你愛我還是他: 第七十六章

時間一日一日般過去，雖然我們表面仍然是很快樂，但其實大家都知彼此心裏都有根拔不走的刺。
.
為了這件事，我不得不跟身邊的好友訴苦。而在我腦海中，第一個想到的就只有他。
.
「唉，一早叫左你唔好同個女人一齊架喇，話你又唔聽，宜家又出事喇」杜杜一見我就說
「我知我係傻仔，但係唔傻都傻左，咁我都係想叫你出黎睇下有咩解決辦法」
「你比我更清楚佢，無理由你唸唔到但我唸到架」
「但係你係橋王黎架麻，你實有方法架」
「但係你要知道，女人係比男人更絕情，一個女人變左心，同潑出去的水一樣，救唔番」
「咁即係我今日叫你出黎無用喇…」我無奈道




「咁又唔係，至少我可以聽你呻，等你講哂出黎，唔使一個人屈住」
.
之後，我又將我心中計劃跟杜杜說。
「啱架，你咁樣做等自己慢慢抽出黎，係好事黎架」
「但係我真係唔捨得…」
「唉，你唔捨得係正常既，證明你對呢段關係有投放到感情，不過我勸你都係唔好再沉落去喇」
「唉，都唔知點解突然會變成咁」
「算喇，女人要變心，你阻都阻唔到」
「咁又係既，不過今次我都無憾架喇」
「總之無論如何，你仲有我呢個兄弟！」




.
或許杜杜說得對，女人要變心的話，想阻也阻不到。現在我可以做的，就是慢慢去接受這個現實，將傷痛分開去承受。
.
來到十一月，開始有冬的感覺，正如我們的關係般，也開始步入最後的寒冬。
.
「其實，點解你仲要咁努力？」她再一次重提這個舊話題
「無論如何，過埋呢個學期先好無？」
「其實宜家的你真係好好…」
「好又點…咪又係留你唔住…」我坦白直說
「對唔住呀…」




「咩都好，當陪我捱埋呢個學期先好無？我唔想考試前有咩令自己分心」
她沒有再說下去，或許當她想到自己上次為我帶來的傷害後，她也不敢再刺激我。
.
「唔好唸咁多喇，總之我一日係你男朋友，我都會盡能力去令你開心快樂」
這個時候，她才甜笑了一下
「笑番咪好囉，去食野喇好無？」
「我要食烏冬！」
「好好好，同你去樂富食你最鐘意嗰間好無？」
「好耶，有烏冬食！」
.
其實她就是這麼容易滿足的一個人，不一定要名牌高端才能逗她快樂。有時候，反而她更喜歡一些隱世的小店，用相宜的價錢享受到美食，高性價比的生活才是她追求的。
.
就是因為她不港女的性格，才令我一直不願放棄她。有時候我覺得，她有點不像我的女朋友，更像我的老婆般，為我打點一切，為我擔憂為我省錢。
.
Facebook：微言




Instagram：smallpotatosay