我每星期都會去摩星嶺同佢啪啪啪: 二十一

【上文提及】
文：「之前個臥底……咁佢最後係咪救到佢啲friend？」
Aurona：「你聽我講先，其實件事有小小複雜嘅……」
文：「咁你淨係話我知之前個臥底最後點樣咪得囉，就當係俾啲信心我啦！」
Aurona靜左好耐，之後就講左句--
「佢死左！」

【我每星期都會去摩星嶺同佢啪啪啪 - 二十一】
文：「下……佢……死左？」
Aurona：「係！雖然我地都唔想再提，不過既然你都問到咁白，我亦唔會呃你……」


文：「妖！你班人都癲嘅！之前嗰個都死左啦，你地仲要我去做臥底？你真係有撚病，我睬你都on99呀！」
Aurona：「我地都唔想㗎！同埋我想講--你都真係on9嘅，我冇撚㗎，點會有撚病呀！」
諗諗下，Aurona又好似講得啱喎！
文：「呢個……係重點咩？」
Aurona：「點都好啦！阿文，你聽我講，之前個臥底會死，係因為唔聽Alex嘅指示。」
文：「所以你地就殺死佢？」
Aurona：「我地絕對冇，亦都唔會咁做。佢係自殺死嘅。」
文：「自殺？」
Aurona：「冇錯！其實放臥底入去Dream Zone之前都有唔小嘢要準備，但係始終都唔可以完全避免唔受Dream Zone嘅磁場影響，所以臥底唔可以喺Dream Zone入面逗留太耐，而且一個星期只可以入去一次。」
文：「咁入去係做啲咩？」


Aurona：「問得好，如果你想救返Kenson同傻仔西，你就要入去……」

「呯」一聲，Aurona突然間成個頭撞左落張枱度，而佢身邊就企左個好高大嘅西裝友。
條友企喺度望實我地，然後自言自語話：「哼！我都覺得有啲唔妥，好彩出嚟巡嗰陣見到你地……」
佢一手捉住Aurona啲頭髮，將暈左嘅Aurona成個扯起，再對住佢話：「死八婆，成日都咁L多事，帶你返去DNC睇下你仲有咩想講！」
我望住條西裝友都唔知應該點做，明明諗住Aurona可以解答曬我所有嘅疑問，但係而家我個腦入面又多左幾個新嘅問號。條西裝友用眼角望左我一眼，冷笑左一聲，之後就準備帶Aurona走。雖然我唔係好清楚發生咩事，但係我知道一定唔可以俾佢帶走Aurona。呢條西裝友竟然咁粗暴咁對待個靚女，都唔知佢係咪啲變態叔叔喺度捉啲小妹妹嚟挽sm。但係我可以點做呢？論高度，佢高到可以頂爆支光管；講身型，佢大隻到可以去做消防。既然唔可以硬碰，咁我唯有……

文：「喂！你個變態佬想點呀？摸完我個妹個胸已經嚇暈左佢啦！而家仲捉住佢，仲扯曬旗添！」
面對呢啲虛假指控，條西裝友即刻好大反應：「你講乜撚嘢呀？我撚有掂過佢對波呀？我撚有扯旗呀？」
文：「嗱，你認左啦！你話你撚有扯旗呀！個個都聽到㗎！」


呢個時候，餐廳入面嘅其他客人同職員都開始留意到有啲唔妥走過嚟幫手，佢地推左條西裝友去側邊同佢理論，而且仲喺度推推撞撞咁，之後仲大打出手。

就喺所有人都喺度互相攻擊或者係食緊花生嘅時候，我趁混亂一手揇住Aurona條腰，將佢拖左出餐廳外面……