[有聲故] [少甜] 我同時做左三間大學嘅學生: 紅磚下的戀人
---
星期一，一星期中最沒能量的一天。這天回到了紅磚上沉悶的Lecture，我與Ruby和Edward三人行，我一如既往的坐在Ruby和Edward 中間。
「Ruby同學，麻煩妳幫手聽下lecture，我同Edward吹下水先。」我平常地跟坐我左邊的Ruby說。在校園內我們故作平常，表面上仍是普通同系同學。而今天Edward表現得異常興奮，與坐在中間的我不斷分享。
「你地睇下你地睇下～我對新耳機終於到手啦！」儘管右邊的Edward壓低聲浪，仍不難感受到他的雀躍。
「唔？咪又係earphone一對，我都有啦。」我從口袋中拿出捲成一團的生活態度白色耳機， Ruby在旁不禁竊竊偷笑。
「哎，艾瘋原廠送嗰D邊好聲架。」Edward鄒著眉的望住我。「等我教精你地啦，我呢對係Custom IEM， Custom In- ear monitor，即係客制化耳機。每個人嘅耳道都唔同，就好似指紋；客制化耳機就可以將你嘅耳模形狀變成耳機，完全fit晒自己耳形，戴得舒服之如又可以隔絕外界雜音。我呢對耳機所有規格由耳機外殼顏色、外殼圖案、到耳機單元數目、耳機線材，全部都係我自己揀。可以擁有一對獨一無二嘅耳機，呢D，先叫做生活態度。我呢對就係十二單元動鐵耳機，音質細緻到極點，再配埋呢部專播無損檔嘅播放器同耳擴，無敵。」他又從袋子拿出了兩件器材，想必是他口中所說的無損檔播放器和耳擴，看起來好重。
「哇…出街聽歌要帶咁多嘢，又麻煩又重。好似我咁一插對耳筒入電話就聽得，唔好咩…」我拿著他的器材把玩，真的很笨重。「仲有咩叫動鐵？個名聽落好似好型咁。」
「一D都唔麻煩，為左追求最好嘅音質，拎少少嘢算D咩。」Edward不認同我的觀點，唉，我後悔了。「你電話播嗰D MP3檔係壓縮過，會損失左好多detail嘢；呢部無損檔播放器入面嘅晶片解碼，可以令無損檔以最真實嘅形式播放。而耳擴，即係手提耳筒擴音機，佢可以將音源放大，我呢隻係膽機耳擴，D聲又暖又靚。至於頭先你所問嘅問題，其實耳機大至分做動圈同動鐵兩種。動圈就好似喇叭咁，線圈喺信號電流驅動下帶動振膜發聲。動鐵又叫做平衡電樞式。利用電磁鐵產生交變磁場，振動鐵片，信號經過電磁鐵嘅時候會令電磁鐵磁場變化，從而令鐵片帶動振膜振動發聲。」Edward說了一堆我聽不懂的中文。「一句講晒，平嘢多數係動圈，貴嘢多數係動鐵。」他不屑的望著我那捆生活態度耳機。
「咁Edward，你呢set嘢夾埋買左幾多錢呀？」Ruby問。原來Ruby一早已經沒有聽課堂內容，聽到了Edward的耳機心得分享會內容。
「三萬蚊，有找。」Edward依依不捨的望著仔那對印有「Ed」的透明藍色耳機，然後小心的把所有器材收好。「可以擁有一set令我無論身在何地都可以享受到最細膩嘅音質，呢D，先叫做生活態度。」他托了托眼鏡，以專家的口吻向我和Ruby說教。
「三皮嘢…我去幾轉旅行唔好…」我心裡嘀咕。
「唔…如果有三萬蚊，我會揀去旅行，嘻嘻。」Ruby道。哈，真是心靈相通。
我無聊的拿過了Ruby的Iphone，把拇指按在home botton，解鎖。再啟動 Instagram隨意瀏覽。沒錯，早幾天Ruby 把我的指紋設定能把她的電話解鎖。
「依？你點解開到Ruby部機嘅？」這個細微動作竟給 Edward 發現了。
「下…？咩呀？部電話本身都冇lock到啊。」Ruby 替我解圍。
「…唔？咁可能係我睇錯啦。」Edward 聳聳肩。
閒談下的課堂時間過得特別快，轉眼便下課，我們仨步出演講廳。
「今日lunch食咩好呀？」Edward問。
「我…」
「不如我地今日去四樓飲茶啦，一於咁話，行啦去攞位。」我還未說想吃什麼，Ruby已搶著決定，我可是想吃舊can拉麵的說…
「乖啦，食少一日拉麵陪我飲一日茶啦好唔好～」Ruby悄悄在我耳邊說，原來她早猜到我想吃什麼。
我們幸運的佔到一張靠窗的卡位桌，Edward和Ruby急不及待的到點心處拿點心，我便留在位子負責看管物品。今天天氣真好，正午的陽光猛照著窗外的Podium，我俯望窗外在Podium走動的同學們，不禁替他們覺得炎熱。雖說現在應該是秋天，但在全球氣候暖化影響下，香港根本不就只有夏天和冬天嘛。
「喂，Edward你唔好食嘢掛住撳電話啦。」用膳其間，Ruby忍不住責備在全神貫注看電話的Edward。
「呀哈哈…Sorry呀一朝冇睇新聞，諗住趁依家追番，我收起番部電話，收起。」
「近排有咩新聞值得睇呀？」我問道。自從跟山城的阿璃交流久了，我好像比以前沒那麼討厭時事。
「唔…學民召集人申請司法覆核，挑戰年滿二十一歲才可參選立法會地區直選嘅規定，要求降至十八歲。」Edward果然乖乖的收起了電話，咬著蝦餃口齒不清地說。
「咁Edward你對單新聞有咩睇法？」雖不知來龍去脈，但我想聽聽Edward有何見解。
「呃，咁好明顯佢係想利用自己喺國教同雨傘儲落嘅政治本錢參選，因為佢知道自己嘅光環經時間嘅洗刷，已經開始暗淡。香港人係善忘嘅，再加上雨傘革命之後各種本土嘅力量掘起，佢如果想繼續撈政治呢一界，惟一嘅選擇就係全職從政。不過如果佢真係投身政治界，佢有機會痴埋泛民度、不過更可能嘅係佢會自立門戶，換句話就係會搶左老泛民嘅票源…」
「喂喂喂，唔好口水多過茶呀，快D食嘢呀。」Ruby打斷Edward的演講。「你睇你地兩個佬，一路飲茶，一路講新聞，好似D茶記呀伯咁。哈哈哈～」
飯後一起走的時候，Ruby煞有介事的問我們。「喂，我約左人，要去噴水池嗰面搭巴士呀，你地兩個跟住會去邊呀？」明明她是約了我啊…而且不是乘巴士，但轉眼我便明白她用意了。
「我照舊都係搭火車呀。」Edward回答道。原來Ruby是要知道Edward向哪個方向離開，好讓我們避免尷尬。
「呀…我要落一落尖東呀。」我答。
「唔同路喎，咁好啦，聽日見，拜拜。」我們便分道揚鑣，只見Edward又拿出他的聽歌器材出來準備在路上享受音樂，過了不久便收到Ruby的短訊。
「東東，Core D等～」
會合之後，Ruby即小鳥依人的用手挽住我，我很是受落。
「東～東～～」
「Ruby BB妳想去邊呀，落尖東？」
「我想同你行下海旁～」
「好呀。」為了避免接近火車站，我便與Ruby經尖東天橋漫步而行。下橋到尖東後有點餓，便與Ruby「掃街」，買了好幾串街頭小吃一邊走一邊吃。再走過一條天橋後，終於來到了尖東海旁。
「學校近海旁真係好方便，隨時可以行過黎望住維港靚景。」Ruby走近海旁，向著海伸懶腰，享受著陽光的照射和海風的吹拂。從後面望著Ruby，我突然覺得這個構圖甚有美感，便掏出電話把陽光海景和Ruby背面攝進鏡頭裡。我再走上前遞上電話，讓Ruby欣賞我這幅正方形構圖的傑作。
「哈~又偷拍得幾靚喎。」Ruby邊稱讚我，邊摸著我頭髮。「哼哼，一定係平時幫女仔影得多，係唔係？」
「梗係唔係啦，係bb人靚所以影出黎靚炸。」我與Ruby緩緩在海旁散步，沿途看到幾對情侶像是紅磚的學生在海旁談情。只能說紅磚大學的地理位置好有利，十分鐘的生活圈：南面有尖東（海旁、唱k），東面有黃埔（美食、戲院、冒險樂園），西面有尖沙咀（諾士佛臺、購物商場），北面則有旺角。若課後有時間跟同學到處遊玩，定必非常方便。
「不如，依家上妳屋企？」當我們走到尖東公共運輸交匯處時，我問Ruby。
「做乜你咁心急嘅東東～依家仲好早喎。」
「冇…我想練習下。」
「練習…定切磋呀？」Ruby在我們經過暗角處時淘氣的隔著褲子摸我下體。
「我兩樣都想。」我很誠實。
「…我都…想…要…」看著Ruby欲拒還迎的眼神，我當機立斷的拖她乘車去。