失控性.行為: 第二十五節

我往售賣驅狗器地址行去。
 
很快，我便行到達了那間店舖，從門外看，可以看出那不是一間專門售賣驅狗器的地方，那裡還有出售不同類型的閉路電視鏡頭，電子零件，音響設備等等。
 
「你好！隨便睇，有咩隨時開聲就得架啦！」店內一個三十多歲的男人說，我估計他是這裡的老闆，要不然在深水埗實難找一個售貨員會如此主動。
 
「我想問下呢度係咪有驅狗器賣架？」
 
「有電子驅狗器，每個$88，可以發出音波趕走啲狗，而且對人類完全冇影響，要唔要攞個出黎俾你睇一睇？」老闆說。
 


「好呀，俾我望一望呀。」
 
老闆拿了一個驅狗器給我，我看了一下說明書，發現主要由電芯供電，所以要接駁在時間器上會有點難度，我想要的是可以用三腳插直接插在時間器上的。
 
「老闆，有冇第二種驅狗器？我想要濕電，因為我住村屋，想長時間放一個響門口，如果成日用乾電會好麻煩。」
 
「一般都係用乾電，但係如果你要我可以幫你改裝，加多二十蚊就得，咁到時就可以插屋企插蘇。」
 
我沒有考慮便說：「好，咁你幫我改返三腳插啦。」
 


在老闆為驅狗器進行改裝的時候，我在店裡四處閒逛，只見店內所售賣的閉路電視五花八門，我在想這裡是否有什麼「鬼鼠」貨可以更容易的實行我的計劃，而且，最重要的是作為一個香港人，我知道深水埗一向是售賣「地下貨」的集中地。
 
「哥仔，想買閉路電視？」
 
「我睇下先。」
 
「你有咩要求就即管出聲，我有唔同貨可以介紹俾你喎～」
 
老闆說「介紹」兩個字的時候鏗鏘有力，我明白老闆的暗示，亦知道此刻我已經一步一步開啟了通往黑暗之門。
 


我故意的在老闆面前裝了一個頹廢樣說：「老闆，大家都係男人我先講，我懷疑我女朋友俾綠帽我帶，所以我想響屋企裝個閉路電視………」
 
老闆呆了一下望著我：「唉，男人最痛算這種。」，接著，他在枱下拿了數份報紙出來續道：「見同你幾啱傾，你睇下報紙上面既野幫唔幫到你，你睇下，報紙寫住你只要響你女朋友度裝個APPS就可以知道你女朋友而家響邊，佢既位置亦都無所遁形，年輕人，女人偷食唔會去自己屋企而係去男人屋企，你裝個閉路電視響屋企冇用架！」
 
我內心暗起，亦不禁讚賞了一下自己的小聰明，一個謊話已經可以讓老闆給我一個一直在找尋的APPS。
 
我再扮出一副懊惱的樣子給老闆說：「我只係知個地方，但係唔知個正確地址，咁又有咩用？」，我立刻在褲袋拿電話上FACEBOOK，並開啟了BoBo的資料給老闆看:「你睇下，呢個就係我女朋友，36E呀！佢返工真係好多人追，有時候我真係唔知佢係開OT定係同其他男人出左街，你仲有冇野可以幫到我呀……嗚…….」
 
「嘩！都……幾大波喎！唔怪得你咁緊張啦！」老闆說。
 
我低著頭，裝作哭泣的說：「係………我真係好苦………」
 
「其實仲有一個勁啲既APPS，你只要打電話俾佢，而佢又聽左你個電話，咁你就可以透過電話既前置鏡頭見到佢而家響邊，仲有你可以HACK埋佢個電話，佢收咩訊息你都會收到，當然你都可以用佢電話發訊息俾人都得啦！」
 
「咁勁！？」


 
「低科技啫，即係好似HACK一部電腦咁，而家變左HACK電話咁解，不過有一個缺點，就係每次只能夠HACK一部電話，明唔明？」
 
「我明我明！呢個幾錢呀？我好啱用呀！」
 
接著，老闆幫我改裝驅狗器後，便教我安裝和使用那個APPS，表面上我一臉愁容，實際上現在的我內心異常興奮，因為我知道自己的計劃很快便可以實行。
 
「哈哈！何小姐！今次你仲唔仆街！？」我在暗笑著。