【英雄系列6】孤獨兄弟: 8
8.
Prince Gallery頂樓，新娘化妝房
阿白已換上一件白色婚紗，顯得非常高貴
阿白爸爸笑逐顏開:「阿女，你今日真係好靚呀！」
「嗯...」阿白只係冷冷地回應
「小靈，今日係你結婚既大日子，你笑下啦」阿白既爸爸笑道
「...係..」阿白強行擠出微笑
「你唔係..仲掛住果個人下話？」阿白爸爸皺眉:「你今日都結婚啦...好心你就忘記呢個人啦」
「論財力，渡邊家響日本的確係數一數二架...」
「所以...為左錢，你就可以甘願犧牲自己個女既幸福？」阿白平淡地問
阿白爸爸沉默一會，再開口:「渡邊先生對我地屋企有恩，響兩年前公司出現問題，都係渡邊先生幫我地渡過難關咋」
「何況，直樹都算係一才人才丫，佢..」
「唔駛再講啦daddy」阿白打斷佢既說話:「我願意同直樹結婚，咁daddy你可以放下心頭大石啦」
阿白望住鏡中打扮得動人既自己
「叢雲，對唔住...我..呢一世都唔可以同你一齊啦」
「今日之後，我就係..渡邊家既人啦」
「咔！」
酒店既女職員打開門「賓客到齊，新娘可以準備出黎行禮啦」
「阿白...行啦」
「嗯」
阿白爸爸率住阿白，準備步進婚禮會場
彌生同叢雲換上制服後，乘上升降機
升降機中充滿住悉心打扮既男男女女，似乎都係參與婚禮
叢雲既神情著急，一心只希望儘快上到五十樓
「隆隆」
升降機忽然停下
「發..發生咩事呀？..唔係困lift下話？」升降機內既人紛紛討論:「喂！開門呀！！」
對講機傳來管理員既聲音:「依家我地會儘快搵人黎維修架啦，請各位等陣！」
「一間五星級酒店唔會咁易壞lift，一定係有迪拉斯既人用cctv睇到我地...」叢雲細聲響彌生耳邊道
彌生笑道:「咁...無辦法啦」
「砰！砰！砰！砰！砰！」
彌生將升降機內既賓客全部打暈
「彌生你做咩呀？」叢雲問
「打暈佢地囉，咩呀？」彌生用MP443射爆角落既閉路電視
「好明顯...迪拉斯就係唔想我地出現響婚禮會場，所以特登整停部lift」彌生點起煙
「咁，你有咩辦法？」
彌生打開升降機上既排氣口:「我地上去，由電梯井行上最近既樓層，再跑上去五十樓」
「嗯..」
兩人上到升降機頂
「嘩，好彩最近個樓層就響呢度姐，唔係既話又要爬黎爬去真係大撚鑊啦」彌生同叢雲各捉住一邊門
「三、二、一！！」
兩人一手將門扯開，走到大堂，係25樓
「仆街，要一野跑上25樓，係咪on9架！」彌生不悅
「踏！踏！踏！」
後樓梯中既幾個守衛見到兩人
「你地係咩人？！呢度封左架啦！」
「我地係酒店既員工，依家要上去執房」叢雲答
「有lift唔搭？要行後樓梯？」
「妖！問長問短」彌生同叢雲兩三下功夫就將佢地解決
「迪拉斯真係仆街黎架喎...後樓梯都有人守住，唔駛倒垃圾咩」
叢雲無理佢，已經跑上去:「要快d..」
「咔！」
音樂響起，阿白同佢既爸爸步入婚禮會場
「啪啪啪啪啪啪啪啪啪啪啪啪啪」在場數以千計既賓客無一拍掌歡呼
「阿白，睇下幾多人恭喜你同直樹？」阿白爸爸笑道
「...嗯」
直樹同主禮既神父已經響台上等待
兩人一步一步走上前
「阿白...你係咪真係..」直樹問
「唔駛講啦直樹...」阿白目無表情:「我係甘心嫁比你既..」
阿白上台後，全場人變成平靜，等於兩人許下一生一世既承諾
「渡邊直樹先生，你是否願意承認接納白小靈小姐作為你的合法妻子？」神父問
「...我願意」直樹回答
「白小靈小姐，你是否願意承認接納渡邊直樹先生作為你的合法丈夫？」
「....」
阿白腦海裏回憶住跟叢雲既一點一滴
但..一切都已經成為往事
阿白閉上眼:「....我願..」
「砰！！！！！！」
「阿白！！！」叢雲一腳踢開會場既大門
「唔好嫁比佢呀！！！」
「叢...叢...」阿白見到叢雲，淚水忍不住流出來:「叢...叢.雲..」
「阿白..雖然我係個悶蛋..但係你都仲係一直跟住我..不離不棄」
叢雲慢慢行上去:「我只係一個識得戰鬥既無用男人，所以我唔係好識表達自己，不過....」
「我其實好愛你架！！！我好需要你架！！！」
「叢...叢雲..叢雲！」阿白激動得欲想走過去
卻被渡邊雄介捉住
「白小姐，你同小兒直樹仲未行完婚禮架」
忽然，一整隊配上武裝既迪拉斯人員從各個出入口衝入黎，包圍叢雲及彌生
「呀！！！！」賓客們都嚇得逃之夭夭
「呢兩個人就係一直追擊我地公司既殺手，殺左佢地！」渡邊雄介下住命令
「爸爸呀..點解你要對佢地趕盡殺絕呀？」直樹問
「我為你好咋，依家佢搶你老婆呀！」渡邊雄介捉住阿白，走進秘密出口:「白小姐，依家咁既情況，婚禮唯有擇日再搞，不過你依家請跟我地去安全既地方先啦」
「放開我呀！」阿白無力鬆開渡邊雄介既手:「叢..叢雲....救我呀！！！」
「叢雲，快d去救阿嫂啦！果條出口係去天台停機秤架！」響後面既彌生道
「嗯，拜托你啦！」叢雲箭步拔足而行
「唔好比佢走！！！」帶頭既迪拉斯人員想追
「砰砰砰砰砰砰！！！」彌生用子彈，擋住佢既去路
「你既對手係我，望月彌生呀」
呢個迪拉斯人員雙眼出現紅色光芒
「望月彌生...就係你..殺死我大哥！！！」
「你大哥？我殺左咁多迪拉斯既人，即係邊撚個呀？」彌生輕恌問
「我叫南條勇，今日..就係你既死期！！！」