你愛我還是他: 第十一章
不管如何，十二月的來臨，也是提醒自己很快就要面對大考。不過在戰爭開始前，就要先好好享受一下，首要就是和大家過一個開心的聖誕聯歡。
.
今年繼續由Kathy和杜杜負責整個流程，對比上年，今年除了沒有五星級酒店的到會外，一切也大同小異。
不過相比上次放行的自行離隊，今次我更多的參與其中，不少遊戲更是由我帶頭。
.
完成了固定的流程後，大家就開始自由活動，四處找朋友提前慶祝聖誕，交換聖誕卡和禮物。
.
「呀駿，有無興趣一齊打排球？」Kathy問我
「好喎，反正我都好耐無打波」
「咁行喇！」
.
去到球場，正在打籃球的一班伙伴看到我後，也紛紛停下動作，走向我。
「隊長你番黎喇？」波仔問我
「你番黎就好喇！」「我地等左你好耐喇！」「隊長我俾你打呀！」
大家你一句我一句，興高采烈的說
「對唔住呀各位，我落黎係同Kathy打排球，我已經決定左，以後都唔會再打籃球」
「下…」大家聽到我的說話後，都馬上沒精打采。
「大家唔好咁喇，唔一齊打波啫，唔代表我地唔係兄弟架麻！我地仍然可以一齊出黎吃喝玩樂！」
「嗯！隊長講得啱，一日隊長，一世隊長！」波仔說
「嘩，又唔使咁既，快啲去打波喇！」
.
「果然係我地的隊長，球場魅力與眾不同」Kathy說
「點夠Kathy姐你勁呀，全班連埋朱sir都聽你支笛」
「得，我輸，開波喇」
.
我們兩個人打了一會後，我看到場邊有個女生看著我們打波，又好像想加入的感覺。
.
「嗨，你想唔想入黎一齊打呀？」我問她
「下，可以呀？」她好像被我突然一問嚇到
「可以呀，梗係得喇，Kathy係咪呀？」
「係囉一齊打開心啲」
「好呀！多謝你地！」
「係喎，我叫Kathy，你叫咩名呀？」
「我叫方芷怡，你地可以叫我芷怡架」
Kathy聽到後，馬上把視線移向我
「我叫司徒駿，你可以叫我呀駿架」
.
沒錯，又是姓方，又是打排球的… 不過幸好，我眼前的這個女生，是短頭髮，面圓圓的，不然的話…
.
她就站在我對面，令到我一直打波時，也不斷分神在看她… 其實她… 真的一點也不像方晴，不過不知為何，她總是吸引著我的眼球。
.
打多一段時間後，Kathy突然說要去找朱老師商量班會的事，要先走。
「咁你地打完後就將個波擺番上課室喇」
.
「咁你仲想唔想打？」我問她
「打多一陣都可以既」不知為何，她的臉頰好像特別紅，是太熱嗎？但今天明明是冬天…
.
結果我們再打了大概半個小時後也停下來。
「我要走先喇，多謝你今日俾我一齊打」
「傻喇，我地下次再打過呀！」
「好呀，我要走喇，下次見」
「拜拜！」
就這樣，我看著她的背影而去。然後我忽然發覺，我好像開始愛上打排球。
.
Facebook：微言
Instagram：smallpotatosay