你愛我還是他: 第十六章

頭兩堂我完全集中不到，只是不斷看手錶，一直期盼時間快點過去。但另一方面，我又十分緊張，擔心她的答案不是我想要的。在內心大打出手下，終於捱過了這八十分鐘。
.
當一下課後，我就馬上衝到操場，當然是空無一人。我一直看著樓梯，希望會看到她的身影。
.
「喂！」她又突然走出來嚇我一跳
「嗨…」除了這句，我就想不到其他說話
然後，我們冷場了幾秒。
.
「係呢，份禮物鐘意嗎？」我主動打破沉默
「鐘意呀，好鐘意呀，多謝你！」




「咁你的答案係？」
她甚麼都沒有說，只是輕輕的點了頭。
.
就這樣，我們就在一起了。
你們可能會覺得對比上一次，今次來得太快太兒戲。沒錯，我們真的憑感覺就衝在一起，在沒有任何感情基礎下開始，亦確實是十分冒險。
.
不過，有時候愛情就是會令人盲目，作出平時不可能的選擇。
.
和芷怡一起後，我們很快就形影不離。我們一起上學、一起放學、一起食午餐、一起打排球。我們雖然沒有跟大家宣佈，但大家也很容易地因為我們的行為而猜想到，我們的張揚程度甚至連老師也感覺到。
.




「呀駿，聽講最近你同隔離班的方芷怡同學行得好埋」朱老師在教員室外問我
「嘩，連朱sir你都知呀」
「唔止我，好多老師都有同我講」
「但朱sir你放心，我唔會掛住拍拖唔讀書！」
「我知呀，我對你有信心，知你有分寸」
「咁朱sir你搵我係為左？」
「純粹想同你傾偈，關心下你，咁你最近心情點呀？」
「都唔錯呀，宜家個人正面左又開心左」
「咁你身體呢？尤其係個心」
「最近都正常呀，唔知關唔關我日日打排球事呢？不過最近真係少左心痛」




「咁就好喇，見到你走番出黎我就放心」
.
這一輪，除了和芷怡一起外，就是練班際排球。要將一班籃球健將練成排球員也不是件易事，幸好他們的運動力強勁，加上毅力十足，多加操練下應該也勉強可以追得上。
.
「大家，其實點解你地會肯陪我打班際，你地大可以放棄唔參賽」我問
「因為你囉！」杜杜答
「下？！！我？」
「因為你係我地大佬，你去邊你做咩我地都會跟住」杜杜續說
「仲有呀，呢個係班際活動，又點可以唔參加！更何況，我地真係好想再同大佬你再一次係球場上並肩作戰！」輪到波仔說
「好，咁我地就一齊再努力，唔理籃球定排球，我地都要贏！一定要衛冕！」
大家都鬥心十足，為冠軍拼盡全力！
.
Facebook：微言
Instagram：smallpotatosay