聖鬥士黃金十二宮之我念我唔想返D份工: 1.收到封信叫我開工?
大家好,我叫仲仔
山羊座,今年18歲
鐘意睇漫畫,返緊份早更保安,人工$9000
好多人問我,仲仔仲仔 你返份咁既保安搵唔到食....仲要得$9000同無前途,真ON9
我無咩要求...$9000已經可以過活..最緊要可以睇漫畫仲有錢收,仲想點呀。(心裡點會唔想要錢)
點知今日收到一封信改變左我人生.....
信件上注明:山羊座 張孝仲收
我覺得好古怪....信上寫上星座?
條友傻的嗎。不過好奇心令我更快地打開封信睇。
一打開有三樣野,1:有張單程機票(希臘) 2:有份合約 3:有個山羊座圖案的手鐲
機票同手鐲唔理住,睇左份合約講咩先。
山羊座張孝仲,我地聖域選中左你出任守護星座山羊座聖鬥士
人工會係10萬一個月,合約期五年,至於居留權問題我地會為你解決
你絕對會有興趣,在你配戴手鐲之時,你就會知道你唔係發緊夢.......
我心念:如果有10萬人工都唔會請我啦...
仲要咁on9聖鬥士?玩我咩,一定係呃人既
不過手鐲都好好睇,戴來睇下先。
戴左上手都無咩特別...都話條HI仔玩我啦
唉!早上6點 係時候開工。