【英雄系列6】孤獨兄弟: 14

14.


「哇屌..部機械人真係識郁架喎...」彌生慨歎


機械人緩慢地伸起，顯現出黑色既身軀

呢部機械人身高約17米，雙手均有重火力兵器





彷如高達跟metal gear既混合體一樣



「......」電視台既信號馬上中斷，大概係怕引起恐慌









叢雲立刻拎出手提電腦，登入goldenjai.com

討論區內，正正出現一條似乎係迪拉斯自己公開既連結





連結中繼續直播住機械人既一舉一動






機械人開始活動，向住關西機場既方向行動


「似乎...呢部機械人係黎真架喎....」神情凝重既叢雲道


機械人既倉門慢慢打開


裡面既人四肢盡失，全部都插住機械裝置

阿白同小優見此狀亦馬上驚得合起雙眼






「望月彌生！！！認唔認得我呀！！！！！」


彌生簡直不敢相信自己雙眼

「係..果個南條勇？！佢咁都未死！！！！」


「你殺我大哥，仲害我半身不遂，好彩，依家我靠住生物CPU既技術復活啦！！！！！」

「你呢隻縮頭烏龜！今日下午四點你都唔出現既話，我就將整個大阪市毀滅！」


「如果你唔信我既話，我可以示範比你睇既」





南條勇操縱機械人，將右手舉向後面既海域





「轟呀！！！！！！！！」

一記迫擊炮射落海中，隨即引起大水花


「呢部機械人既裝備，睇黎真係有料到...」彌生心想著


「哈哈哈哈實在太爽啦！！！」南條勇已經接近瘋狂:「記住呀望月彌生，下午四點呀！！！！！！！」







大阪灣既直播完結後

鏡頭又轉完到一間黑色密室


「你好...望月叢雲...仲有白小靈」

坐響梳化上既係.....渡邊直樹

而阿白既爸爸，就被綁住攤響隔黎既地板上






「直樹....daddy...！」阿白嚇得花容失色



「你地兩個三番四次傷害我，我點都要同你地兩個黎個了斷」

旁若兩人既直樹雙目無神:「下晝四點，大阪港迪拉斯商船艦橋，如果唔黎既話...」


直樹拎出太刀放到阿白爸爸既喉嚨處:「我就會將佢殺死」





影片播放完後，四人鴉雀無聲



電話中既瞳瞳率先開口:「你地兩兄弟都算犀利啦，同時搞左兩單大野..」


「瞳瞳...你有冇能力，盡量將大阪市既市民梳散？」彌生問

「呢一層唔係問題，我可以聯絡大阪當地政府...」

「...咁拜托你啦」



「叢雲.....」阿白低住頭:「雖然我daddy一直都逼我同直樹結婚，但係...佢始終都係我親生爸爸..」


「我明呀阿白，所以...我一定要去，將uncle救返出黎...」叢雲道:「而且，呢個渡邊直樹既矛頭都係向住我...」


「我都要去！」阿白拉住叢雲:「係我搞到直樹變成咁架..如果我唔去，佢都一定會殺左daddy架」


叢雲猶豫著:「但係..」

「叢雲..我知道我跟埋去會好危險，但係..我相信，你會保護我架..係咪...」阿白微笑道

「阿白....」叢雲問:「咁彌生你呢？」





「當然要去啦，上次殺唔死呢條垃圾，今次點要都收佢未」


「唔得呀！」小優拉住彌生:「我唔想你..再冒險呀，今次仲要打個機械人...」

彌生放低手機:「放心啦小優bb豬，呢部野響我面前都係廢鐵黎既姐！」


「...但係...我好驚你..會有事呀...」

彌生吻向小優既臉蛋:「佢邊會殺得死我丫，我仲要同你再啪啪啪架嘛！」



小優眼淚流到落地

「衰...衰人！！！」說罷就衝出大廳



「小優...bb豬...」彌生不惑:「佢..做咩呀..」

叢雲道:「彌生，我諗...小優佢係太過擔心你姐...」


「彌生呀..尋晚我同小優洗碗果陣都傾過一陣..」阿白亦開口:「佢話...唔想你再同人打交，因為佢好驚你終有一日會出事...」


「叢雲...阿嫂....」

彌生立刻跑出屋外既花園



「嗚嗚..」

小優正坐響草地上啜泣


「小優bb豬...」


小優回頭，只凝視住彌生


「對唔住呀...原來你..一直咁擔心我...」彌生安慰住小優

小優扁住小嘴:「邊..邊個同你講架...」


「係阿嫂...佢話你尋晚....」

小優仍口不對心:「邊..邊個關心你呀！」


彌生從後抱住小優:「小優bb豬，你放心啦，今次我都一定會無事架」

「我唔可以咁自私走左去，由得大阪比呢部機械人破壞....」


「嗚.....彌生呀...」小優跟彌生相擁:「咁...我都要跟住去！」

「小優bb豬，你都..要去？！」

小優像個小女孩撒嬌:「我唔會由得你一個去冒險架！」


「唉..咁好啦...」

「仲有呀，你要應承我...」小優道:「打埋今次，你要金盆洗手呀...我地一齊..」

「嗯！！當然啦！」






「依家既計劃就係，我同小優bb豬去大阪市打果部機械人」

「我同阿白就去大阪灣，同渡邊直樹黎個了斷」


彌生同叢雲各自執拾自己既裝備，準備出發

面對佢地既最後一戰



「好！出發啦！」彌生打開大門


「不過...我地得一架車咋喎...」叢雲問

「依家已經三點...咁既話好難兩邊都趕得切..」





「呃！！！！！」

一架林寶堅尼駛到埋黎



「四位...係咪想要車呀？」

駕車既係一個妙齡啡髮少女，比小優同阿白更小



「瞳瞳？」彌生嚇左一跳:「點解你會黎左既？」




「咁岩我響日本搵人，咪順便過黎囉」瞳瞳道:「依家大阪市沿海地區都已經梳散好啦...彌生我送你過去丫，我架車入面有d軍火可以借比你用既」

叢雲道:「好丫，咁我同阿白就過去大阪港..」


彌生對叢雲笑道:「巴打，記得要平安返黎呀」

「嘿，你都係呀」





四人分道揚鑣，面對各自己最後一戰