你愛我還是他: 第四十七章

有時候，人總以為將秘密收得好就不會被人知道。但偏偏，無論你收得多秘密，還是有機會曝露。
.
當你愈想隱瞞，就愈容易露出破綻。
那一天，我這一生都會記得。那天放學，我原本是會留校和杜杜Kathy一起溫習的。但是，那天突然心血來潮，想送芷怡回家，多陪她一會。於是，我悄悄的尾隨著她，準備一出校門就給她個驚喜。豈料，她竟然準備了一些更大的驚喜給我，令我畢生難忘。
.
當我臨出校門準備嚇她時，我看到學校對面有一個熟悉的人影站著。一開頭我都不太相信自己的雙眼，但再三望清楚後，發覺真的是他。但為甚麼他會忽然走回來？他是要來找我報仇嗎？
.
最令我驚訝的是，他竟然是識芷怡的。當芷怡一踏出校門，他就馬上過馬路去找芷怡，他們還在拖拖拉拉。當芷怡看到他後，臉上除了露出一點驚訝外，還不斷四週張望。
.
「點解你會係度架？我咪叫左你係下面等我」




「咁我心急想見你麻」
「唔好搞喇，等陣被人睇到就大穫」
「怕咩啫，你係我女朋友黎架麻」
.
女朋友？！！究竟是甚麼的一回事，我決定衝上前問清楚，今日一定要得個明白！
.
「方芷怡！」
「呀駿，點解你會係度架，你唔係…」
「點解我唔係溫緊書嗎，你梗係唔想我係度，又或者，我應該問下你旁邊呢位，點解你會係度？」
「好耐無見喇，司徒駿，別來無恙嗎？」




「唔使係我面前扮野喇，何能夠」
沒錯，站在我面前的，是我曾經的死敵，何能夠。
.
「呀駿，你聽我解釋喇」
「好，我都好想聽下你有咩想講？」
「我同Can係暑假做義工識的，他對我好好」
「佢就係你暑假同我講嗰個追你的男仔？」
「係呀，佢對我好好，好細心，佢仲無逼我，俾左好多時間我去決定」
「佢會做義工？！！」
「唔得咩？」




後來，我才知道，他根本不是去做義工，而是去執行他的社會服務令。
.
「咁點解你仲要同我係番埋一齊？」
「因為…因為我見你咁辛苦，想幫你」
「即係你唔係因為鍾意我而同番我一齊，而係可憐我？！！」
「我…」
「擺明係喇，有邊個會鐘意你呢啲死窮鬼，係方晴咁傻先會揀你啫」罐頭搶住奚落我
「你講咩呀？！！」這個時候，杜杜衝了出來
「哈，要搵埋兄弟出黎救你呀，無用鬼，芷怡，我地走」
.
「方芷怡，我想問你最後一條問題，究竟你有無愛過我？」
「曾經有，但…對唔住呀駿」
「仲同佢講咁多做乜呀，走喇」罐頭強行拉走了芷怡
望著他們逐漸遠去，我無力地跪在地上。
.




「呀駿，你點呀？」杜杜急忙地扶著我
我仍然呆跪在地上，不懂怎去反應。這一切真的來得太突然，為何又是何能夠？為甚麼在我以為重拾幸福時，又一次把我打落地獄？
.
我真的累了，我不來再爬起來了。剛剛爬起來一年，又再一次跌落深谷。或者，這個遊戲真的不適合我…
.
Facebook：微言
Instagram：smallpotatosay