你愛我還是他: 第十三章

努力了一整個聖誕假，終於追回了落後的進度。雖然不是太有信心，但至少不擔心會不合格。
雖然已經決定不再等待方晴，但是始終她對我的影響太大，一時三刻要完全適應一個人的生活也不是易事。尤其是學習上，雖則我也勉強算是個勤力的學生，但缺少了方晴的鞭策和鼓勵，總覺得沒有明確的目標，因而動力也減少了。
.
「點呀呀駿，成個假期唔蒲頭」
「溫書呀麻，你又點呀杜杜，春風滿面咁喎」
「都無乜野呀，同Kathy過齊平安夜、聖誕節同埋年尾仲有倒數」
「嘩，做左咁多野，你有無時間溫書架？」
「梗係有喇，咪就係除左呢幾日，差唔多日日都同Kathy一齊溫書」
「咁咪好囉，日日都有得見，好好珍惜呀，Kathy呢啲咁好既女仔已經好難搵，仲要睇得上你，難上加難」
「我知架喇，點都唔會俾佢走！咁你又點呀？」




「我？無呀，咪溫書囉」
「你知我問咩架」
「無喇，決定左係時候要放低喇」
「咁咪啱囉，記住無論發生咩事，兄弟在此！」
「但我唔係好想做電燈膽囉…」
「就知道你係咁！有時候呢，我都會有自己私人空間既，我又唔係咁重色輕友」
「你問過Kathy未？」
「我唔覺得佢有咩理由反對」杜杜突然認真的說
「咁不如宜家問下佢？」
.




其實，我是看到Kathy才說的，而杜杜則剛巧背對著學校大門，所以看不到她。
.
「早晨bb！」救命…又在我面前放閃
「早晨呀杜杜豬，早晨呀駿，你地傾緊咩？」
「無呀，杜杜頭先話有時候會撇低你，出黎陪我喎，佢仲話你一定唔會反對」就等我再看杜杜被Kathy扭耳仔的畫面吧，哈哈哈
「無問題呀」Kathy爽快的回答完全嚇倒我
「你唔介意咩？」我問Kathy
「咁佢都要有佢自己的私人空間架麻，同埋我地都係咁關心你，加上…」
「？？？」
「其實有時我覺得我先係電燈膽，第三者，阻住你兩個」




「噓！Kathy bb你終於發現左喇，其實我係好鍾意呀駿架！黎駿駿，我地兩個打番個車輪先」杜杜又重回他那不正經的樣子
「打你兩巴就有份！」
.
我一方面替杜杜開心，他真的找到了一個他愛而又愛他的人，而且這個人又有學識又有美貌。最重要，她是盲的，會選擇了杜杜。不過，愛情確實會令人盲目。
.
另一方面，我慶幸我自己中學生涯認識了杜杜這個好兄弟。他本來可以繼續升班，但卻選擇自願留班陪我。他本可重色輕友，但卻仍然關心我。朋友不多的我，更明白甚麼叫「朋友不需多，一個知心的就足夠」，還有就是「只陪你吃喝玩樂的是豬朋狗友，能陪你捱過低潮的才是真正的朋友」。
.
今年的期考比往年遲開始，先要我們上多一天課，然後才開始考試。目的就是要我們交聖誕假期的功課… 沒錯，考試前的假期還要做功課。聽聞有老師以功課可以有助溫書，所以給了學生不少功課。幸好，我們班的老師都很仁慈，對我們手下留情。
.
不過，考試蓄勢待發，再一次去考驗一下自己的努力會換來甚麼成果。
.
Facebook：微言
Instagram：smallpotatosay