一份契約令我得到一個女仔同一個單位: 第一章

「起身啦。」有把溫柔嘅女仔聲講。

我即刻起身睇吓佢係邊個，原來只係我老母。

睇來我發夢發到傻咗。

我係邊個？我叫阿朗。今年16歲，但仲係中四。

點解仲係中四呢，因為我今年留班，朋友都升晒上中中五，得返我一個係中四。





我咩樣？只可以話毒男一個，內心係好想識女仔，有女朋友，但係可惜自己又唔係咩靚仔，唯有上網睇下靚女仔算。

睇睇手機，原來已經7點9，屌就快遲到

我即刻梳洗換校服之後沖出門口。

平平無奇嘅上學日真係好悶， 1日上9堂，有唔知幾多堂我都瞓咗，其實我都唔知我係咪讀書。

到咗四點，我又放學啦。





放學冇朋友約既我， 唯有返屋企打lol

到咗食飯時間，我先停去食飯

「辛苦左咁多年，我都想間屋企大啲，隔離又冇人住，我想買左佢。」老豆說。

「咁都要搵到隔離單位嘅業主先得架。」老母說。

其實都唔關我事，我心諗，唯有快快手腳食完晚飯之後返房做功課。