你愛我還是他: 第二十三章

回到學校，四處找尋卻仍然未見她係蹤影，究竟她去了哪裏？
.
「隊長，熱身喇！」
「哦，好」
唯有打完今日的比賽再去找芷怡吧…
.
今日剩低兩場係比賽，只要全勝就可以晉身決賽。而頭場B班先下一城，幾可肯定必入決賽。
受到昨天第二場的影響，今天我們整隊都士氣高漲，眼神銳利，仿要擊潰對手。
.
而事實，今日剩下的兩場比賽，我們皆以局數二比零輕取對手。兩場比賽一班隊友都展現極強的鬥心和拼勁，甚至令我可以稍為休息一下。




.
「大家，我地成功左喇！！決賽，我地黎喇！！」
「好耶！！」大家都十分興奮
.
「計我話，今次最大的功臣一定係呀駿！」杜杜說
「大家都有努力架，無分邊個係功臣」我說
「咁又唔係咁講，如果唔係隊長你不斷鼓勵我地，我地都未必可以咁快企番起身，仲打得咁好」
「好喇，唔使賣口乖喇，我識做既，小食部我既！」
「萬歲！」
這個時候，我拿出電話一看，還是看不到她的回覆… 究竟發生了甚麼事？




.
「喂，呀駿，做咩呀？」杜杜見我呆住後問我
「無，我仲未搵到芷怡啫」
「你又激親佢呀？」
「應該無，呢幾日我地都好少傾偈」
「咁係咪嬲你無搵佢呀？」
「無理由架，上次煮左份早餐氹佢時，佢話叫我專心練波既」
「大佬呀，女人不嬲都係口不對心架喇」
「唉…」
「無事既，今晚打俾人氹番佢囉」




「但我怕佢呀媽管佢喎」
「咁咪聽日番學再氹囉」
.
回到家後，思前想後，我還是忍不住傳了個短訊給她。
「你點呀？我好擔心你呀，今日又見你唔到，短訊又無覆，無論發生咩事你都同我講一聲呀」
等了幾分鐘，手機震了一震，我馬上拿起來看
「我無事。」女人說無事即是有事
「你今日打成點呀？」幸好她轉移了話題
「我地今日兩場全勝，入到決賽呀！」
「咁咪好囉，你辛苦咁耐終於有回報」
「但你係咪嬲我掛住練波無陪你？」
「無呀。」我應該信她嗎？
「咁但係你又唔覆我，我以為你…」
「唔係呀，我地聽日再傾好無？」
「好…」




.
究竟，她是不是真的沒有嬲我？還是又出現那些港女的「口不對心？」短訊就是有這個問題，不但看不到對方的反應，連對方的語氣也難以猜出。
.
還是想定辦法，明天扮低威氹一下芷怡吧…
.
Facebook：微言
Instagram：smallpotatosay