[有聲故] [少甜] 我同時做左三間大學嘅學生: 紅磚與山城 (2)

---
 
不經不覺已到了十月，忙碌的校園生活s轉眼便過了一個月。我已經習慣了這種超乎常人理解的充實生活，腦袋不斷被知識充斥著的感覺真好。
 
這天，我跟Ruby和Edward在舊Can吃過拉麵後，想起我的八達通負值了，便先與他倆分道揚鑣。在紅磚半圓那便利店增值後，便準備離開學校向山城出發。當我途經podium的一個攤位時，被一個男生截住了。
 
「Hi 同學，有冇興趣睇band show呀？我地Muso同其他大專黎緊有巡迴演，有興趣可以喺度留飛~」這位身穿Avenged Sevenfold繪圖tee的男同學禮貌的問道。
 
「唔…我都有d興趣，幫我留一張丫唔該。，」說實在，在香港搖滾文化實在太不普及了，總被人與嘈音和小混混給掛勾；況且這票價超值，一定要支持一下。我猜Ruby應該對搖滾不感興趣吧，要一張門票就好了。
 


「多謝同學支持！麻煩俾張學生證我登記丫。」他禮貌的問道。
 
「哦，好呀。」我便在銀包掏出學生證遞給他。當他正準備看我的學生證時，我才發現我大意的掏錯了山城學生證。
 
「呀！我拎錯左張信用卡俾你添，唔好意思呀。」我搶過山城學生證，再換紅磚學生證給他。
 
「哈哈，唔緊要。好等我幫你登記先，麻煩同學等我一等。」他認真的抄下我的資料。「再一次多謝同學支持！其實我係MUSO嘅exco，我叫 Ethan，有冇興趣依家入埋我地MUSO做會員呢？買飛會有會員價，仲送HA學生會藉、MUSO自家貼紙同埋MUSO pick手繩~」
 
「呃…唔洗啦唔該。」一想到緊湊的時間表，入了會也應該沒時間參加活動。
 


「哦好~唔緊要，呢度係你張飛，地點係西灣河蒲吧，咁就到時見啦，ok架喇～」Ethan非常有禮的將門票遞上。
 
「好，唔該晒 Ethan。」把門票收好後我便朝火車站走去，向馬料水出發。
 
唔，時間尚早。早到了山城的我心血來潮，便嘗試從火車站走上山頂。
 
「嗄嗄嗄…哇乜原來咁遠架…條山路仲好斜…行左咁耐連本部都未到…」滿頭大汗的我停下稍作休息，望望手錶。「哇！再唔行就遲到…」我低估了山城校園範圍的規模；有人說，山城建國不是夢，果然言非所虛。
 
這天在山城課後，我又與阿璃散步到她宿舍。
 


「做咩呀東你啱啱上堂遲大到嘅？」阿璃問我。
 
「哦…係呀，頭先喺山腳行上黎但係唔識路，結果兜左好耐，行到冇左半條命先到…」我承認，我柒了。
 
「吓呀東，其實喺山腳上黎山頂可以好方便，只要識行捷徑同埋搭穿梭機。」阿璃盈盈一笑。「其實唔難。」
 
「穿梭機？」
 
「即係搭“車立”啊，有幾座大樓嘅“車立”可以好快咁由山腳駁上本部，本部再駁上山頂。」
 
「阿璃妳好似好熟悉成個Campus咁。」阿璃在學期開始不久已經對校園瞭如指掌，實是令我佩服。
 
「哈哈，是常識吧。」阿璃伸伸舌頭。「今日上宿之前帶你去一個地方。」
 
阿璃帶了我到一個清靜的半圓形廣場，黃昏時分最後一絲夕陽的光線柔柔照射著廣場；很平靜，很暖和。




「喂呀東，呢面呀。」阿璃站在圓形廣場的最高處呼喚我。我從石階走上去，才發現上面圓形廣場的圍牆釘著多塊連住的鐵板，鐵板上刻滿了密密麻麻的名字。
 
「咁多人名嘅？記念碑黎？呢度…死左好多人…？」我不安的問。
 
「傻瓜，你就死。呢度就係NA嘅圓形廣場呀，所有喺我地學院每一屆嘅畢業生，個名都會刻喺度～」阿璃用手指輕輕彈了我側額一下。「上面呢度係舊圍牆，因為刻滿晒所以要開其他地方刻名；下面舞台嗰面就係新圍牆喇。如果我同呀東順利grad到，我地個名就會刻喺下面。」阿璃在舊圍牆的名字上努力找尋著，不知她是想找什麼。
 
「呀，搵到喇。」她指住兩個姓名。「呢兩個就係我爹哋媽咪，跟住呢…」她再次找尋，過了良久。「呀，呢度！」她又指了指一個名字，王夢琉。
 
「呢個就係我家姐。」她輕輕說。「我全家都係NA出身，好好彩我同佢地一樣，都入到同一間大學、同一個學院。呀東你啱啱讚我熟悉成個Campus，我熟其實係因為我好細個嗰陣屋企人已經成日帶我過黎山城玩，所以我先對呢度咁熟。」
 
「唔…王夢琉。琉璃、琉璃，莫非阿璃妳全名就係叫王夢璃…？」我念著。我雖不精中國文學，卻也覺得兩個名字都甚有詩意。能改這樣有意景的名字，想阿璃父母定必是滿肚墨水的文化人。
 
「做咩響我全朵呀陳日東，作死呀你！」她作勢要打我。「快D行啦，天黑好多蚊。」