一份契約令我得到一個女仔同一個單位: 第二十一章

「因為你今日救左我，我想請你食餐飯報答番你。」我望到呢一句我真係覺得我好好彩，但係我個心依然係喺晰晰度，所以我都係拒絕左佢。
 
「我唔得閒啊，唔洗請啦。」
 
佢即刻講：「咁點得㗎？話哂你係我救命恩人，如果今日你唔喺度，我都唔知我會變成點啊。」
 
「咁我賞面食餐飯啦。」而佢就約左我星期六晏就食飯。
 
星期六朝早，我晨甘早起身去搞掂自己個look。





首先梗係沖涼洗頭，再整番個韓仔頭，跟住就襯衫，話哂係同人食飯，點都要執靚個樣㗎嘛。

男仔同女仔有約會早半個鐘到係定律嚟，我就早左半個鐘喺餐廳門口等佢，而佢就準時到。
 
佢着住一條白色嘅連身裙，好pure好true。
 
佢見到我已經企左喺門口，就問我：「係咪等左好耐啊？唔好意思啊。」
 
 「我都係啱啱到姐。」而我地去左一間日本料理餐廳去食。





「你成日嚟食㗎？」我地坐底之後問佢。
 
「係啊。」佢講。我地傾嘅話題都係離不開閒話家常。
 
「你平時中意做啲咩㗎？」佢問我。
 
「我平時中意聽歌打機瞓教囉。」
 
「咁宅㗎你」佢串我。
 




跟住，個侍應拎左一碟碟壽司上嚟。「話哂你都幫左你，今餐我請你啦。」
 
正當我準備拎一碟壽司畀佢，佢準備接住嘅時候，我無意中掂到佢隻手，佢即刻縮開而且紅都面哂。
 
開心嘅時光過得特別快，餐飯都食得特別快。
 
明明頭先都好好太陽，依家竟然落大雨，而且佢仲要冇帶遮，咁作為一個男仔梗係要遮佢去地鐵站。
 
因為我把遮其實好細，所以我同佢靠得好埋，而且我把遮儘量向住佢嗰邊廢事佢整濕，但係我但膊頭已經濕哂。
 
行喺馬路隔離嗰陣，佢企左喺最側邊。「我同你換位行，咁啲車行過啲水都唔會濺落你度。」我同佢講。
 
佢聽到我講完之後耳仔都紅埋，見到我但膊頭濕左之後就拎左包紙巾畀我，講左句「唔該你。」
 
番到屋企之後，晰晰坐左喺梳化。「你去左邊啊？」佢問我。





「你都有男朋友啦，你又唔同佢去街？」我講。
 
「即係你識到女朋友啦？」「冇啊」我答佢。「咁你唔洗約阿俊咩？」我問番佢。「佢呢排唔得閒啊。」我冇理到佢，行番入房。

仲有記得FOLLOW我IG：heart_with_eagle