《港女FF妄誌》: [Day 03－別人丈夫] PART 03
著住對三吋高踭鞋...好唔容易先返到黎公司...
我一坐埋位，就立即要除一除對鞋...
『好酸丫…好酸丫…真係酸死我喇...』我搓下搓下對小腿...又鬆下對腳仔...
就係返工既短短一個鐘左右既路程...我已經係坐多過企...都可以酸痛成咁...
等等仲要著住佢去飲...對腳唔使要都似啦...
唉...平日著小小踭既都可以話係勉勉強強...睇黎我都係唔適合著咁高既高踭鞋...
係喎...話時話...今日好似...要見客架喎...
我就拎一拎部電話出黎睇睇...
唔...撳一撳個日曆...睇睇今日有乜野要做...
唔…今日...今日中午係要去見客...仲要去見間女校...
死囉...間女校離公司仲要有D遠...
又坐地鐵...又要轉巴士咁...
真係又越過高山又越過谷～小姐幫你打飛機～精子滿天飛～
唉...諗一諗對腳仔都抽住抽住痛...
唉...去見客...仲要係女校...尋日都已經俾個客問到口啞啞咁...今次又唔知個客會問D咩刁鑽問題...
而家Sell野唔係咁易架喇葉師傅...
唉...點好呢？要點準備好呢？
係唔係應該又去請教下Brian呢？
去請教下Brian...不如直接問佢可唔可以同我一齊去見客啦～
如果有Brian喺道...有乜唔明都可以立即叫Brian解答丫嘛～
係咯～咁個客就唔會覺得我地公司無誠意啦～
又真係好似幾有道理咁喎～
係咯～反正我都要還返部MacBook Pro俾Brian～順個靚手問問佢今日可唔可以同我一齊去見客都好丫～
Try Try Not Die丫嘛～
好啦～就Try Try啦～
我就著返好對高踭鞋...（嘩...著住企起身都覺得痛...）
拎埋部MacBook Pro～慢慢咁行過去Brian嗰邊～
我慢慢咁行...扮晒好有儀態...實質係忍住痛咁行過去Brian嗰邊...
一行到入I.T.部...I.T.部D同事又望晒出黎...
個個都望住我對腳...望住我對黑色爧面三吋高踭鞋...
哎呀...望少陣得唔得架姐...
人地真係行得好辛苦...好唔自然架喇...你地就放過我...唔好再望住我...等我唔使勉強扮晒自然咁行好唔好...
真係好難頂架囉好唔好？
唔明有幾難頂丫？自己買對返去著黎遊下街示下眾你就知架喇～
幾經辛苦...終於都俾我行到黎Brian附近...
但我就見到Brian好似...好似喺道講緊電話...
我再行近少少...再行近Brian身後多少少...
我見到Brian拎住部電話...
我又鬼鬼祟祟咁偷偷地聽下佢講D乜先～（做乜要咁鬼祟呢？）
「仲有無燒丫？嗯嗯...」Brian把聲好似有D擔心又有D緊張咁...
係同緊邊個講電話呢？
「開左幾多日藥丫？嗯嗯...咁你食完粥就食藥瞓陣喇喎...嗯嗯...我會諗辦法架喇...嗯嗯...放心啦～」Brian又好似好溫柔咁...
男人會用咁溫柔既聲線講野...對象就一定係...
我等到Brian收返埋部電話之後...
『早晨丫Brian～』我就行到埋Brian身邊～
Brian一擰個頭過黎，視平線之下，第一時間望到既係我對小饅頭...
Brian定一定神：「詩…詩琳早晨...」
睇見Brian呆下呆下～又面紅紅咁既樣～都幾可愛丫～
『我黎還返部MacBook Pro俾你架～』我雙手遞一遞起部MacBook Pro～
雖然話部MacBook Pro唔係好重～但我都要扮晒鄰家女孩無氣無力咁～
「哦哦...」Brian立即接一接過我手上部MacBook Pro～好似怕我覺得重咁～
好男人真係好男人～無時無刻都係咁細心～
『係呢...你老婆...病左？』我想問又唔想問咁～
「嗯...」Brian點一點頭後諗左一諗，「你...點知我老婆病左架？」
『我頭先聽到你講電話...我唔係有心偷聽架！我只係想等你講完個電話先...所以...』我又扮晒唔覺意聽到咁～
「哦～係丫...我老婆病左...」Brian仲係好似呆下呆下咁...
可能係擔心老婆掛～
唉～好男人真係好男人～無時無刻都係咁貼心～
『佢無乜大礙嘛？』我都關心一下人地個老婆～
「無…無乜大礙～睇完醫生開左D藥...休息下就無事～有心喇～有心喇～」Brian帶住擔心既笑容...向我點點頭...
『咁你就唔好擔心咁多啦～』我拍一拍Brian膊頭～
唉～好男人真係好男人～無時無刻都係咁著緊～
「嗯...不過我仲有野諗緊...」Brian一面懊惱咁...
『哦？』做乜諗野呢？
「老婆要好好咁喺屋企休息...我對仔女...我諗緊點同老闆講...下午請半日假去揍佢地放學...」Brian皺晒眉...
哦～原來係因為對仔女～
唉～唔單止係個好男人～好老公～仲要係一個好爸爸～
Brian有呢個煩惱都唔出奇既～
因為我地個賈老闆出晒名係衰老闆～
想同佢講請假？你唔提早七日同佢講你要去送殯你都唔使旨意請得到～
仲要好似而家咁咁突然話下午就要請半日喎～實唔批啦～
之不過，Brian今次都算好彩喇～
點解？
你唔記得喇？
我今次黎搵Brian，除左話係黎還MacBook Pro之外，仲有咩目的話？
『唔使咁苦惱喎～我有辦法～』我古古惑惑咁向Brian打左個眼色～
「你有辦法？」Brian睜大對眼望實我～
『嗯嗯～同我出去見客～』無錯～就係搵Brian同我一齊出去見客喇～
「下？」Brian仲係傻頭傻腦咁一頭問號...
唉～係唔係好既男人都比較遲鈍架呢～
『今日中午咁上下時間，我就要去間中學見客～我諗見完客就差唔多到你對仔女既放學時間～』嘿嘿...真係天賜良機丫～
「哦～見完客可以唔使再返黎...咁我就可以去接對仔女放學！」Brian好似發現新大陸咁～
好彩你個腦都仲識得轉～都唔算得上係太遲鈍～
「之但係...」Brian又諗下諗下...好似有D忌諱咁...「要點同賈老闆講呢？」
『點同賈老闆講你就唔使粗心咁多～放心交俾我得啦～你就準備好等陣見客D野就得喇～係丫～今日見既係中學既英文科主任～好好準備下喇～』我向Brian打左個眼色～
「哦哦...好好...」Brian仲係傻下傻下咁諗下諗下～
我就轉一轉身～向住賈老闆間房既方向行過去～
難得你有困難...我就梗係唔會話你知我尋日俾個客問到口啞啞先搵你一齊去見客啦～
一來我無咁瘀～二來又唔使欠你一個人情～轉個頭仲要你欠返我添～
你話係唔係一舉三得呢～
我滿心歡喜咁行到黎賈老闆間房～
“咯 咯”敲一敲門～
「入黎...」賈老闆死聲死氣咁叫我入去～
『賈老闆早晨～』我一入到去，就雙手放後～扮晒青春活潑咁對住賈老闆笑笑口～
但我見賈老闆就好似無乜精神咁～
「咩事丫？」賈老闆仲係死口死面咁既樣～
見到我咁青春活潑仲要著到咁誘人都仲係咁死口死面？
『無～我想呢～今日見客呢～搵埋Brian去喔～』我就嗲一嗲賈老闆～
「哦...好...仲有無其他野丫？」賈老闆好似就快瞓著咁既死樣...
咁順攤？！
『無喇無喇～』早知係咁就真係嗲都費事...
我仲以為...以為要經過一輪攻防戰先得到手...
「無野就出返去啦...」賈老闆直頭好似就死就死咁既樣...
『係係～我返出去先喇～』我急急腳咁出返去...
睇賈老闆既死人樣...十之有九都係因為呢兩日同Doris大戰到精盡人亡啦～
所以話呢～唔得就唔好咁鹹濕啦～
一陣真係馬上風咁你話點算？
又上動新聞架喇～
到時標題係“鹹濕中年肥老闆大戰年輕乳牛 老闆房內馬上風”就真係笑死人～
不過都好～唔使犧牲色相就可以令賈老闆答應我搵埋Brian出去見客～
你知架啦～今日我著得咁性感～賈老闆條鹹蟲性起上黎...真係撳我落檯就女女女我...我都無力反抗架嘛…
所以話做女仔係幾咁危險～
尤其係好似我呢D弱質纖纖既女流之輩～
面對住D禽獸真係無力反抗架嘛～陰公～
我行去埋Brian身邊，輕輕拍一拍佢膊頭：『搞掂喇～賈老闆答應左喇～咁我地一陣一齊食完飯就出發啦～』
Brian就好似放下心頭大石咁：「嗯嗯！咁我打俾老婆同佢講聲先！」
第一時間都係諗起老婆～真係一個好老公～
『嗯～咁我返去做野先喇～一陣食飯見啦～』我同Brian揮過手～
「嗯嗯～一陣食飯見～」Brian已經勁心急咁拎部電話出黎～
睇住Brian勁心急咁打俾佢老婆...
我...會唔會搵到...呢種男人做老公呢？
會唔會...我會唔會有咁既機會...
我一直諗...一直行返埋位...
諗下...我會唔會有咁既機會...遇到一個好似Brian咁既好老公...
會著緊老婆...著緊仔女...乜野都係諗左屋企先既好老公...好爸爸...好男人...
諗下諗下...諗到行到黎自己個位...拎一拎起放喺檯頭隻杯...
喺阿Ken身上...我感覺唔到...
我感覺唔到阿Ken身上有呢種好男人既氣息...
應該話...喺阿Ken身上...我只感覺到...愛情...
我拎住隻杯行下諗下...諗下諗下...
只有愛情既感覺...總係好似...好似缺少左D野...
缺少左D野…缺少左...
行下諗下...我就行到黎Pantry...拎一拎包三合一即溶咖啡...
我唔係話阿Ken缺少左份安全感...
阿Ken的確好有安全感...但又唔係嗰種...
嗰種...邊種呢？
我總係噏唔出口...
總係唔識得講...唔識得講出心裏面既感覺...
感覺...
我倒一倒包三合一即溶咖啡粉落隻杯...斟一斟熱水...
攪下攪下...拎住支鐵羹仔攪下攪下...
感覺...感覺呢一樣野...總係好難去...表達...
好難去具體咁表達出黎...
好難去將其實體化...
就連用說話又或者文字去解釋...都唔知應該由邊道開始...又應該由邊道著筆...
感覺...總係要由自己內心深處去感受...
雖然好似無形無色無實體...但你就可以確確實實咁感覺得到佢既存在...
存在喺你內心深處...
我可以好確實咁感覺得到Brian同阿Ken嗰種安全感係好唔同...
前者係溫柔溫暖...後者係剛強熾熱...
假如你問我邊種安全感好D？
佢地兩者之間...邊種...好D...
好D...好D...
「喂～做乜呆晒咁攪下攪下杯咖啡丫？」我感覺到有隻手搭住我膊頭...
我回一回神，回頭望一望：『Dor...Doris？』
我望住Doris拎住隻杯...
「搞咩丫你？著到咁靚咁～又呆下呆下咁～仲未呆完丫？諗緊乜丫？」Doris喺我面前拎一拎包三合一即溶咖啡...
『無…無...諗緊...你今日唔使服侍賈老闆咩？』都係唔好諗咁多…
諗咁多真係會諗壞腦...
「咩我服侍佢丫？係佢服侍我先岩丫～無～我見佢今日唔係咁在狀態咁～咪俾佢抖下囉～都係我衰～呢幾日朝朝都要佢射六七次先肯收手～」Doris沖一沖杯咖啡...攪下攪下咁...
『六七次丫？唔怪得啦...但你就好似容光煥發咁喎～』我打量一下Doris...
樣又靚左...人又精神左...對波仲好似大過之前添...
「你無聽過女人同男人做愛係會越做越靚女架咩？因為會吸左男人既精～～～氣架嘛～」Doris笑淫淫咁既衰樣...
吸男人既精氣？聶小倩咩～
『隔住個Dom都吸得到丫？』我恥笑一下Doris～
「吸精大法呢D野，你識條鐵咩～」Doris含晒春咁既嘴...
唉～呢個淫娃～真係非一般淫～
『好心你就真係正正經經搵個人啦～』雖然我知Doris呢個年紀係無咁易定性～
「正正經經搵個人包養就差唔多～」Doris仲要口沒遮攔咁講出口～
唉～我就真係無佢咁好氣～係唔知點解我身邊會出現呢種女人～
仲要都好似唔止一個...
總係唔肯定落黎...
又或者正正經經拍長拖...
『係丫…今日Lunch我同Brian要早D出去食丫...唔預你喇...』趁住Doris喺道，就同佢講左先...
「下？點解丫？」Doris好似好失望咁...
『因為今日要早D見個客...』好彩個客約得早...唔使又俾機會Doris向Brian發功～
「得你同Brian喎...會唔會食左人架你～」Doris又古古惑惑咁靠個身埋黎...
『痴線～點會丫～喺公司唔好講埋呢D野啦～一陣俾人聽到唔好丫～』我撳一撳住Doris把嘴...
「唔...唔...唔！」Doris鬆一鬆開我隻手，「怕咩姐～頭先我地咪又係講緊賈老闆～」
『點同呢？Brian有家室架喇嘛…』今朝又話要定性D...
「有乜唔同呢？賈老闆夠有家室架啦～」Doris仲係要講到理直氣壯咁...
『咁人地Brian係好男人～好老公～好爸爸～我又唔似得你咁淫～』要定性D...要定性D...
「咩呀？我好淫咩？我呢D叫各取所需～」Doris仲要講到好似合情合理咁...
『不可貪戀別人的丈夫丫～』總之就唔可以再咁鍾意玩玩下...貪一刻的樂極忘形...
「擺明車馬開心完咪算囉～又唔係叫你去破壞人地家庭～」Doris又淫淫一笑…
『咁都唔叫破壞人地家庭丫？』你就真係開心得過...
俾人地老婆知道咁點算？
「唔俾佢老婆知咪無事囉～」Doris仲好似大安旨意咁...
『若要人不知...』我都未將要講既重點講出口...
「唔好咁低B～」Doris一面華生咁既樣...
唉...無得救...
Doris呢種淫娃蕩婦真係唔滿足過性慾都唔肯收手...
應該話Doris自己都控制唔到自己下面唔噴水...
點解...點解喺我身邊總要出現呢D女人...
點解仲要唔少...
點解...點解...點解總要成日喺我身邊推波助瀾...
就好似有條蛇成日我耳邊講“好好味架～咬一啖啦～咬一啖無人會發現架～咬啦～咬啦～”咁...
我都唔係話想要做聖女丫～我就係想定性D姐～
你地就係都要我走去玩～俾我抖下都唔得既～
再係咁落去我真係怕我會控制唔到我自己丫～～～
我都係唔好近Doris咁多...快D拎埋杯咖啡返埋位...
好好咁冷靜一下自己...
唔好諗咁多…
做下野…
準備一陣見客既野...
做下又諗下...諗下又壓制住自己既任性...又做下諗下...
好唔專心咁做下諗下之下...好快就到左Lunch...
我執一執齊D野...
「喂～使唔使俾定個Dom Dom你丫？我有好多喎～要咩味？」Doris就探頭過黎...仲要笑淫淫咁...
『無啦啦俾咩Dom我丫？痴線架咩？』呢個Doris個腦真係只有色情野！
「咩痴線丫？你今日著到咁靚咁性感咁～一陣性起上黎無Dom又忍唔住真係就咁插入去就好危險架喇～我都係為你著想姐～」Doris仲要拎住個士多啤梨味既Dom Dom喺手...Fing下Fing下...
『痴線架你！收返埋佢啦！』喺公司裏面拎住個Dom Fing下Fing下咁...一陣俾D男同事見到真係唔知點諗...
「尋開心還尋開心～唔用Dom就變認真～」Doris仲係古古惑惑咁淫笑...
『都唔知你講乜...』我就真係唔想再理Doris咁多...
「你知既～你知既～」Doris就Dom左個Dom Dom落我檯面後...縮返個頭繼續扮工...
我望住檯面上個士多啤梨味既Dom Dom…
我明Doris講乜...
男人戴左Dom...就算俾佢插入黎...都只係俾個Dom抽插...
我係明既...
之不過...我又係唔係真係會...
其實我自己都唔敢講...
就喺尋日...我都做左唔少衰野...
先唔好話朝早喺西鐵車廂入面引個阿伯...
喺男校既廁所入面...我仲同兩個學生哥...
雖然話無做到...但都真係幾淫亂...
講出黎既話...實俾人話係淫娃蕩婦...
而如果真係有咁既機會...有機會同Brian...
如果Brian主動提出...我諗我又真係好大可能...好大可能會覺得開心下都無所謂...開心完就算...
痴線啦！無啦啦Brian又點會主動提出呀？！
唔好睇咁多甜故啦！FF上腦呀！
之但係...
我一手就將個Dom Dom放埋入個手袋仔入面...
諗咁多做乜丫～有人送個Dom俾我～我又老實不客氣咁收下喇～