《港女FF妄誌》: [Day 10－全部係雞] PART 07
「你地有無D咩想食？我出去幫你地拎埋。」Brian帶住爸爸咁既慈愛笑容望住我同Doris。
『我無所謂～你拎乜返黎我都食～』我又好似個乖乖小朋友咁既口吻答～
「咁Doris呢？」Brian又問問坐喺我身邊既Doris。
「我同你一齊去啦～」Doris就起一起身，立即拉住Brian隻手！
Brian就俾Doris夾硬拉住咁行左去拎野食...
呢個Doris又黎喇！
一有機會就向Brian發功！
唉...我都愛莫能助架喇...
只好睇下Brian既定力大D...定係Doris既魅力大D啦...
坐喺道無所事事咁，好自然就拎左部電話出黎睇。
我一打開個WhatsApp，就見到Sam哥又Send左九百幾萬個Messagessssssssss俾我...
唔使睇都知一定又係問今日點丫？心情好唔好丫？有無唔知醒丫？有無食早餐先返工丫？出門有無帶返把遮丫？有無帶返件外套返工丫？多唔多人迫車丫？不如車你返工好唔好丫？都係D噓寒問暖丫...
再唔係就係講話搵到邊道有好西食～Send九百幾萬張相過黎話下次帶我去食～
其實條友煩唔煩架呢？
我都已經又雙藍剔又雙灰剔咁，點解條友仲係不停咁Send D無聊野過黎煩鳩住晒架呢？
究竟呢D煩膠幾時死呢？
可唔可以唔好死唔斷氣陰魂不散咁纏住我呢？
點解我又會惹埋呢D死唔斷氣陰魂不散既煩膠纏住自己架呢？
天呀！！！我究竟做錯D乜呀？！！！
「做乜皺晒眉咁望住部手機既？」Brian將兩大碟野食放喺我面前！
『我...我...無...俾D煩野煩住姐...』我都係收返埋部電話...
「哦？」Brian一頭問號咁望一望我，坐一坐喺我對面。
Doris亦都將兩大碟野食放喺檯上，坐一坐喺我身邊：「唔使問都知，肯定又係D狂蜂浪蝶煩住我地既詩琳姐啦～我地既詩琳姐咁靚女，幾時都係咁多人追～」
『邊係多姐？咪又係嗰個！』講到我好似有好多選擇咁...
「人地對你咁痴情，你咪比個機會人囉～」Doris成副推我去死既口吻咁...
『佢真係唔岩我囉好唔好？！』D咁既煩膠追緊你既時候都煩到死！一齊左之後真係唔敢想像！
「唔...」Brian諗左一諗，「咁你有無同佢講佢唔岩你呢？」
『佢Send野過黎我又已讀佢...搵我去食野又Hea爆佢...我已經俾晒Signal佢架喇！但佢都Get唔到咁...』真係仲衰過中移！
「哦！就係尋日嗰個中年男人！」Brian好似發現新大陸咁！
『之唔係嗰個囉...』我就拎隻芝士焗蠔黎食。
Lunch Buffet都有芝士焗蠔食，賈老闆呢次都真係幾豪～
「我睇佢...份人好似都幾老實...又幾穩重...」Brian諗下諗下，又拎隻芝士焗蠔黎食。
「係丫係丫！仲大大隻隻好有安全感咁添！」Doris又加把口，拎隻芝士焗蠔黎食。
『佢咁大隻我反而覺得安已不喎...』Sam哥咁鬼大隻...俾佢推落床真係反抗唔到架喎...
「大隻反而覺得安已不？咁點先叫有安全感？」Brian又諗下諗下，又食下和牛。
『我覺得安全感係...會喺我背後保護我囉...』我都諗下諗下，又食下和牛～
「喺背後保護住你？哈～講到好似個爸爸咁～」Brian笑一笑～
「係守護天使！係守護天使先岩丫！」Doris突然充滿童真咁～
『守護天使？』我同Brian一齊望實Doris，異口同聲咁問。
「係丫！喺背後默默守護住自己！仲唔係守護天使？」Doris仲勁童真咁既樣～
守護天使？
係唔係Doris睇得童話故事太多？
乜Doris似係會對童話故事有興趣既人咩？
《令人戰慄的格林童話》佢就會有興趣～
「係守護天使丫？」Brian又諗左一諗，「或者真係...或者每個女仔一出生就有個守護天使喺背後守護住自己...」
竟然...Brian都...
「我個囡囡早幾晚要我講個有關守護天使既故事俾佢聽喎～佢話每個女仔一出生就有個守護天使喺背後守護住自己～」Brian又成個慈父樣咁笑笑口～
『係丫？咁你有無講俾佢聽丫？』原來係仲恩～
「我初初都唔知咩故事黎～咪諗住上網搵下先再講俾佢聽囉～點知呢...」Brian都未將說話講完...
「點知係一個愛情故事黎架呢～」Doris就爭住答～
「係丫！原來係愛情故事黎！都唔知點講好...」Brian尷尷尬尬咁摸摸頭...
「你個囡囡幾大丫？」Doris又問一問～
「岩岩上小一無耐咋...」Brian又尷尷尬尬咁摸摸頭...
「岩岩上小一就對愛情充滿憧憬～你呢次真係頭痛喇～」Doris又古古惑惑咁打量住Brian～
「係丫…所以我都係諗住交俾老婆去處理好D...」Brian又尷尷尬尬咁摸摸頭...
「都係既～呢D野都係交返俾媽咪去處理好D既～」Doris又古古惑惑咁打量住Brian～
估唔到，仲恩小小年紀就開始對愛情產生憧憬～
不過都係既～女仔喺好細個既時候就開始有愛既存在～
同男仔唔同，男仔都比較遲鈍～
我諗仲言都仲係淨係會對D姐姐怕怕羞羞咁～但就仲未知乜野叫做愛～
講起佢地兩個可愛既小朋友，我又好想見下佢地喇～
「不過講返轉頭...」Brian突然又認真起黎，「如果真係唔岩自己既，就早D同人地講清楚...狠狠地講清講楚。」
同人地講清楚...狠狠地講清...講楚？
「嘩！仲唔夠清楚丫？都做到出晒面架喇喎！」Doris第一次咁中肯！
講真，識左Doris咁耐，都真係好似第一次企喺我既立場幫我講說話！
『係咯係咯...我仲有試過同佢出街...俾佢體會到我地唔夾架喇喎...』做到咁都真係出晒面！
咁都Get唔到就唔係我問題啦下話？！
「體會係無用架。係要兜口兜面講出口，男人先會知自己無機會。」Brian點下點下頭。
我覺得Brian突然變左做個愛情專家咁！
『兜口兜面...好難架喎...』不過就係一個唔了解女仔既愛情專家囉...
成日話D女仔唔嗲唔吊拖泥帶水...
收兵就收兵啦！唔拖住邊有隻兵俾你點俾你使攝下時間幫你埋單丫？
你地班毒撚淨係識講呢D！
你地又有無諗過假如我真係兜口兜面同你講我唔鍾意你你地又會點丫？
又會頹又會廢又要隊酒又要跳海又要刀仔吉大髀嗌生嗌死咁！
你知唔知好撚煩架？！
唔係話唔理就可以唔理！
係佢頹又要扮晒唔想俾你睇但又要遮遮掩掩咁走到你面前頹俾你睇！
隊到貓晒又要Send Message俾你話好愛你唔可以無左你無左你就只好隊冧自己唔俾自己記起你但又識得Send Message俾你架喎！
跳海又要喺你屋企樓下個泳池跳！又要拎住把膠刀隊住自己大髀影張相Post上Facebook話俾全世界聽我欠左你咁！
大佬丫！我無欠你架！你鍾意我我唔一定要受架好唔好？！
仲有仲有最煩既就係嗰句“我對你咁好點解都唔揀我？！”！！！
真係難聽過粗口！
喂！你話對我好，又係唔係我想要架呢？
係你自己覺得好咋喎！我唔覺得架喎！
而家係真心為我好定係為左滿足你自己既一己私慾咋？！
真係講起就嬲！
「難都要講。如果唔係就只會令自己越黎越煩。」Brian又好認真咁點點頭。
已經煩到我頭爆啦...
「呢D就係...人夫既睇法？」Doris古古惑惑咁打量住Brian。
「咩人夫姐...係男人都係咁架啦...」Brian又尷尷尬尬咁...
「係男人都係咁架咩？咁你又係唔係咁架呢？」Doris又古古惑惑咁打量住Brian。
「我...我咩係唔係咁丫？」Brian尷尷尬尬迴避Doris既眼神。
「係唔係D…要講到出口...先會Get到女人心意...既男人囉～」Doris Keep住古古惑惑咁打量住Brian。
「呃...」Brian又尷尷尬尬迴避Doris既眼神。
「下？下？下？」Doris趴一趴個身上前，探一探頭埋去Brian道。
「呃…呃...呃...呃...」Brian避下避下...縮下縮下咁...
呃...呃...真係有必要講出口？真係有必要搵個機會講出口？
呃...呃...
成餐Buffet裏面，Doris不時都會借D易向Brian發功～
而Brian左閃右避避無可避之下都會想搵我幫幫手，救救佢～
我就扮晒無知咁唔理得佢咁多～
因為係你話架嘛～要識得嗌唔好同停架嘛～
你自己唔開口，又有邊個幫到你姐？
你以為左閃右避就可以令到Doris Get到你係唔情願？
唔好話Doris呢個小淫娃，就連我都只會覺得你係欲拒還迎，好好玩囉～
我就唔理咁多，一邊食野一邊睇住Doris點樣玩弄Brian～
食左個幾兩個鐘既Buffet，食又食飽～睇又睇夠～又係時候返上公司開工～
喺行返公司既沿途上，Brian本來想搵我黎擋一擋住Doris～
但本身就係淫底既Doris仲要飽暖埋，嬌小既我又點可能擋得住丫～
Doris走到Brian身邊請佢食晒波餅咁～
Brian就不停迴避Doris，靠近我身邊～
我地兩個女仔就夾住Brian黎行～
嗱！你又唔好諗多左丫！
我係無份搞Brian架！
我一直都係好正經咁行！無任何多餘又或者唔規矩既動作架！
最多都係俾Brian撞下手臂咁架咋！
Brian俾Doria呢個飽暖思淫慾既小淫娃搞住已經夠晒折磨～
我就無謂叉隻腳仔埋去啦～
返到上黎公司放返好個手袋仔又同Doris入洗手間搞下搞下～
喺洗手間入面，Doris對住塊鏡照下照下都發晒姣咁～
『點丫？頭先姣Brian仲未夠喉丫？下面仲係濕到停唔到丫？使唔使搵支地拖塞塞佢丫？』望到Doris個又姣又淫既樣，真係忍唔住要話下佢～
「梗係唔夠喉啦！我請佢食晒波餅，佢連掂都唔掂下人...搞到人地鬼咁痕！」Doris谷起晒面豬登，挺一挺起對豐乳～
發緊情既女人對波真係會大D！
尤其好似Doris呢D大波小淫娃就更加明顯！
『你又唔好玩得咁過份～人地始終都係有家室架～乖啦～唔好搞住人啦好唔好？』我又扮晒大姐姐咁教化一下呢個迷途既小淫娃～
「有家室咁又點姐？玩下咋嘛～我就唔信真係有男人唔食女！」Doris仲要唔憤氣咁！
『你就當佢唔係男人啦好唔好？』雖然我都唔信真係有男人唔食女～
「我頭先唔覺意咁掂到佢下面！係硬硬地架囉好唔好？！」Doris又谷起晒面豬登～
係真唔係唔覺意丫？
「其實我之前都有意留過佢望住我地既時候下面都會凸凸地架！明明就係對我地有性趣啦！」Doris又挺一挺起對豐乳～
『哈～咁人地都真係男人黎既...有生理反應都好正常姐～』當佢唔係男人都係男人嘛～
「咪係囉咪係囉！有生理反應即係對我地有性趣啦！唔得！一陣開會既時候再挑逗下佢先得！」Doris就一邊谷起晒塊面豬登諗下諗下，一邊向住女廁既門口方向行過去...
『喂喂喂…你唔好亂...』
唉...睇黎一陣同Brian佢地開會既時候，要好好睇住Doris，唔好俾佢亂黎先得喇...
由女廁出返黎，我同Doris就要行去會議室開會。
今日主要都係同Brian既I.T.部傾野。
傾下Workshop要做同可以做到既野。
同得I.T.部傾野…即係...俾成班仔圍住我地兩個女仔...
「唔好意思～要你地等添～」同Doris一入到會議室，Doris就嗲聲嗲氣咁冧下班仔仔～
「唔緊要...唔緊要...」成班仔仔都眼甘甘咁望住Doris流晒口水咁～
不過就唔包括Brian～
Brian係望住我，點點頭咁～
我帶住微笑向Brian點一點頭後，就同Doris坐一坐埋位。
「好喇～咁我地開始。首先想講講...」當我同Doris坐定定之後，Brian就開始今個會議喇～
今個會議係由Brian主持既～
都好正常丫～我地呢邊淨係得我同Doris，仲未有人主持大局～
而I.T.嗰邊就係Brian最大既～所以呢個會由佢黎主持都好合邏輯丫～
而喺個會議入面，D仔仔都唔係留心喺D議題上～
D仔仔都留心喺Doris對豐乳上！
因為Doris呢個衰妹又夾晒波咁！又放對波上檯咁！
搞到班仔仔對眼都放晒落去Doris對豐乳道！
我就真係好想一手就拍落Doris對豐乳！
仲要拍到啪啪啪啪啪啪啪啪啪啪啪啪聲！！！
而喺成班仔仔當中，就只有一個人對眼係無望到落去Doris對豐乳上。
呢個人就係Brian！
我一直都有偷偷留意下Brian...
Brian對眼從來都無望過落去Doris對豐乳上...
反而係...會偷偷咁...望去...我胸前...
Brian久唔久就會...就會偷偷咁...偷望一下我胸前...有D困惑咁諗下...諗下...
當佢察覺到俾我發現左佢偷望我胸...又會扮晒無野咁望去第二道...
過左一陣...Brian又會偷偷咁...偷望一下我胸前...有D困惑咁諗下...諗下...
Doris成對豐乳放晒上檯都唔𥄫，走黎𥄫我對小饅頭？
唔通Brian對小饅頭有性興D？
呵呵呵～真係估唔到Doris一心諗住用對豐乳吸引Brian既注意不果，只可以吸引到其他仔仔既鹹濕目光～
而Brian係對好似我呢D小饅頭有性趣多D既～
之但係...Brian點解又會咁困惑咁架呢？
望住我對小饅頭...感到困惑...
唔通係…仲因為今朝見到我飛釘而感到困惑？！
應該就係喇...
應該就係...Brian點諗都諗唔到今朝既我俾雨淋到全身濕晒要入洗手間除埋個Bra出黎吹...
更加估唔到我個Bra會俾Doris搶走左...收起左...直到開完今朝個會先俾返我...
所以就諗唔明點解今朝見到我好似飛釘，但而家又無！
一定係咁！必定係咁！
Brian呢個傻佬真係丫～
不過又真係估唔到因為今朝專登唔帶遮搞到淋到濕晒...又諗唔到除個Bra出黎吹會俾Doris搶走...又諗唔到Brian會見到我飛釘...更加諗唔到因為咁而吸引到Brian既注意...
呢個世界都真係有好多野都估唔到...
我就無理咁多，由得Brian久唔久就𥄫下自己對小饅頭～
乖乖地咁坐定定俾Brian𥄫，又乖乖地咁開埋個會～
開下開下傾下傾下，就傾到放工時間，但都仲未傾完...
「夠鐘放工...」Brian睇一睇隻錶，「如果有野做可以走先～」
「我等陣要上堂...咁我走先喇～」其中一個瘦瘦地既仔仔就話要走先。
「我都係！我都係！」另一個肥肥地既仔仔都話要走。
「嗯。」Brian點一點頭，「咁你地走先啦～」
等到一肥一瘦既仔仔走左之後，我地就繼續開會～
開下開下…又過左一個鐘...
「咁我地都走先喇。」又有兩個仔仔要走。
又開下開下...又過左半個鐘...
「我都差唔多要返去喇...」又有一個仔仔要走。
再開下開下…又過左半個鐘...
「我都要走喇～聽日見啦～」Doris都話要走～
『嗯～好啦～聽日見～』我同Doris揮揮手～
「嗯～拜拜～」
『拜～』
目送住Doris行出會議室...
「得返我地兩個...」我無等Brian講埋落去...
『仲有少少姐～如果你唔趕住走都可以傾埋先既～』反正我又無地方去～
「我唔趕。咁我地傾埋先～」Brian好似有D興奮咁～
興奮？真係咁？
Brian又點會因為我想傾埋先走而興奮丫～
興奮嗰個係我先真～
因為可以有人陪下，唔使一個人無所事事唔使孤孤單單咁丫嘛～
無拖拍既女仔就係咁架喇～
一有人陪就想可以陪得耐D～
唔使再去搵其他人陪～又唔使去搵節目丫嘛～
就算係開會都無所謂架～
反正而家對住嗰個係溫柔體貼既Brian～我好樂意架～
同Brian單獨喺會議室裏面傾下傾下，又俾佢𥄫下𥄫下咁～
淨係得返我地兩個喺會議室裏面，Brian都係會好唔覺意咁望左落去我對小饅頭道～
當然我就唔會表現得唔鍾意又或者有乜野尷尬既表情～
我仲會扮到好自然咁，扮到唔覺有問題咁～
而Brian都𥄫到好似好平常咁，望住我對小饅頭就好似望住我去塊面咁～
一直Keep住，我地兩個都好自然咁，Keep住傾下傾下，又俾Brian望下對小饅頭～
不知不覺又過左差唔多一個鐘～
『終於搞掂喇～嗚呀～～～』我挺起晒對小饅頭咁伸左個大懶腰～又打左個大喊露～
「係丫係丫…終於都...搞掂喇...」Brian就眼甘甘咁望住我對挺起晒既小饅頭，點下點下頭...
Brian呢個望到呆下呆下既樣真係幾可愛～
我乖乖地咁坐定定咁俾Brian再欣賞我對小饅頭多一陣...
「呀！原來都八點幾架喇！我...我...我不如送你返屋企丫！」Brian面都紅晒咁～
送我返屋企？
『嗯～咁就麻煩晒喇～』有Brian送返屋企就梗係好啦～