你愛我還是他: 第三十章

星期一回校的時候，經過了三日的沉思，總算重新找回方向，把固執放下。
.
當我看到芷怡時，她又一次對我視而不見，我就知道她又嬲了我。想到上一次，我就馬上衝到她面前。
「傻鴨～傻鴨～」今次我還扁長了嘴，扮得更可憐
但她看一看我後，就繼續前行不理我。
.
沿途我一直扮傻鴨叫，又跟她道歉，但她也一直無動於衷，看來真的生氣了。一直到她入了班房，都沒有理我。
.
看來，今次要更認真的去想對策…
一整天，她都沒有再理我。由於學生被規定不能進入其他班房，所以我也不能硬闖進內，唯有在門外一直等她。但這樣一等就等到放學，她才真正看一看我。處於下風的我，唯有一直跟著她，直到她願意理我為止。




.
終於，去到巴士站，她停下來了。
「其實，你知唔知自己究竟錯乜？」芷怡問我
「因為我掛住溫書無搵你」我戰戰兢兢的答
「你連你自己做錯咩激嬲我都唔知，你叫我點原諒你？！！」
「咁你同我講，我改咪得囉」
「咁我問你，點解考完試後唔搵我？」
「我咪話左你聽，我考試失左手，想靜下」
「所以一靜就靜左三日，連手提電話都閂埋，與世隔絕呀？！」
「咁我真係心情唔好想靜下麻」




「但你有無唸過我？有無唸過我會擔心你？」
「對唔住呀，但我當時自己都顧唔掂，我唔想你搵我然後我對你發脾氣呀」
「咁你有無唸過你俾左個訊息我之後會令我有咩反應？我搵緊你都無回應，你知唔知我幾擔心你？！！司徒駿，你究竟有無當過我係你女朋友？！！」
「我梗係有喇！我就係當你係我女朋友所以先同你講咋，其他人親如杜杜我一句都無講！」
「你始終都係唔明…算喇，既然你都話顧唔掂自己，咁就等你顧掂自己再搵我，我地分開冷靜下先喇」
「你唔好咁喇好嗎？我真係緊張你架！」
「我唔想再講，我有車喇，你唔好再追上黎！」
.
就這樣，她上了巴士絕麈而去（該死的，怎麼巴士早不來遲不來，偏偏在個時間來！）
而我，就繼續呆站在巴士站，回想芷怡剛才的說話…




.
回到家的時候，已是天黑的時候。
「咁晏番既？」媽媽問
「係呀…」我繼續垂頭喪氣
「做咩呀？無哂心機咁既？」
「無野…」
「考得唔好呀？」
「唔係呀…」
「咁即係同女朋友嗌交喇？」
「我地無嗌交呀，係佢嬲左我咋」
「你又做錯啲咩？」
「我都係無搵佢幾日啫」
「你地啱啱拍拖，幾日好長架喇！不過無野既，女仔氹多幾下自然無事」
「你又知？」
「呀媽以前都係女仔黎架麻！」




「又好似係喎」
「咁你幾時帶番黎俾呀媽睇下？」
「遲啲喇，穩定左先」
.
Facebook：微言
Instagram：smallpotatosay