你愛我還是他: 第五章
「好，各位同學，又係新一年，今年我地又要再選男女班長同班會成員」朱老師對大家說
「咁不如先揀左男班長先喇，今年不如…」
「朱sir，我今年唔想做班長」我突然站起來說
「司徒同學，有無咩原因？」
「今年我想專心讀書」
「好，咁朱sir都唔勉強你，有無其他同學自薦？」
.
等了很久，還是沒有人舉手。
.
「好，唔緊要，我地俾多少少時間班男同學，宜家選女班長先」
可是，同樣情況，無人主動舉手。
.
「朱sir，不如我同杜杜今年改做男女班長呀？」Kathy打破沉默
「但係我比較想你繼續做主席幫我手…」
朱老師面有難色，始終班會主席比班長更重要，就是因為有了Kathy，過去兩年朱老師才不用為班務大傷腦筋。
.
「咁不如我同Kathy兼任男女班長同正副主席？」杜杜說
「但係…咁樣會唔會對你地太大負擔？」
「無事既，都係為大家啫」Kathy答
「咁麻煩你地喇」朱老師頓時鬆了一口氣
.
接下來，選好剩餘的班會成員和完成開學日的班務後，第一日的上學也總算完成。
.
中五的第一個星期，主要都是收暑期功課和為全年的課程作簡介。可是，已經令我苦惱不已。今年的我，不但沒有預早備課，連暑期功課也未全部完成。結果，我也自招惡果。
.
「好，今日就到此為止」
「朱老師再見」
「司徒同學，麻煩你跟我落教員室」
「哦，好」
.
落到教員室後，朱老師一臉凝重地看著我
「呀駿，你搞咩呀？已經唔單止一個老師向我講你的情況，大家都好擔心你！」
我真的不知道該如何回答，只能低下頭沉默著。
「我希望你明白，各位老師都好擔心你，呢個時候，如果你選擇放棄，無人會幫到你，你自己好好唸下喇」
.
現在的我，就像一隻在大草原迷失方向的羊，完全不知道該如何做，連四處找路的動力也沒有。
.
接下來的一個月，我既不打波，又沒有動力去溫習，甚至連功課也沒有做完。
身邊的人看到現在的我都忍不住出言相勸。
「喂兄弟，你咁唔掂架喎，你俾我爬頭架喇喎」杜杜說
「不如今次我幫你追番啲進度呀？」Kathy問我
「唔使喇，你地去拍拖喇，無謂要我做電燈膽眼冤」
.
「呀駿，就黎考試喇，俾啲心機呀」朱老師開心的說
「呀仔，呀媽唔係想管你，但你咁樣真係唔得架喎。自從呀晴走左後，你就一直咁樣自暴自棄…係時候捱作喇，呀晴都唔會想見到你咁架，唔好要呀媽擔心好無？」
.
其實，我又何嘗不知道身邊人的想法，只是已經失去動力的我，就像一輛沒有馬達的跑車般。
或許，狠狠一摔會令我醒覺，就像當年中三…
.
Facebook：微言
Instagram：smallpotatosay