【英雄系列6】孤獨兄弟: 2.3

2.3

「望月，同你介紹，呢個係新黎既part time」叢雲打工既便利店店長跟叢雲道


著住便利店裝束既阿白向叢雲鞠躬

「先輩你好，我叫白小靈，請多多指教！」






「...係...係阿白..？」


店長:「如果冇咩事既話我走先，今晚靠你地兩個架啦」




「阿白，點解..你要黎呢間便利店打工呀？」叢雲問:「印象中你daddy都好有錢..做乜要咁樣屈就自己？」





阿白笑道:「因為...我想靠自己努力搵錢，之前聽你講過你響呢度打工，咪跟住黎囉，嘻嘻」


叢雲執住貨架上既貨物:「你呢d有錢人真係得意...」

「叢雲呀，你可唔可以教下我點用收錢機呀？」阿白走埋黎

「哦...好呀..」








「多謝...三百六十yen」阿白將飲品放進膠袋中

眼前既呢位醉酒青年出言騷擾:「姐姐，你幾靚女喎，不過今晚上黎我度丫，嘻嘻」

「先生，三百六十yen唔該」阿白依然保持住禮貌

「姐姐唔駛怕羞喎...」青年開始不規矩，試圖捉住阿白既玉手


「拍！！」

叢雲捉住青年既手:「先生，請你尊重少少..」





「你邊個呀？！夠膽郁本大爺！」


叢雲以一記過背摔，將醉酒青年打到地面上

「警告你，唔好再黎搞事」


「你...你睇住黎呀..！」醉酒青年吃盡苦頭後，只好落荒再逃


阿白走到叢雲身旁:「叢雲，唔該哂你呀」

「唔駛..」叢雲返回收銀枱上:「不過我驚佢仲響附近，一陣放工我送你返去丫」





「....唔..唔該叢雲」



「叢雲佢..好溫柔呀...」

阿白心裡對叢雲已經產生左微妙既感覺



「爸爸！！唔好殺爸爸呀！！」








「！！」叢雲既刀慢了些毫，只係斬到中村虎既右肩




「可惡..依家既我...殺唔到人...」叢雲心裡埋怨


「果然同傳說中一樣，你地兩兄弟真係好勁..」中村虎掩住傷口

雙眼發紅光既佢收起刀:「睇黎..我都要出殺著啦」


「呢種紅光...係戰鬥用納米機械？！」






「擦！」

話口未完，中村虎已經以拔刀術，斬中叢雲既左前臂


「再黎！」

中村虎躍起，空中拔刀斬往叢雲頭顱


「噹！」

叢雲只好硬生生擋下

「呢個人既拔刀術好快...再係咁落去..」



「叢雲！！！加油呀！！！」

手無寸鐵既阿白咩都做唔到，只能響一旁為叢雲打氣



「如果我死左..阿白就會...」叢雲終於醒覺:「我唔可以死！」

叢雲格開對手既脇差，再舉刀躍向中村虎

「為左保護阿白，我咩都唔會怕」


「發！！！」

叢雲取豬肉刀，從中村虎既頭頂直斬









中村虎被斬下致命一刀後，隨即倒地

「嘿...呢d就係..吸血鬼既實力呀..？」說罷就失去氣息，化成一攤血水



「呼...總算可以殺得返人啦...」叢雲拎起中村虎既脇差:「黎緊唔知仲有冇其他更難搞既敵人，帶住佢旁身好d」


「叢雲...」在旁既阿白一臉徬徨:「點解...呢個人會變左攤血水既...仲有，佢頭先話你係...吸血鬼？！」


事到如今，叢雲只好點頭:「嗯，無錯，我係吸血鬼，不過..我地係唔會吸血」

「真正既吸血鬼，只係五官同運動力比平常人強」叢雲用毛巾包紮好傷口:「至於點解叫吸血鬼，係因為我地可以透過咬人，將瀕死既人重生，但係就比平常人誤解左」


「呢個人，，佢體內亦裝左戰鬥用納米機械，所以d動作先咁快，而副作用就係死後會化成血水」

「呢d，全部都係迪拉斯既實驗，佢地真正既陰謀，就係希望用戰鬥用納米機械，生產出最強既軍隊」





聽完一大堆講解，阿白其實亦不太明白

「叢雲...」阿白走近叢雲:「無論你係人定係吸血鬼...你始終都係叢雲」

叢雲道:「阿白，對唔住..我自己既恩怨連累埋你」



阿白搖搖頭:「只要可以同你一齊，我咩都唔怕」

「迪拉斯特登搵人捉你返去，即係話，呢件事分分鐘你daddy都有份」

「呢個直樹真係可惡！」阿白問:「但係依家...我地可以去邊呀？」


「依家佢地應該睇實哂機場等等既地方」叢雲想著:「我記得當年老豆響湘南有一間屋，如果你唔介意既話...」

「唔介意！」阿白自知反應過敏:「唔...唔好意思呀...」


「嗯，咁我地行啦」


兩人借了一架私家車，就開始前往湘南





響車上，阿白開著收音機，剛好播住搖滾音樂

「ずっと眺めていた

遠く幼い頃から

今も色褪せたその景色は

真白な壁に飾ってある」



「叢雲，呢首歌...咪係你講過最鐘意聽果隊...L'Arc~en~ciel？」

叢雲吃了一驚:「嗯..阿白你仲記得既？」

「係呀，返學果陣次次見親你都係聽緊佢地既歌架」

「哈哈..你真係好記性」叢雲繼續哼住歌，駕車前往湘南



「其實唔止係你鐘意既歌，你既所有野，我都仲記得架叢雲」

阿白望住叢雲，心裡想