺左響背囊外袋，應該會幾易拎到」

「仲有呢個毒男講野口質質，似乎冇乜自信」


misa食住薯條，望住遠方坐響一角既毒男

「睇佢咁既樣，應該唔似有女朋友啦..呵呵」

「你咁狗既，笑毒撚」我飲一口芬達:「諗下一陣點落手好過啦..」

misa一臉苦惱:「唔知架..本野話最好引開對方注意嘛..」






應該用聲東擊西法，襯撞到佢果一下，順手偷銀包

定係引開佢注意，響佢唔為意之下偷呢


但旺角咁多人，邊個位落手好呢...



毒男食完野後，就離開m記，我地兩人亦只好跟上

一個毒男黎旺角既目的地都係果幾個





信和、現時點、旺電、先達、星際


果然，呢個毒男行入左信和中心

信和入面既人口密度高，係落手既好地方！


佢上到最多人既一樓，睇黎係時候出手啦

我利用人群作掩護，慢慢去到毒男既後方，對住佢既背囊



「根據果本野記載，人響嘈雜既環境下就會分心，所以文雀一向會響人多兼且擠逼既地方落手」





我慢慢伸向背囊既拉鍊位


「吱...」

我冇急，緩緩地拉開拉鍊


「丫，搵到啦！」

呢句唔係出自我口，而係呢位毒男


佢一經過間玩具店，就衝左入去





仆街，大大個好機會咁就冇左


身後既misa響我耳邊恥笑:「呵呵，衰左啦衰左啦~」

「屌你..唔係咁易架...」

misa對我單一下眼:「睇我表演啦！」

「你又想點撚樣呀...」


misa入到玩具店

「丫...揀咩禮物好呢....」


misa扮睇玩具，慢慢行近毒男

仲用把姣聲問:「先生唔好意思丫~我細佬就黎生日，佢鐘意高達架~近排出左d咩新款呀~~？」


嘩屌，唔講仲以為對方係金城武，對住個毒男都可以扮得咁姣，仲要烏低哂身露波gap

不過..有好似真係幾有效


個毒男見到misa即刻面都紅哂

「ee.eeeer...呢..呢部..MG版strike freedom係新出架...」

misa捉住毒男既手:「不如...你陪我周圍睇下丫！我唔識呢d野架」


正常既毒男少同異性相處，對住misa呢個八婆自己招架不住

「哦..好..好呀...」毒男笑得既尷尬又有一點點自信


misa同毒男行出黎時，仲對住我做口型

「快d落手啦」


我馬上尾隨兩人

misa扮到好親切咁，不斷聊毒男傾計

而毒男就繼續落力講解近期有咩高達新出


行行下，都變左係misa帶住毒男行

misa特登行入d多人既地方，等我容易d落手


凝視住背囊內既目標，我知..係時候啦

我縮出右手，以拇指同食指取出銀包


「咔！」

仆街，動作太大，郁到成個背囊


毒男察覺到，正想轉頭睇

大獲啦...


「不如入呢間睇下丫！」misa馬上拉住毒男

「哦..好呀...」


misa同毒男已經走到入一間狹窄兼並多人既模型店

而我，已經拎走毒男既銀包，放入褲袋，離開現場


當我落到地下一層，離開信和之際

「喂！！」misa忽然出現響我後面嚇我

我當堂成個彈起:「嘩屌你，比你嚇死！」

「哈，心虛呀？」misa問:「好彩頭先多人，乘機走到姐...點呀，你拎到手未呀？」


我show出褲袋中殘舊既銀包

「哼..算你啦..」misa叉住手:「好彩我醒目，引左佢入間逼到爆既鋪頭，你先無事咋！」


「得啦得啦你叻啦..」

實在冇諗到misa都幾醒目


「你做咩咁既樣呀？依家都搞掂左啦」

「我只係諗緊...咁樣到底係咪岩姐..」我嘆一口氣:「個毒男同我地無仇無怨...」


啪！

misa一手打落我天靈蓋

「做乜鳩呀你！」


misa道:「懶好人咁，你咪又係偷左！你去俾返銀包佢囉！」

「阿德...呢個社會就係咁架啦，你同你老細無仇無怨，佢咪又係炒左你！」


misa講得岩，呢個世界根本就唔公平

我同misa...都只係為左生存姐


「喂，阿德..」misa挨住我:「頭先我引果個毒男果陣，你有冇呷醋呢？」

「痴撚線！！你點勾引佢關我撚事！」

misa指住我:「臉都紅哂喎！仲話無？呵呵」

「屌你..咪鳩up啦..」




「嘿，做得好丫...」王生接過銀包:「我收左咁多『徒弟』，你地係第一pair可以第一次就成功偷到野既」

我問:「點解既？」

「其他人開頭都會因為良心責備而落唔到手，咁足以證明，你地落手夠狠，我鐘意，嘿嘿」

頭先偷野果一下，我的確無猶疑，係事成之後我先至開始受良心責備

咁唔通...我真係一個無良心既人


王生從銀包拎出幾張一千大元:「呢d錢係你地架啦，從今以後，你地可以隨便響街度搵老細啦」

我同misa接過金牛後，王生再講

「好，咁我走先，遲下有咩野會再搵你地」



王生既車離去後

「阿德，依家我地有錢，今晚我地食豪d囉！」misa笑道

「吓...哦...」


我唔知道做盜賊呢條路岩唔岩，不過

依家我同misa，都係得返呢條路可以揀