《殺手，懸疑》染紅的夜中遺言: 誓後，我親眼見證了遊戲的開始
當我們打開眼睛，準備接受眼前的慘狀時，
真實情況和我們預計的結局竟然毫不一樣。
眼前那一個綠色怪「人」，竟然在撕咬範圍止住了動作。整個人都僵硬得像雕像般，生硬地站在原地。
而他腳下踩著的老村長區誠，以萬分驚惶的眼睛凝視著距離自己只有幾釐米的綠色雙目，然後就暈倒了。
村民們看到後都呆了一呆，接著就鬆了一口氣。
「你哋仲係度發夢！快啲嚟幫手啦！」Jerry率先跑出去，猛力撞開那個「人」。
那個「人」也沒有對Jerry的撞擊作出任何反應，頭就「啪」一下狠撞在地上。
其他村民也開始行動，一部分人就將村長抬到安全的地方，我和一部分人就和Jerry商討如何處理眼前這個人。
「Jerry，你點睇呢件事呀？」我盯着這一個「人」問道。
「對呢件事，我就無咩頭緒，不過一樣嘢我好肯定係，佢一定係村裏面嘅人。」Jerry肯定地下了定論，「相信你都知道，嗰層白霧嘅事，當人入咗去無可能出番嚟嘅事你應該都知。不過話時話，你係我哋村唯一一個走咗入去，出得番嚟嘅人。」
「算啦，呢啲都唔係咩值得榮耀嘅嘢。」我道，不過知道自己竟然是唯一個在白霧中生存得到的人，心中不禁暗暗一爽。
「喂！你有無事呀？」突然有一把女聲打斷了我們的對話。
當我轉頭一看，發現那把聲音的主人是嘉欣。
「頭先你有受傷呀？有無俾條癫佬打親...」我一見到是自己喜歡的嘉欣，不知為何，突然變得非常貼心地問來問去，連我自己也覺得奇怪。
「做咩一見就咁突然.. 喂！羅敖世，冷靜！我無嘢呀！」嘉欣對我突然的貼心問候反應不切，使她自己也開始慌張起來。
「喂！你哋兩個咪再玩啦，返嚟睇下條友點處理先啦！」Jerry的話急忙將我們從害羞狀態拉回現實，提醒我們現在不是玩曖昧的時候。
「嘉欣，我哋覺得呢個「人」係村裏面嘅人...」Jerry對嘉欣解說我和他剛剛的對話。
「唔使覺得，呢個根本就係村裏面嘅人。所有村民都知道進出薜守村係無可能嘅事，咁又點可能會有人入到嚟。」嘉欣肯定地回答，「加埋，」嘉欣用力將這個「人」的左手拿起，其左手露出一道紋身。
「呢條村得一個人先會紋身，佢就係...」
「大家！！你哋有無見過我個孫呀！」當嘉欣正要說出答案時，又有一把聲音打斷了她。
當時我們聽到這句已經知道，這個面容扭曲，口流綠水的人是林龍聰。
自己想到這裏，又突然醒起嘉欣以前跟我說的話。
（等陣！我記得我走嘅時候見過龍聰！佢好似坐咗喺屋後面唔知做緊啲乜，我就睇下佢做咩啦，見到佢喺度低聲叫不停用一枝嘢挖佢隻手，然後有啲黏液飛晒出嚟咁....總之好鬼恐佈...）
（出自 誓後，我們啟動了遊戲（2））
兩者放在一起，又好像有關係。
「龍聰，平常已經傻下傻下㗎啦，而家仲癫埋，佢阿媽真係好慘。」我嘆息道。
「算係啦，龍聰係喺一個好複雜嘅家庭生活，佢阿爸係一個黑社會大佬，因為有次殺完人被警察當場槍殺。佢阿媽知道咗又一氣之下跳樓死咗。嗰時得五歲嘅佢就俾佢嗰個住喺度嘅呀嫲照顧。當時龍聰咩都唔知，為咗唔好傷佢心，我哋大家都要叫佢呀嫲做呀媽。咁就呃咗十六年啦。」Jerry開始解釋來龍去脈，說到一半時，他不禁流下一滴男兒淚。
估不到擁有強健身體的Jerry，竟然內心是那麼脆弱的。
「算啦，我哋快將呢個「龍聰」綁好先啦，萬一條友醒返亂嚟，啲老幼好危險㗎。」我轉移話題，將大家的初衷帶回來。
上午九時
一小時後，我們全村人都集合在區誠的家，一起討論如何處理這件額外案件。
「阿陳嘅死都未查清楚，又嚟個龍聰。」「條友真係好煩，無啦啦扮咩怪物。」
不過這些話都是指責這次的犯人，林文聰。
「屌！你班仆街快啲放我走呀！」被迫坐在中間的龍聰大聲地咆哮著，努力地掙開繩索。
同時受害者村長區誠也經兩位村民下陪同下，從上層安全到達地層。
「受害者都到咗啦，咁而家開始公審啦。」我看到區誠到達了後，便宣下了審判的開始。
「今日八點，發生咗一件襲人事情。係一隻口流綠口水嘅人形怪物攻擊村長，差啲就咬死咗村長區誠。根據身體特徵，隻怪物身穿黑色背心，左手紋咗龍紋身，同我哋疑犯林文聰非常相似...」
「你條粉腸收山啦！我無襲擊過人！你咪再亂屈人！」龍聰突然大叫道，露出憤怒的表情。
「你同我收聲！呢個場合你根本無資格喺度嘈！」區誠此時立刻站了起來，大罵起來。「你條茂利差啲殺咗我呀！你同我收聲，你同我收聲！」
「受害者區村長，疑犯林文聰，兩位請冷靜，而家仲公審緊！」我大聲對兩位人士喝罵道。
「好，我哋繼續。講完三個證據之後，我哋要投票，到底投唔投走林文聰出村。
我，村長同林文聰無權投票。」以下係告佢嘅證據：
-在村民面前攻撃村長
-身形完全吻合怪物的身形
-牙齒比以前綠，非常可疑
「咁大家投票啦，二百零一個村民，林文聰嘅命運就係你哋手上。」
話完，村民的聲音又開始響起了。
「唔緊要啦，反正一定有幫佢㗎啦...」「希望聰仔無嘢啦...」
我目無表情望著投票開始，之後望望左邊的區誠，他雖然面無表情，不過眼帶着恐怖仇恨，而區誠旁邊的林文聰，已經把下唇咬成血泉。
一秒一秒過去了，終於到了結算時候。
「棄權票有77票，反對票有63票，支持票有61票。」我宣佈結果，當龍聰聽後，都鬆了一口氣。
而區誠得不到他的預算結局，當然不滿地板著臉。
林嫲嫲一知道孫子無事，就不顧自己行動不方便，上台跟村民致敬。
「就算佢無事，都問下佢做乜無啦啦咬我呀，對成件事都有幫助。」區誠道。
出乎意料地，區誠這個方案竟然有點說服力。
「好，你都啱。嘉欣，可唔可以同我一齊帶埋龍聰去後山？」我轉頭嘉欣道。
「好。」
「麻煩你啦。」
「最後一樣嘢，」區誠拍了我肩膀一下，「你帶埋呢枝鐵通去自保。」然後遞一枝尖鐵通給我。
「啊...唔該...」我對他的行動感到驚訝，一個恨我的老人竟然會遞給我一枝鐵通自保，真是莫名其妙。
之後，我就和嘉欣帶著龍聰上後山查問。
後山
到了後山後，我們找了一個地方坐下，然後開始查問。
「龍聰，我哋而家開始問你啲問題，答完就走得㗎啦。」我道。
「我會答你，不過幫我鬆綁先。」龍聰道。
「呢個條件得。」話畢，我就幫他鬆綁。
「好，第一條問題，你點解要攻擊村長？」我問。
「我都已經講咗啦，我無攻擊過佢—」龍聰回應道。
「而家啲人真係好鐘意講大話，」嘉欣突然講出了這句她正常不可能說的話，令我嚇了一跳。
而龍聰的臉突然變得通紅，相信已經被激怒了。
「八婆！你講咩呀！你試下再講多次！」被激怒的龍聰瞪大了眼，大聲喝罵嘉欣。
「無，話啲人做錯嘢唔認姐。」嘉欣以一種挑釁態度輕罵龍聰。
突然發生的這件事，令我束手無策。
「屌你呀八婆，收皮呀！」龍聰當時握著拳頭，已經準備想狠打嘉欣一拳。
「冷靜啲，冷靜啲！」我嘗試阻止他，不過當我看到龍聰眼中旳青光，已經知道無法改變要戰鬥的事實，同時也證明了龍聰的確是那個人。
「你個八婆！我要打鳩你！」發了狂的龍聰像一隻喪犬般撞開我，向嘉欣撲著。
我還未反應得來，龍聰已經將嘉欣撲倒。
「喂！放手呀變態佬！」嘉欣明顯比狂化龍聰弱小，所以無法掙開他的壓制。
而龍聰已經喪失理智，不停向他眼前的嘉欣嘗試撕咬
「龍聰！你同我收手！」我大喊道，然後拿起鐵通，向龍聰大力插去！
龍聰受到背刺後，就狠打了我一拳，然後再向我發出撕咬。
我用鐵通擋下了他的撕咬，然後左腳一踢，在他肚中留下一股腹痛。
「吼！」龍聰被我踢了一下後，突然猛力將我撞向一棵樹，發出了「呯」一聲，令我的手臂被尖樹枝抓出血痕，同時背部也受到衝擊。
「好撚痛呀...！」我無視當時痛楚，拿起鐵通猛力一起，然後將它狠插在龍聰的左手臂中。龍聰也不禁示弱，口噴出更多綠色口水，然後用無事旳右手大力捏我的頭，然後大力搖動了我的頭數下。
雖然我能忍痛，卻不能忍暈，所以面對數下狠搖，也無法防止自己倒地。
在我倒下一刻，我聽到龍聰數下瘋狂獸笑，又聽到嘉欣需要幫助的聲音，不過自己卻是無能，不能改變實況。
然後我就暈倒了....
在漆黑的夢境，真是孤獨，
我曾逃離過幾次生死關頭，可是這都是幸運女神的保護。
可是我都只在耍笨，沒有珍惜改變實況旳機會，沒有珍惜解決問題的良機。
幸運女神，求你給我多一次機會吧...
--------
「喂！起身呀！」
「咪嚇我呀，起身呀！你話我哋會一齊查出兇手㗎！」
「起身呀呀！！羅敖世！！」
我猛然打開了雙眼，看到一個正在哭的嘉欣，接着臉頰就感覺到一滴滴清涼。
我起了來，抱緊了她。
「傻女，眼淚等查到先喊出嚟啦。」
「如果唔係我喊，你都醒唔返啦！」
然後我們就對笑了一下。
「喂等陣！」我突然醒起龍聰，「龍聰去咗邊？」
「龍聰俾我用你枝鐵通殺咗啦！唔使擔心！」嘉欣道，話語同時帶着幼氣。
「不過，我哋總唔可以就咁唔理條屍㗎，我哋祝福龍聰在天之靈幸福啦。」我道。
「嗯...」
我們走到龍聰嘅那道滿流血液的屍體旁，牽着手，祝福他。
不過我除了看到他那具死屍，還在屍體上看一句立體字。
「第三個死者-林文聰，身份：平民？」
原來不知不覺中，遊戲已經默默開始了......
寫到凌晨三點好攰呀...
多謝你肯睇到最後，小弟表示感謝！
如果鐘意本作可以追稿留言，對我嚟講係一個大鼓勵！