【英雄系列6】孤獨兄弟: 1.1

孤獨兄弟


嗄..
嗄..
嗄..


「呀！」





一個傷痕累累既肥佬，失足倒在後巷



「點呀，仲想走去邊呀？」兩個高大既年青人從黑暗中走出黎:「你個死肥撚幫迪拉斯洗左咁多黑錢，你估唔駛還呀？」

「你..你地...係咩人呀？做乜要殺我！」肥佬按住身上既刀傷口


「彌生，唔好再講咁多野啦，快d解決佢..」





「唉，知啦知啦」呢個叫彌生既年青人舉起手槍



呢個時候，肥佬終於可以睇到兩人既容貌

「呢個狼型紋身....唔通..你..你地就係..」






「冇錯，我地就係」


「孤獨兄弟」





1.1









「喂，彌生..」

講野既呢位紮髻青年，外表俊朗，同時又像浪子一樣


而呢位留短髮既彌生，冇理到青年既說話，繼續打住ps4

「咩料呀你？你睇唔睇到打緊機架！」



「竟然咁樣同大佬講野，冇家教..」青年坐響梳化上，飲左一口中國茶

「喂，叢雲，你大得我一年咋喎，唔好扮哂大佬啦！」彌生放低手掣:「點呀？你想講咩呀？」







叢雲托住下巴

「我想休息下，就當係我同你拆伙啦」


「休息？」彌生呆一呆:「點解呀？呢一年黎，我地做左好多單生意啦喎」
「呃..唔通..」


「嗯，尋晚，我落手殺果個目標既時候，偏差左4cm，斬唔中佢既要害」

叢雲飲一口茶:「所以..我想休息下，去一去日本...」







「嗯..如果你已經決定左既話，咁我點留你都冇用啦」彌生吸一口煙，笑道:「咁你幾時出發呀？」

「依家..」

「哈，咁我唔送你啦，你自己好好照顧自己啦，大佬」

叢雲穿起大衣，拎起行李:「你先係呀，唔好再食咁多煙啦」




在叢雲離開後





彌生先嘆一口氣:「唉，叢雲你走左，我依家冇伴陪我啦」



彌生回想起，一年前響香港既街頭，重遇返呢個大哥

從此就開始擔任賞金獵人既工作

一年來，佢地總共殺左68人，大多數都係大賊、貪官

只係，除左一個...



彌生上住網，瀏覽住賞金獵人網站goldenjai.com

呢個係一個專門比客人刊登委托，比賞金獵人搵工作既地方




「咁樣，我以後都要自己搵job啦唉...」彌生自言自語

「不過，呢一年即使同叢雲五五分帳，賺到既錢都應該夠我用十幾年啦...既然係咁，我都放返個假先！哈哈」




晚上，彌生照舊落街，到附近既茶餐廳食飯

「唔該！豆腐火腩飯，一支青島！」

呢個係彌生最鐘意既配搭



「涉嫌洗黑錢既金管局副總裁林家良，今早被發現倒臥於德輔道西，送院後證實死亡...」

坐響收銀位既老闆道:「呢個仆街死得抵囉！」

「貪貪埋埋，殺得好呀！」


彌生食住飯，心裡暗想:

「嘿，真係估唔到咁多人都鐘意我同叢雲做既事喎」




「呼，食飽飽，買埋包煙先返去繼續打埋隻metal gear先！」

彌生去到火炭火車站既7-11買左一包紅萬，準備返到位於御龍山既住所


「嗚...」

一個身影從草叢中滾出黎


「嘩咩料呀..」彌生走過去扶起呢個人:「喂，你見點呀？」



彌生呢一刻先發現，佢抓住既..

係一個豐滿既胸部


「女黎既？！」


佢馬上用手機既電筒功能照住

呢位少女擁手一副可愛既臉蛋，但同時滿身骯髒


「條女又幾靚喎..嘿嘿，帶左返去先！」






「嗯...呢度係...」




半小時後，呢個女仔終於張開眼

才發現，自己全身被麻繩綁住

「點..解.！」



「醒左啦？」彌生食住煙，從廚房行出黎:「游小優小姐」


呢個叫游小優既女仔，雙眼明亮，有一對大大既臥蠶
身材矮小，應該只有152左右，下身就著住黑色背心及牛仔熱褲


「你...」

小優不停掙紮:「點解..你要綁住我呀！」


「嘩，你頭先無啦啦響樓下草堆彈出黎..點知你咩來頭呀，緊係綁住你先啦！」彌生笑道


彌生拎起旁邊既ipad:「游小優，23歲，孤兒，響一日前，偷取『薩拉熱窩的紅心』失敗左，比迪拉斯私人保安公司追殺..」



小優自知被彌生睇穿哂:「我..我係諗住去偷果粒響會展展覽緊既果條『薩拉熱窩的紅心』，但係衰左之後...就比..佢地追殺，我好辛苦先甩得開佢地咋」


「哦...咁都幾陰公喎..」彌生摸住下巴:「睇睇下，你都幾靚女丫」

小優一臉哀求:「咁..你可以放左我未呀？」


「咁又唔得住，嘿嘿」彌生笑淫淫道:「除非..」

「你做我條女，同我一齊做賞金獵人咪放你囉！」



「你變態架！」小優一聽到後嬲得臉紅:「邊..邊個會想做你條女呀！」

「呵呵，唔係你以為點解我會帶你返黎呀..」彌生雙眼打量住小優胸前既乳溝:「你對32D又真係幾撚正既..」

小優馬上縮開:「你..點..點會知架！」

「嘻，我頭先唔小心揸左下啦！」


「你個死變態！竟然非禮我！！」小優大叫

「屌，你嘈住隔黎鄰舍訓教啦.」彌生拎起牛皮膠紙，痴住小優既小嘴:「訓先啦我，小優！」



被封住嘴既小優只能發出聲音:「唔！！唔唔唔！！唔唔唔唔唔！！」


「嘻，本身仲諗住叢雲走左之後會悶，依家有小優就唔怕啦！」彌生懷住愉快既心情，進入夢鄉



第二日

「早晨呀，小優」彌生捽住眼:「諗成點呀？」

小優講唔出野，只能怒視住彌生


「係喎，你講唔到野..」彌生撕開牛皮膠紙



「吐！」小優馬上對住彌生吐口水

小優毫不留情道:「要我做你條女，我寧願死呀！」


「駛唔駛咁講野呀..我都算幾靚仔丫！」

「總之..我一定唔會應承你！要斬要殺隨便你！」小優依然口硬

「咁呀..我打下機先，一陣先諗點樣處置你」彌生將膠紙貼返上小優既嘴上:「嘿嘿..諗起都興奮呀...」


「佢..唔通真係想姦左我？唔好呀！」小優雖口硬，內心卻驚得要死:「唉呀，早知果陣唔咁貪心做賊啦，依家比個淫蟲捉住，你真係好蠢呀游小優！」




「啊..」彌生打住呵欠:「打機打到好眼訓呀，訓陣先」

不出20秒，彌生已經扯住鼻寒:「咕...！咕...！咕...！」



「如果再留響呢度，一定會比呢個淫蟲姦左架..」小優不停環顧四周:「一定要..諗下辦法走呀..」

幸運地，小優發現前面既茶几上，正正有一把界刀！

「好野！天助我也呀！」


小優用鼻將界刀推到地下

再用被綁住既手執起界刀，界斷麻繩


終於甩身既小優馬上撕開膠紙，心想:「呼！終於甩難啦！」

小優望住熟睡中既彌生

「見到呢個淫蟲就想打死佢！！不過..都係走左先算...」


小優慢慢咁打開門，以防被彌生發現

再馬上入升降機

「不過..呢個淫蟲竟然一個人住d咁有錢既地方，到底佢係咩人呢..」


小優一出升降機，卻見到..




三個迪拉斯公司既人，剛剛好進入大堂


「係你...八婆！！咪走呀！！！」三人隨即發現小優，亦追上去

小優一時嚇到走入升降機，再馬上禁返26樓返去剛才既一層

岩岩好就避開迪拉斯公司既三人




「咩...咩事呀！班人點會知道我響度架！」小優心裡暗想

「睇黎....依家只可以...」

小優走回彌生既單位，卻發現剛才關好既門，竟然開住


一開門

「嘿嘿，我早就知道，你會返黎架啦，小優！」彌生食住煙，輕恌道

小優不明其事，問:「點解，你會知架！！」


「呵，你估我唔知你想走咩！我尋晚一早就響賞金獵人網站goldenjai.com上面放料，話前日去偷『薩拉熱窩的紅心』既果個賊仔黎左呢度，咁佢地咪黎囉，哈哈！」


「你...！」小優一時激到講唔到野

「依家迪拉斯公司已經當左你係我既同黨啦，今次你想唔同我合作都唔得啦！」彌生得意洋洋道


「你竟然咁樣害我！！！你係咪得罪左你呀！！！」小優流住淚大叫



「你一個人響出面點甩身呀..為左保你安全，呢個係最好既方法」

「而且」彌生將小優推埋牆作壁咚:「我要你做我條女.」


「做你條女..呢個人係咪痴撚線架...」小優心中大叫



「踏..踏..踏..」

門外傳來三人既腳步聲


「咁點呀，佢地黎緊啦喎」彌生笑道:「如果你做我條女，我咪救你囉」



「做...做囉....」小優鼓起嘴，不甘心道


「嘻，小優你嬲既樣好可愛呀」彌生馬上對住小優既嘴錫落去

「喂你..！」





「咁樣....係時候，正式收鳩迪拉斯班友皮啦！」

彌生拎起腰間既MP443手槍



「忍左你班友咁耐，唔打殘你地都對唔住自己」