我竟然要幫100個人寫100封情書: letter:begin

小修:
1.梁俊中文寫作並非極差，更曾經攞過作文比賽嘅亞軍,只係因為冇靈感同吾夠膽去寫
2.如果梁俊係未寫好100封情信之前同周靜瞳表白嘅話就會死
3.修改咗一啲錯字同文筆

我苦苦咁諗咗一個夜晚，終於下咗定論，就係

寫情書！！！
只要再加上一場大龍鳳，我肯定靜瞳bb一定會應承。





況且我女神一啲都吾港女，又true,又pure,實掂啦！

跟住通知咗一班好巴打(當然有阿一啦)，幫手諗下橋
而我就諗緊點樣寫封情書比佢好
我要點樣先可以寫到一封令女神感動嘅文?
上網搵咗好多例子但都係冇靈感。

你話平時作文就簡單啫，今次係要寫俾女神wo,吾係教中文個啲阿婆吖！！

當我諗吾到，決定挽下手機先，轆轆下ig點知比我見到有個人係幫人寫情書嘅，見到呢個大好機會，我就即刻同佢聯絡啦，講咗我同佢嘅一啲經歷之後佢就話可以下個星期六俾我係Starbucks等。





到咗個日我早就去到Starbucks希望可以快啲攞到個封情書，一個表白嘅致勝武器！
見到佢之後佢好快就俾咗封信我，一手交錢交貨後，正當我諗住走個陣，佢叫停咗我，

“先生，好榮幸你係我第一百位顧客，好多謝你解除咗我嘅魔咒，之後就要拜託你啦！"

正當我百思不得其解，諗住問佢拜託你老母吖，佢就搶先一步……

“吾記得咗同你講tim"
“你要幫人寫100封情書先可以解除魔咒，直到你寫完第一百封之後個個顧客就係你嘅鎖匙，之後就要不斷地重複。




如果你吾可以係半年內完成嘅話，你就會死，同埋依加開始你女神會開始同一個又肥又矮嘅毒撚熟咗，並且你係吾可以係完成任務前同佢表白，吾係就會當任務失敗，即刻會死！"

聽到呢句我就O咗啦