一份契約令我得到一個女仔同一個單位: 第十二章

陸運會過後，李晰晰同阿俊熟左好多。

阿俊都成曰同佢wtsapp 佢地既關係發展得好快，仲快過我既預期。

果然，阿俊真係約咗晰晰。


佢返到屋企，一路同我打機一路講佢同阿俊約會嘅大小事。






「你知唔知呢，佢同我傾左好多野啊，又......」


呢次係我第一次聽人講嘢聽到想瞓覺。我唯一聽得出嘅係佢好興奮。


我就梗係唔開心啦，我係一個會將所有心情都擺喺塊面上面嘅人，好快晰晰見到我個樣唔對路。


「做咩啊？你唔開心咩？有咩唔怕講喎！」






「冇吖，冇唔開心喎，有咩？哈哈」嗰下我擺到明係強顏歡笑。


「冇就得啦。來啦快啲繼續教我......」


雖然係話佢叫我教佢，但係我真係冇心情。見到佢咁興奮，唯有就下佢啦。






我一路諗，其實我係唔係又俾人friend zoned ？


佢又靚仔又高，讀書又好運動又叻，我冇樣嘢叻過佢。晰晰仲好似幾鍾意佢咁⋯⋯


我絞盡腦汁，我終於諗到樣嘢我係比阿俊優勝⋯⋯ 就係每日見嘅時間。我計過架啦，七點起身，十二點鐘瞓覺，唔計瞓覺時間，見足十七個鐘，點都比佢多掛。


其實我係咪真係冇機會？