【英雄系列6】孤獨兄弟: 19
19.
「咳..咳...」
彌生被大爆炸轟飛幾十呎外，身受重傷
「唉..咁大個仔，第一次咁狼狽呀...哈哈」彌生攤響地上，笑住道
「呀.....睇黎我...唔掂啦」
「隆隆...」
一會後，瞳瞳既坐駕駛到
「彌生...彌生！！！」
小優見到倒地既彌生，馬上衝出車
彌生見到小優，笑道
「哈...係小優bb豬呀...」
「彌生...你...唔好呀..！」小優喊到收唔到聲
掩住腹口鮮血既彌生苦笑:「我唔得架啦...不過臨死前見到小優bb豬你...已經夠啦...」
小優緊緊握住彌生既手
「彌...彌生你唔可以死架！！！我地仲要一齊...一齊過埋下半生架！！！」
彌生用盡氣力
「小優bb豬....我..愛你呀...」
說罷就閉上雙眼
「彌生！！！彌生！！！」
小優猛咁搖住彌生:「我都愛你呀！！你醒呀！！！！快d同我醒呀！！！！！嗚嗚嗚...」
「你醒呀！！！最多我以後日日同你..」
「嘻」
本應死掉既彌生忍唔住笑了一聲
「呃...彌生...你...！」
彌生張開雙眼:「嘻嘻...頭先你話以後日日都同我..咩話？？」
「你...你扮野既！！」
小優又喊又笑咁，不斷拍打彌生
「彌..彌生！！衰人！衰人衰人衰人！」
「對...對唔住囉....」
「衰人..衰人彌生！」小優衝去攬住彌生:「頭先見到你合埋眼，我不知幾驚呀！」
「唔扮死，我點引到你講真心話呀！」彌生摸住小優既頭髮:「都話左我唔會死架啦！」
「係喎，叢雲呢？」
「轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟」
貨船爆炸，整個大阪港都煙霧彌漫
「嘎...嘎...」阿白幾經辛苦終於上到水面
卻發現，叢雲並唔響佢既身邊
「叢...叢雲...叢雲！你去左邊呀？」阿白一邊大叫一邊四圍尋找
「嗚...叢雲你唔好死呀！」
「阿...阿白...我無事...」
背住阿白爸爸既叢雲慢慢浮上水
「只係...你daddy好重，我要一段時間先上到黎..」
阿白痛哭流涕般，攬住叢雲
「叢雲...好彩你無事咋！！」
叢雲微笑道
「嗯...」
上到岸後
「咳...咳咳！！」
阿白既爸爸終於甦醒
「daddy...你醒啦...」旁邊既阿白道
「小靈..係你呀」
阿白既爸爸卻言又止，只係講左呢一句
「小靈...對唔住...差d害左你」
「嗚嗚....」
警車同救護車都已駛到
瞳瞳從林保堅尼中行出黎
「幾個冇事丫嘛...？」
「我同阿白冇事，但係...世伯好似受左d傷」
阿白既爸爸臨上救護車既一刻望一望叢雲
「你...要好好咁照顧我個女呀...」
「嗯，我會架啦世伯」
瞳瞳再問:「照咁睇..果個渡邊直樹係咪已經...」
叢雲點一點頭:「佢打左三支納米機械，最後負荷唔到...如果唔係既話，我分分鐘都會死」
「三支...」瞳瞳思量住
「咁彌生..呢？佢點呀？」叢雲問
「放心...我點會出事呀！」
全身多處包紮既彌生響小優扶持下，行到黎
「係受左少少傷姐，哈哈...呀！！！！」
彌生既右腳觸到傷處
小優提醒:「彌生你小心d呀，你右腳骨折架！」
「嘻嘻知啦..」
「彌生...」
叢雲走到彌生面前
「今次...應該係我地兩兄弟...最後一次既工作啦」
「嗯...」彌生笑道:「之後，就係我地兩兄弟各自嘆世界既時候啦，哈哈」
一個月後，關西機場
「呼...終於要走啦...」彌生一拐一拐咁行住
「小心d呀，醫生話你唔可以行咁快架！」撓住佢手既小優道
彌生吻左小優一下:「知啦知啦，有小優bb豬你睇住我，唔驚啦」
「哼，口花花！」小優淘氣道:「咦...係阿白佢地呀！」
響兩人前方既，正係叢雲同阿白
「乜咁遲架你地？」叢雲笑道
「無計啦，我係傷殘人士嘛，行慢左少少」彌生指指自己既右腳:「係喎，買左機票未呀？」
「登登！」
阿白取出四張前往三藩市既機票
「屋方面我同叢雲都睇過架啦，響奧克蘭果度咁岩有兩房三層既apartment，我同叢雲已經落左訂啦」
「正喎...到時我地兩pair人就可以一齊住啦，仲可以日日食到阿嫂煮既野！」
彌生笑道
「喂，孤獨兄弟..」
瞳瞳從四人後面出現
「搞左d蘇州屎，就拍拍屁股走啦？」
彌生笑道
「唔好咁啦瞳瞳，咁我地兩兄弟辛苦左咁耐，都係時候比我地退休啦」
「而且，你咁好人，實會幫我地搞既..」
瞳瞳只能苦笑
「唉...真係冇你地咁好氣..」
「不過，我都好多謝你地呢幾個月黎，幫我地IID解決左咁多迪拉斯既人」
「依家迪拉斯響日本既勢力已經全部瓦解」
「咁就好啦..」叢雲道:「不過以後，我地四個都應該唔會再卷入呢d事度架啦」
「嗯，咁..四位一路順風啦」
說罷瞳瞳就轉頭離開
「！！！！」
阿白見叢雲面有異色，問:「叢雲，做咩事呀？」
叢雲問彌生:「感唔感覺到呀？」
「...嗯」彌生猶疑地點頭:「呢種感覺，又似我地，但係又有d唔似」
叢雲:「唔通...瞳瞳佢...」
「係吸血鬼眷屬？」