10年了你還想著我嗎？: 第十章

我一起身收到一個wts，係阿萬send過黎既，而內容係：「阿聰，你快啲過黎，有張相比你睇，關於明哥架。」我9秒9就衝左出去，佢係旺角等我。

到左之後，我見到阿萬比一班黑色衫既人圍住，叫佢讓個位出黎，唔係就打柒佢，我突然好嬲就衝埋去打左佢地一身，自己都打到傷曬，打走左佢地之後我地就坐低傾緊左陣，佢比左張相我睇，係明哥佢係條街到比一堆人圍住既相，個個都好大隻。

雖然我唔再係佢條𡃁，但都有種衝動想幫佢，同時我都唔想接近佢，因為我怕佢知道左成件事，好矛盾，我都好耐冇同阿萬行過街，就趁呢個機兩個人行下，正當我咁諗既時候，我電話響，我接左而呢個人係上一次叫我做野叫做「恐龍」，恐龍問我：「仲等唔等錢，我有野需要人，今次15萬，你做唔做。」大拿拿15萬，我做成10年都未儲到，個陣我覺得10萬好多。

佢繼續同我講：「今次個目標你都識佢，而佢就上次個坐館個仔。」我呆左，我問佢：「點解要殺埋佢？」
佢答我：「上次個單野比佢知道左，佢宜家周圍搵人括我，我冇得揀，唯有殺埋佢。」明哥知道左咁佢會唔會知道我都有份。。我個一刻冇諗咁多就應承左。

返到屋企我係到諗，如果我殺埋佢咪唔怕比佢發現，我諗左好耐，今次我好緊張唔似上次咁做完就算，我今次都冇諗住同任何人講，因為佢比我做野既日期就係聽日。