海外研究生的日常生活: Sept 1, 2016
九月一號，係我Grad School生涯正式開始嘅第一日。我間Grad School 同 Undergrad唔係同一間學校，所以一切都好陌生。好聽d就係新鮮，展開人生新一頁。其實講穿了，只不過係又要由頭適應一個比之前更凍嘅城市，重新認識朋友。至於點解要去唔同學校讀Grad School，又係另一個故事，有機會再講。咁我都算樂觀嘅，而且我嘅夢想就係做心理學博士，研究人際關係同愛情，依家終於可以向li 個目標行第一步，由Master開始讀起，跟著連埋落去PhD，所以都幾興奮。
話說li 間學校嘅社會心理學系研究所都幾難入，每屆都大概係從200個Applicant中收5個左右，我li屆都唔例外。返學第一日，就係Orientation，見見自己Professor，聽admin講d關於Funding／出糧嘅野，同見同我同屆嘅新生同其他Senior Students。
第一日第一件事，就係同另外個4個新生，聽admin講野。話曬都第一日，扮野又好點都好，早小小到係應該嘅。點知我翻到去嘅時候已經有兩個人到左個Conference Room，坐左係度傾計。其中一個係白人男仔，另外一個係中東男仔。兩個人坐係度都覺得佢地at least 180，天生個輪廓深加上定時定候做GYM，根本就係男神級。對於我一個運動差同只係鍾意讀書ge香港人黎講，立刻覺得自己好似小朋友。不過，我都唔係第一日出黎見人，冇咁容易被人嚇親。
「Hi, my name is Jeremy. I am a first-year student in Social Psych. Nice to meet you.」我主動同佢地打招呼。
「Hi my name is George. I am a first-year too.」白人男仔好親切咁話。當然佢講嘅係英文。
「I am Michael! You have arrived so early just like us! It's very nice to meet you too!」中東人話。
「Yea, I am not very familiar with this university. That's why I wanted to arrive early just in case I got lost.」
「You didn't do your undergrad here?」George問。
「No, I used to go to XX University and I used to live there as well. I have never been to this city.」
「Oh me too! I was even farther away from here. I went to YY University. But I arrived a month ago so I am a slightly bit more familiar with this place.」Michael好興奮咁笑著話，好似發現新大陸咁。嘩，早一個月就黎左？我上個月仲翻左香港放暑假去Grad Trip，雖然都有D準備，睇過下我professor D publications，但係都係半hea。佢未正式開學就自行開學，會唔會chur左d啊？
「I did my undergrad here. If you need help with anything, let me know. 」George話。我睇佢地兩個個樣同講野都幾nice，應該都係好人黎嘅。li個就係我覺得係加拿大生活，其中一個極大嘅好處，唔洗下下怕d人係咪其實好假。以前聽香港d朋友講開，佢地係大學見到嘅人有幾假，我就覺得真係好彩加拿大冇咁多。我個家族已經夠煩，如果自己嘅朋友圈子都係咁我真係頂唔順。
再傾多陣，另外就有兩個白人女仔入黎。應該就係另外個兩個同學。
「Hello everyone！My name is Rachel! I'm a first year student working with Mary! Nice to meet you all!」其中一個雖然聲音唔大，不過就以一把好嗲嘅聲同我地打招呼。我其實好怕人嗲，心諗如果佢係香港應該會比人認為佢好做作。但係加拿大大部分女仔其實都係咁樣。Hilary就係佢Professor。我地讀reseach-based program 嘅，每個人都因應自己嘅研究興趣，會有一個professor supervise自己。我嘅興趣係研究愛情同人際關係，所以apply Grad School時就申請要出名研究愛情同人際關係嘅Joanne做我supervisor。同埋，當去到Grad School， 雖然佢地係Professor，但係大家都會直接叫大家個名。話曬都要一齊做野，所以都想個氣氛friendly D。
「I'm Anna, nice to meet you too. I work with Tom.」另外一個跟著自我介紹。相比下佢安靜好多。兩個都係白人，自然就係輪廓深，眼大大。加上暑假成日都係outdoor，一身小麥色肌膚，同埋著住乾淨俐落嘅一條裙，妝都冇化就已經好有氣質。
「My name is Michael, I work with Tom too! We are gonna be lab-mates＊ ! I am so excited」Michael一樣係咁high同人打招呼。睇黎佢真係好熱情。
「I'm George. I work with Dianne.」以後認識耐左，發覺其實George好cool好靜，只不過個人好nice有禮貌，先會同人打交道。
「Oh I work with Dianne too! My name is Jeremy by the way. Nice to meet you all!」我加把口。
就係咁，我地五個人就開始熟落左。以後嘅五年（係，Master加上PhD係五年）都會同佢地一齊讀書一齊做野。唔知以後係點呢？
＊每一個professor都有自己個研究室／lab，同一個lab做野嘅人就叫做lab－mate。