＜＜紋身師──逃離沉寂冷靜的狂熱＞＞: 第二十七章：迴繞

　　「呀寧，你不如放個大假啦，近排好唔妥喎。」林仔吃著剛焗好的杯麵。

　　「我自己知自己事。」雙眼沒離開過電腦屏幕。

　　「問極你都唔講，係咪等錢洗呀？」

　　「如果你發覺自己有幻覺，你會點樣分辨出咩先係真實。」凌寧一字一字讀出討論區的標題。

　　「我唔係你既幻覺呀，只係次元唔同，先令其他人感受唔到我咋。」





　　按著滑鼠的右手忽然疆硬了。

　　「你係咪太得閒呀？睇埋曬啲咩呀？」林仔雙腳一伸，辦公室椅子滑動到凌寧身邊。

　　「屌，關唔關你事呀？」一推開林仔，電腦屏幕同時離奇地熄掉了。

　　「唔洗熄得咁快嘛？」

　　「唔係我做架喎。」凌寧驚訝。





　　「我淨係做到咁多咋。我淨係做到咁多咋。我淨係做到咁多咋。」

　　腦內不斷回響同一句話語。

　　「你承認啦，我係真架。」

　　凌寧僵硬的手背漸漸變黑，現出「Ｏ」的圖案。

　　「喂，你隻手呀！」





　　林仔看到異狀怪叫著，然而凌寧若無其事的看向他。

　　「唔洗大驚小怪，你識既呀寧已經唔存在喇。」

　　與凌寧有著同樣軀殼，卻又有點說不出口的截然不同的人拉開他的抽屜。

　　一把漆黑的「指虎刃」在他眼內閃亮著。

待續......