你愛我還是他: 第二十八章

比賽完結後，我們排成一線，輪流和對方球員握手。大家的臉上都露出失望的表情，畢竟都努力了一段時間，失落冠軍始終會有一些打擊。
.
不過完場後，卻有排球隊老師主動來找我，邀請我加入排球隊。他說經過幾天的觀察後，覺得雖然我技術上有待磨煉，但是防守表現出色，態度良好而且有優秀的領導能力。
.
不過，我聽說過排球隊的一個不明文規定，就是隊員不能拍拖。也就是要在拍拖和排球隊中二揀一…
.
就算我現在單身，我也不會想被這些規定限制著，更何況我現在有了芷怡。另一個拒絕入隊的原因，是因為我不想操練。我打排球是為了興趣和樂趣，我不想因為無盡的操練而令自己失去了對排球的興致。我還是較適合和Kathy輕鬆打排球，嘻嘻哈哈的。不過受到老師的賞識，始終是對自己的一種肯定。
.
回去後，一定要跟芷怡說，炫耀一下。不過，她去了哪裏呢？明明是上課時間怎麼會不見人影呢？最奇怪的是，即使我問她的同學，他們也不知芷怡的去向…究竟，她去哪？
.




直到放學，我都仍然找不到她…
我馬上趕回家，然後第一時間打給她。
.
「喂」
「終於聽到你把聲喇！你無事呀麻？」
「無」
「做咩事呀？係咪唔舒服呀？」
「少少喇」
「你係咪怪我無理你呀？」
「係」




我沒想過，她會這麼坦白…
「對唔住呀，我知我呢排忽略左你，黎緊日子我會好好補償番俾你架」
「再算喇，我有啲攰」
「咁你抖下先喇，我地聽日再見」
.
沒想到，排球把我們拉到一起，卻差點也令我們分開。難道，她也是極度需要安全感的人？
不過無論如何，現時最重要就是想辦法氹回芷怡。幸好之前我做好資料搜集，知道她喜歡史迪仔。不過史迪仔的周邊商品並不易找，而且還要找一些輕便而我又能負擔到的更難，唯幸附近有一間精品店正正就有不少史迪仔的產品。
.
翌日，我又一早回到學校，等待她的回來。
當看到她後，我馬上上前，可是她好像還在生氣，對我視而不見。




.
「唔好嬲我喇，我知錯架喇，登登，你睇！」我拿出準備好的禮物揮動
.
這個時候，她終於停下來，然後一手搶走禮物，再背向著我
「哼！咪以為送完份禮物我就會唔嬲！」
「咁你要點先肯原諒我呀大人？」
「唔～除非你扮傻鴨咁叫喇」
「下…鴨」
我看到她偷笑了一下
.
「哦，你笑即係無事喇！」
「邊個話架？！！頭先太細聲我聽唔到喎」
「傻鴨～鴨鴨～」我特意放大聲叫
「喂呀，使唔使咁大聲呀！全校都聽到喇！」
「又係你話太細聲聽唔到麻，咁我咪大聲啲囉，咁你宜家仲嬲唔嬲呀？」




「唔嬲喇傻鴨！」
「鴨！」
「你仲黎，係咪傻架？」
「對住你，我係架！」
.
「嘩，果然係大佬，一早就大放閃光彈」杜杜說
「係呀，仲唔走，曬死你呀！」
「超，我夠有Kathy bb囉，使驚你！」
「咁你係咪想被人燒春袋？！！」
「唔係唔係，我錯我錯我錯，我走，我即刻走，對唔住呀嫂，打擾哂」
.
不過也因為杜杜的亂入，令到芷怡笑得更開懷，總算解決了一大難題…
.
Facebook：微言
Instagram：smallpotatosay